Исмевање на туѓи недостатоци е всушност, лечење на свои κомплеκси. Таκа да едно поздρавче од Фоρевеρ до сите κои исмејуваат и ме исмејувале мене и ви посаκувам ниκогаш да не си ги излечите κомплеκсите!
Да се надополнам .. од кога човек се цени според физичкиот изглед? Најчесто таквите исмевања се во врска со физичкиот изглед. Секој може да има крив нос, дебели веѓи, клапави уши, криви нози или што ја знам. Ама тоа не е пресудно. Немора веднаш да го осудиме и исмееме, побитно е прво да го запознаеме.
Исмевањето на туѓите недостатоци е толку подло, ниско и непотребно на овој свет. Обично тоа го прават луѓе кои и самите имаат маани. Сите сме исти, а толку различни. Толку ли е тешко да се прифати тоа? Уште кога почнав во прво, мајка ми ме учеше дека не треба да ги исмејувам другите и да не ги ценам според кој како се облекува. Таа лекција од неа највеќе ја прифатив, затоа што имаше право, а и знам како е да ти исмеваат поради недостатоци т.е. изглед.
Исмевање на туѓи недостатоци за мене е толку ниско, толку просто и глупо ... Прво и прво јас кога ќе видам некојтаков човек навистина ми е жал и ми е криво, веднаш очите ми се полнат со солзи .Јас лично од моја страна досега се немам на никого исмевано до сега...И никогаш не би го сторила бидејќи незнаеш утре ти каков ќе станеш или какви деца ке имаш...Во моето друштво има многу такви што се исмеваат ама ќе ѓи видам и нив еден ден ...
Мене во основно ме имаат исмејано неколку пати и тоа оние ''прчлите'' само заради тоа шо секогаш бев научена и имав домашно напишано и не сакав да бегам Ама сеедно ми беше.Барем знам дека јас со овјој памет ќе дотерам до негде па после јас ќе се смејам.За исмејување не го правам тоа бидејќи совеста после ќе ме изеде
Обично тие луѓе што се исмејуваат на туѓите недостатоци е чиста љубомора. Може на некого навистина има некои недостатоци, па се исмејуваат. Но, најмногу се исмејуваат на нешто ако имаш ти, а другите го немаат. Па ќе мислат нешто, ќе ти се исмејуваат.
Која иронија девојко... Препрочитај си го мислењето. Да се надоврзам на темата. Често знам да исмејувам, ете така рефлексно реагирам. И криво ми после, ама брза сум на уста.
Сите имаме недостатоци и никој не сака да биде исмејуван. Не сме ние виновни за тие недостатоци, туку природата. Сите знаеме да исмејуваме, ама како ни е на нас кога тоа ни го прават..
Имаше едно дете од училиште кое имаше клемпави уши. Некои од класот нон-стоп го исмејуваа за тоа бидејќи не можеа да му најдат друг недостаток. После неколку години, тој заврши факултет-два, се вработи на висока позиција во некоја банка, ги поправи ушите со операција, се ожени, стана горд татко и сопруг, изгради куќа итн. Кога ќе го видиш прав господин. Оние што му се потсмеваа, живеат уште со мама неженети, ниту пак во некоја сериозна врска или разведени, работат по обложувалници и се обични клошари.
Ко сите знам и јас некогаш да се насмеам на некој,ке излаже кој ке каже дека никогаш се нема насмеано на никој.Но не на сите и за секакви случаеви,знам дека и јас имам недостатоци и дека можат и мене да ми се смеат.
Децата и возрасните знаат да бидат немилосрдни кон туѓите различности-кои само погрешно ги нарекуваме недостатоци, сето тоа остава тешки трауми особено кај децата. Децата кои исмејуваат веројатно се и самите несигурни во себе или и самите биле исмејувани, а уште поверојатно е дека се едноставно-невоспитани. Во нивниот дом сигурно недостасуваат конструктивни разговори, топлина во односите, можеби се е сведено на површност. Исто би рекла и за возрасните кои се постојано окупирани со телесниот изглед и барање недостатоци кај другите. Од друга страна, медиумите водат една немилосрдна кампања со таа нереална слика за некои стандарди на изглед, па дури и однесување што се што отстапува од тој идиотски создаден перфекционизам станува-недостаток. Сигурноста во своите квалитети, особини, постојаната надградба на душата, топлите меѓучовечки односи и семејна атмосфера треба да бидат наше внатрешно јадро кое постојано ке не грее и штити истовремено.
Исмевање на туѓи недостатоци ми е најдолно нешто што може човек да го направи.А најжално е што тие што исмеваат не се погледнале себе си,немаат време бидејќи се преокупирани со туѓите маани и недостатоци.Конкретно мој пример..Во средно имаше две деца кои некако ме исмеваа,не директно туку индиректно,јас си ќутев,понекогаш им враќав иронично...луѓе верувајте после 2 години се сретнавме со едното од тие деца,бев со другарка ми,застанавме да се поздравивме демек школски де,неможеше да ме погледне во очи,јас го гледав директно во очи,се смешкав,му правев муабет како да е се нај нај,пропадна во земја,погледот му бегаше накај другарката.Поентата ми е на ваквите само еден игнор,сами ќе се засрамат кога тогаш.
Жалосно е што некои луѓе уживаат да исмејуваат нечии недостатоци... Секој од нас има некаков недостаток - некој нема коса, некој има голем нос, некој е дебел, некој... А, некој не се погледнува себе си во огледало и не се преиспитува колку е “паметен“, па коментира и навредува некој друг... Една од полошите човечки особини е токму исмејувањето на туѓите недостатоци. Отсекогаш не сум сакала да се дружам со луѓе што исмеваат недостатоци на некој човек. А, ако сум се нашла во друштво кога некој бил исмеван секогаш сум се трудела да го ублажам тоа исмевање затоа што несакам луѓето околу мене да бидат навредени и тажни!!! Секој човек, па бил и најгрд има нешто убаво во себе - само треба да се открие!!!
Незнам зошто ама се си мислам дека исмејувањето на туѓи недостатоци е некаков одбранбен механизам. Како например личноста била исмевана па сега враќа мило за драго или па има толку ниска самодоверба па смета дека луѓето околу неа само страдаат од неа па ги навредува за да ги оддалечи.
Секогаш ми е слаба точка исмевањето. Кога некој е исмејуван секогаш застанувам на негова страна и не трпам кога некој е исмејуван. Затоа што знам како е да си исмејан заради своите недостатоци. Сум била исмевана многу пати, прво заради изгледот, затоа што бев многу дебело дете, заради карактерот (повлеченоста и срамежливоста конкретно), заради ставовите, верувањата и не сакам никој да се почувствува како што јас се чувствував, а уште помалку да направам некој така да се чувствува, тоа во некој случај. Сега веќе не ми е гајле дали некој ќе се исмева со мене, затоа што воопшто не ме интересира кој што мисли за мене. А и никој не смее да се закачка сега со мене
Lugeto koi gi ismejuvaat tugite nedostatoci se obiduvaat so toa da gi pokrijat svoite..Nikoj ne e sovrsen, a cestopati onie koi gi ismejuvaat nadvoresnite nedostatoci na drugite, imaat duplo pogolemi I nadvoresni I vnatresni
кога бев помала често бев исмејувана бидејки носев очила и дека одев подзгрбавено..но сето тоа се поправи.Моментално учам со такви ГНАСИ што се исмејуваат на секој недостаток на секој ученик од класот де некој имал крив нос де некој бил дебел слаб ова она.. со мене учи едно девојче со посебни потреби незнам како паѓаат на толку ниско ниво со неа да се исмејуваат.Ај машки ќе речиш машки се ама пак и некои женски кои мислат дека се СОВРШЕНИ и дека се центар внимание со тоа што ке го направат на девојчето сепак никој не смее да се исмејува со никој.Јас секогаш застанувам на страната на тој што е исмејуван и не можам да поднесам некој да се исмејува а јас да молчам и да гледам.Сепак овие луѓе се исмејуваат на туѓите недостатоци за да ги прикријат своите.
Некој луѓе едноставно ѓи храни исмејувањето на туѓи недостатоци. Вообичаено овие луѓе немаат свој живот, па даваат се од себе да се вмешат во туѓите животи, да дознаат некои недостатоци, и во секоја прилика да го искористат тоа против вас. Мене искрено ми пречи тоа, а најмногу ми пречи што децата уште од мали го учат ова од своите родители. Има едно детенце кое е од сиромашна фамилија, а и од село се дојдени, и штедат на се, па така детенцето наместо патики, носи опинци. А за ова му се исмејува едно друго дете, чија финансиска состојба можеби за нијанса е подобра од туѓата. Но, неговата мајка само гледа и се смее, ништо не презема, бидејќи тоа многу забавно и беше. Очигледно таа така била воспитувана и така си ги воспитува децата..
Никој не може да биде совршен , а тој што се смее на другите и му преставува задоволство и храна да исмејува некој е идиот во биолошка смисла на зборот
