Ама јас не сум А1, јас сум Трендафилка. Немам некој одреден став и мислење за темава. Некаде споменав - јас и политика сме како магаренце и музика. Секоја чест за таквите како Лолита и БоаВиста - си имаат став и аргументирано си го бранат. Сакам само да си кажам едно, од мое лаичко, непрофесионално, скоро детско размислување во овој поглед: Додека некому му беше секирата во медот - сите беа А1. И за А1. И покрај А1. И среќни и весели си гледаа турски синхронизирани серии, мислеа дека идилата ќе трае вечно. Ама сега се растури калимерата и некој ќе си го окрка. За памет. И тука се помешаа баби, жаби, полиција, документи, новинари, обични граѓани, човекови права, пренос пред влада, и за некој малку писмен ова е многу збунувачки драги девојки. Како очекувате некој да ги разграничи сите мирудии и зачинки помешани во оваа манџа, за да дојдеме до - ВИСТИНАТА? Не ме интересира, ни сум А1, ниту не сум А1. Знаете ли што сум? Против апсењето на луѓето како Бајруш Сејдиу, Велија и Хеди, луѓе од калибарот на Штерјо и компанија. Зошто? Ама они краделе. Бре, бре... А тие во фотелјите во Парламент, Влада и по Министерствата топлат нозе и се грижат само за нашето подобро утре... Крадат СИТЕ, факт, со таа разлика што Сејдиу криминалецот со неговиот бизнис имал минимум 500 работници во Куманово. Тоа се минимум 500 семејства кои не живееле во беда и сиромаштија благодарение на него. Тоа е животот. Е сега - правдата е задоволена, WOW, спектакуларно и помпезно со сите почести на тв, да се увериме дека некој тука не спие, туку апси криминалци. А луѓето на улица? Без работа? Без пари? Некој нив ги прашува? Во Италија го имаат Берлускони и италијанската мафија, во Албанија - албанската мафија, во Русија - руската мафија... И во ваква веќе пропадната, корумпирана држава, оставете си ги главните богаташки фацки да си тераат бизнис - барем луѓето се вработени. А не да глумиме лудило - ќе го истребиме криминалот и џганот, а уште полицемерниот истребувач ти седнува во Влада и се става на секое гласачко ливче откако паметам за избори... Толку од мене на темава, можеби не сум во право, ама тоа е моето мислење. За мене криминалците не се тие кои го заобиколиле законот со шлепер цигари, ќариле милионче и издржуваат десет семејства. За мене криминалци се лицемерни суштества кои алчно, безобразно и ненаситно крадат од обичниот народ, му изречуваат санкции и отпуштаат 500 работници. А притоа накитени и наконтени во оделцата ала Џастин, ми се смешкаат скоро секој ден на секое е*ано парче вести во денот...
Е ова веќе е невидено и нечуено секој ден се пострашно станува...ццц Па и намерно да го направил тоа, мислам дека заслужил премиерот.....што сака тој само да го фалат и ѕвезди да му свалаат е се зафркнал не се сите како Латас... Веќе ништо не ме чуди само парите да им земат на луѓето, епа иначе од каде пари за спомениците
Не ми се верува колку сме прости ние Македонците. Не ги прочитав сите мислења затоа што просто се е доведено до тој степен на безобразлук и карање како да е засегнат некој најблизок од семејството, а не некој што незнае дека постоиме. Наместо да сме сите обединети и да си помагаме, доаѓа до ова- меѓусебна омраза. А зошто? па би рекла ЗА НИШТО!!!!!!!! И после секако дека ќе не газат. Темава прочитав дека е отворена чисто онака, ради искажување на мислење. Но, ова довело до убедување на другиот, третиот, дестиот ( и секој што го нема истото мислење како нас) во нешто што се коси со неговото мислење за исправно. Искрено, не личи ова да го прават девојки на оваа возраст. Одсекогаш сум викала дека ако ВМРО и СДСМ се здружат и ги баталат разликите, ќе можат да направат нешто добро за Македонија. Стварно неможам да сфатам до кој степен стигнала дискусијава. Само многу би сакала да знам која е целта на сите овие препукувања. Постигнавте нешто? Секако дека не. Никој нема да го смени ставот само заради едно ваше мислење
Моето прашање околу целава оваа работа со фирмите на Перо Наков е зошто сега? Ако Велија не плаќал данок 5-6 години зошто не бил казнет навреме.Од искуство знам дека доколку јас со плаќањето на данок закаснам само два дена ,ми ја блокираат сметката на еден месец,значи јас тој еден месец сум со врзани раце.Според мене некој во сите овие години го штител (влада?) и му го дозволувал тоа .Зошто? Не знам .Мојата предпоставка околу тоа зошто сега, е дека најверојатно А1 или Велија имаат некаков документ,снимка или не знам што ,што би можело да и наштети на владата.Мислам дека токму заради тоа и беше тој упад во А1 и дека заради тоа беа земени скоро сите компјутери ,снимки ,документи.Единствена работа која ми го мати умот е зошто ако владата сака да продолжи да функционира А1 им ја блокираа сметката и како со блокирана сметка мислат да ги земат парите кои Велија и ги должи на државата? Тоа блокирање автоматски значи крај на функционирање .Мислам дека покрај сите овие обвинети директори,управители,сметководители одговорност треба да понесе и директорот на УЈП и некои од инспекторите кои предходно вршеле увид во сите фирми и кои направиле превид во сите контроли кои ги вршеле.
Значи проблемот не е зошто Велија кој правел криминал е казнет,туку зошто токму во мандат на ВМРО е казнет. Епа некој мораше,ете затоа. Плитко,многу плитко. Патем Тинкербел,темава е отворена за дискусија..ама некој едноставно не прифаќа мислење спротивно на неговото,а чим е дискусија..не би се развила ако сите се едногласни.
Баш така...некој мораше,и многу јасно е дека ако биле опозицијата на власт тие немаше да бидат казнети затоа што ги поддржуваат токму нив.Море феминки сите од лична корист го прават тоа а ние тука очите ке си ги извадиме меѓу себе.
Читам и се чудам...па аит убаво си кажа...Дека самата власт го обвинуваше Велија за затајување на данок и тоа 5-6 год. наназад. Значи зошто баш сега им текна, мислам дека јас така ја сфатив аит а не зошто баш Вмро-Дпмне? Истото да се случеше и во времето на Сдсм јас пак ќе го имав истото мислење. Значи јас си кажав дека сум А1 бидејќи во оваа држава постои Устав како највисок правен акт,закони, подзаконски акти кои мора да се почитуваат.
Ни Чак Норис не може да ги зближи ВМРО и СДСМ. Инаку, воопшто не ги поддржувам А1, од за мене оправдани причини. Толку.
Eве,кој прати вести на А1..Бранко е гостин во моментов и сите новинари вечерва се културни и фини,му оставаат простор да говори..да,бидејќи Бранко се потпиша дека е А1 и говори се најубаво за телевизијата и Велија. А кога беше Груевски,никој не му остави простор да говори,цело време го прекинуваа..бидејќи кажуваше работи кои не им се во прилог на Велија и неговата екипа. Е,ептен проѕирно изрежирани сцени.
Па и јас да сум новинар од А1 и јас ќе го прекинувам зашто ќе имам многу прашања за да ми стане јасно зашто работам на минус 10 и нема да земам плата месецов.
Одговори на сите прашања,колку што беше во можност од културните новинари на А1. Нема потреба од пристрасност,во моментов-стварно.
Груевски не знаеше ни 2 реченици да склопи само се пенеше и цело време едно исто зборуваше бидејќи ен знееше што да каже....мислам дека од црвенковски треба да научи...човекот знаеше како да одговори ниту еднаш не се збуни..и у право беше човекот што и да се случи во нашата држава се е тој крив иако со неговата партија не се на власт..па тоа и е најлесно на владата вината за состојбата во државата да ја префрла на друг
Да, се Бранко им е крив ...и Бранко ги раководи сите од тутунари до лекари и останато...Во интервју си кажа, штом така викаат дека ја сум водач и влијаам на сите, значи признаваат дека сум способен.
Фала Џули,сега ми разјасна Патем,мене не ми е крив ни Бранко за ситуацијата. Баш за мене Бранко е пример како треба да изгледа еден политичар. И не ми ги превртвите зборовите,не зборував ни за Бранко ни за Грујо..туку за загарите на Велија. Али ај,тоа им е работа
^^ абе сите се исти, покварени души, само за свој интерес гледаат.Без разлика дали е Никола или Бранко,Рајко или Трајко на власт нема да напредуваме.Ке си седиме вака, ке трпиме и ќе ќутиме..
Ако ова се однесува на мене ,моето двоумење не е зошто Велија и Дали ВМРО ,туку зошто сега ,а не лани,или не пред 4-5 години. Инаку јас само го напишав својот став и размислување со кое некој можеби ќе се согласи ,а некој не .Јас не сум политички определена и апсолутно не би ми пречеле ни ВМРО ни СДСМ доколку јас можам убаво да живеам,да не се секирам за храна,сметки ,да можам да си дозволам ситни задоволства и најважно да се чувствувам сигурно во својата држава.
