Искуства со коронавирусот – симптоми, лекување, совети од прва рака

Здраво на сите!
Дали некој имал искуство со повторно заболување од вирусот и дали воопшто е можно? Пред две недели направив тест за антитела и испадна дека имам антитела. А вирусот најверојатно го прележав почетокот на ноември, не се тестирав, бидејќи имав лесни симптоми и мислев дека е само настинка ама сепак си останав 18 дена во самоизолација.
Меѓутоа вчера имав кашлица како никогаш досега, едвај ја смирив. Денес сум омалаксана, исцрпена и со температура 37. Не е висока знам, но сепак е покачена. Се плашам повторно да не го имам вирусот. Дали е можно за толку краток временски период повторно да се заболам?

 

Можно е сега да е сезонски грип или обична настинка.

 

Обично викаат дека барем шест месеци шансите за повторно да имаш корона се многу мали, односно не постојат. Но јас имам слушнато за некои луѓе дека за побрзо време се позитивни повторно. Колку е тоа точно не знам. И на форумов баш прашував и добив одговори дека е можно. Е сеа тие што велат дека повторно имале не знам колку се сигурни, дали се тестирале или само онака си претпоставуваат. Како што ти кажаа над мене, сега можеби се работи за настинка или грип, и онака симптомите се слични. Имунитетот после прележана корона е ослабнат и шансите да фатиш настинка се големи, затоа треба многу пазење и многу витамини. И јас постојано стравувам да не закачам пак корона ама да се надеваме дека нема...

 

Колкава бројка на антитела имате тие што се имате тестирано, чисто да споредам што е висока бројка а што ниска..

 

Јас имав околу 9, после 3 месеци од позитивниот тест. Маж ми имаше само 1,4 на 5 месеци после позитивен тест.

 

Другарка има 14.9,чудно некако. А болна беше октомври и тогаш не се тестираше за Корона.

 

Луѓе не е нормално ова колку се осеќам омалаксано со мала температура. Посебно болка осеќам во нозете, не знам како да ја опишам. Ми се чини најтешко ми е на мала температура, 36, 9 и 37. Ако кренам повисоко од тоа не осеќам толку малаксаност. Мене ме фаќаат често топлотни бранови, наеднаш ме фаќа многу топло и препотувам. Многу истоштува ова.

 

Мачкај се/ масирај се со некоја од оние ментол креми за мускули и јас имав страшни болки во грбот и во нозете и само тоа ме спасуваше. На моменти сакав да си ги исечам нозете од болка..

 

Дали ви е исплатена целосна плата за периодот во изолација и после позитивен тест? Кај мм имаат доста скратено од платата, исто и кај колегите.
Можеби е коментирано негде, не можам да најдам.

 

19 дена од кога снемав мирис и вкус, и уште немам... Ова веќе ме плаши

 

Грип може да е, или нешто друго.

Најдолго време забележано без вкус и мирис е 50 дена. Не се секирај ќе се врати.

 

Дали имавте болка во плешката? Од задната страна на белите дробови?

 

Покачени вредности за црн дроб се од самиот вирус. Ќе се вратат во нормала за некое време. Може да пие козја сурутка и гроздов сируп за обнова на црн дроб.

 

Не ми е јасно зошто ги советувате луѓето да се тестираат по втор пат кога веќе биле позитивни и седеле 20 дена дома?Тие се најмногу заразни првите 6 дена од појавата на симптомите, после тоа заразата постепено опаѓа и не можат да ја шират. Вирусот може да го носат и повеќе месеци но тоа не значи дека ќе го шират. Јас колку што знам поради тоа се укинаа дополнителните тестови. Сметам дека само би фрлале за џабе дополнително пари.

 

Дали некој при голтање чуствувал грутка во грлото?
Што направивте?

 

Каде приватно може да се испитаат д-димери, по која цена и дали даваат совет за терапија?

 

Авицена мислам дека 800ден. Ама совет сигурно матичниот дава.

 

Hemolab само ако имаш позитивен тест ке ти дадат терапија.

 

Здраво, татко ми е поитивен на корона со симптоми само дијареа и еднаш домдва пати покачена темература. Направи снимка на градите и беше во ред. Веќе 8 дена откако е тестиран а минатата вечер имал потешкотии во дишење. Веќе нема никакви симптоми но ме плаши тоа со дишењето. Исто така терапијата е само витамини и изопромизан. Се плашм да не се влоши нешто затоа што е само со оваа терапија... Некој слични искуства? Дали е возможно откако поминаа симптомите (по 8 дена) да се појави плевмонија??

 

Татко ми пред 5 дена беше на анализа на крв.
Тогашниот резултат беше ок.
Дали сега после 5 дена има потреба пак да прави?Бидејќи е позитивен на вирусот ми е страв да не му се влошила крвта.