Можеш да се преобразиш од слаба во цврста личност. Некогаш падовите те прават да застанеш цврсто на нозе, и да учиш од своите и туѓите грешки. Цврста личност-цврст карактер. Личност полна со разум, културно и непримитивно однесување. Личност следен од својата интуиција, која секогаш ги отфрла исфрустрираните мислења. Цврсто ги брани своите ставови и својот личен идентитет!!!
Според мене, цврстото ЈАС не доаѓа туку така само од себе. Тоа е процес кој трае и трае во текот на целиот живот. Не мислам дека е возможно секогаш да имаш самодоверба, затоа што границата помеѓу егото и самодовербата е тенка. Во споредба со старото ЈАС, воопшто немав доверба. Иако и сега не се наоѓам на тоа ниво на кое сакам да бидам, сепак се движам во тој правец. Книгите особено многу помагаат во градењето на цврсто ЈАС. Не било какви туку стриктно со психолошки карактер. Потоа разговор со повозрасни, како и стремежот да се биде позитивен.
Силината на човечкото его претставува процес кој се гради од детството. Раната возраст е првичната фаза кога секој од нас почнува да го создава егото по пат на вродени, но и стекнати особини. Учиме, правиме споредби и разлики и го обликуваме идентитетот. Со текот на годините и надминувањето на некои критични моменти ги увидуваме слабостите, позитивните страни и вложуваме труд и енергија онаму каде што тоа недостасува. По пат на разговор и разменување искуства многу може да се направи за себе. И добрите и лошите аспекти може да бидат поука за соодветно однесување. Цврстината на духот е како талент на кој постојано треба да се работи и вложува за да се постигне успех. Совладувањето на техниката за зачувување на идентитетот е можност полесно да се анализираат постапките и да се биде горд на делата. Секој напредок е лична заслуга.
Патот до цврсто јас е паѓање, повторно станување и продолжување напред. Од сите грешки и од се она со кое се соочуваме, треба да извлекуваме поуки кои ќе го зацврстат нашиот карактер и ќе ни помогнат да бидеме мудри, истрајни и доследни на себе.
Ме газеа, ги газев, паднував, станував и така во круг дур не ми дојде преку глава. И од тогаш што кажам тоа е и точка.
Не дозволувајте им на луѓето кои се откажале од своите соништа да ве натераат и вие да се откажете од вашите.
Не ми е проблем. Цигарите ги оставив одеднаш, без да планирам. Бившите девојки кои ја претераа истотака. Кога учам, работам, кога имам некој план, кога не давам пари на заем, тогаш го имам моето цврсто ЈАС на најјако.
Цврсто јас ако не е од детство изградено, после само со многу работа. Дисциплина, самодоверба, истрајност, асертивност се категории за некои луге пис оф кејк, за други низ трња треба да одат и "низ нос" да им.излезе.
За да имаш цврсто ЈАС мораш прво да го најдеш тоа ЈАС во себе. Да го запознаеш, да поминеш време со тоа јас (сам со себе).Тогаш кога ќе сфатиш дека ти си доволен сам на себе, дека ти си единствениот најдобар пријател на себе, кога ќе бидеш сам а нема да се чувствуваш осамено , кога твоето мислење ќе ти вреди многу повеќе од другите, кога иако доживуваш падови ти знаеш дека можеш и се поддржуваш себе си и не чекаш другите да ти кажат дека можеш. Тогаш ќе изградиш цврсто јас.
Градењето на 'цврсто Јас' не е едноставен процес, со самото тоа што станува збор за соочување со самиот себе. Внатрешните конфликти се најтешки. Потребно е подолго време за градење на цврстина на карактерот. Тоа го вклучува стекнувањето на искуства низ животот, правењето грешки и учењето да се станува после секој 'удар'. Зошто е тежок овој процес?! Затоа што потребна е храброст и цврста одлука да си ветиш самиот себе дека секое утро ќе си кажеш некоја позитивна работа и ќе се чувствуваш добро. Да погледнеш до каде си стигнал благодарение на твојата истрајност и тогаш длабоко да вдишеш и издишеш полн со задоволство, верувајќи во своите способности, физички и умствени, знаејќи дека нема да му дозволиш на никој да те прегази и да те натера да мислеш дека не си доволно добар. Бидејќи си. Секој во себе си има некој вид на дар и секој поединечно треба да го разгледува тој дар како најголемото и најпозитивното нешто, како големо достигнување, и постепено вербата во себе ќе расте, и не само вербата во себе, туку мотивацијата и желбата за саморазвој. Позитивната мисла е најважна за преземање на првиот чекор.
