Здраво на сите форумџики/форумџии.. Веќе подолго време не бев активна на форумов, но пред некој ден започнавме дебата со моите другарки/другари за темата: ,,како се сака вистински една жена/девојка“. Сите машки зборуваа за тоа дека сите жени наводно сакале само скапи поклони и скапи патувања, но јас знам и верувам дека постојат и други начини.. вистински начини со кои што може еден маж/дечко да покаже дека вистински ја сака неговата жена/девојка. Па ве молам споделете, што мислите.. Кои се вистинските начини за доказ на љубов? Поголемиот дел од нашава машка популација смета дека доколку покаже романтика или направи некој гест дека ќе биде папучар во очите на другите, па затоа слободно нека се јават и оние “папучари“ кои што направиле нешто за својата сакана.. А вие девојки слободно споделете што направил вашиот сакан за вас. Што ве трогнало од негова страна и сте сфатиле дека тој е вистинскиот избор. Едвај чекам да ги читам вашите уникатни моменти
Жената е е двигател на човековото битие и стремеж кон совршеност. Нејзината сила руши мостови, преместува планини и раѓа нов живот. Кога двајца ќе се вљубат, се спојуваат небото и земјата. За да се дознае дали еден маж /дечко искрено ја сака својата жена/девојка доволно е да се погледне во неговите очи и да ја почувствувате неговата сила и љубов..
Искрено не мислам дека треба многу за една жена да биди среќна. Таа сака внимание, разговор, сочуство и неќи да се почувстува игнорирана. Не вервам дека скапи коли, накити, алишта се клучот до срцето на жената туку вниманието кое ќе ѝ биди пружено, разговори, пиење пиво заедно, правење некои интересни работи како готвење заедно, риболов, онака ситници кои подоцна онака потикнуваат мн мн убави чувства и носат инзвонредни сеќавања.
Секоја има и подразбира различни нешта под сакање. Најважно од се е вниманието, разговарањето, гестовите, јас големо значење им давам на ситниците, добрата смисла за хумор, позитивноста, искреноста, без никакви ни најмали манипулации. Никоја несака игнорирање и идиотско однесување, епа мажи сега ќе добиете еден куп мислења па се на се сумирајте помоножете и најдете нзс на работите за тоа што точно сакаме ние жените.
Како се сака жена, така се сака и маж. Не смее да има поделби на полови и начини на сакање машко/женски. Тоа е ордринарна глупост.
Браво за темава!!! Поставеното прашање е навистина интересно... Што ни треба на нас жените за да се чувствуваме сакано??? Па, не многу!!! Со мм сме заедно 27 години... Но, верувајте сеуште се сакаме!!! И тоа како поминува времето се повеќе и повеќе!!! А, за секој од нас да се почувствува сакано не треба многу!!! Доволни се неколку убави зборови, неколку нежни прегратки, разбирање за желбите и потребите на секој од нас, искреност и нималку лаѓи!!! Немањето тајни еден од друг, мислам дека се клучот на вистинската љубов... И после толку години заеднички живот, мене како жена ми годат некои „ситни“ зборови и постапки кои што мм знае да ми ги пружи - мојата жена е посебна, најдобра е во се што работи, најдобро се грижи за нашите деца... Заедичките прошетки, дружето во кујната, смеењето на вицовите кои си ги кажуваме додека пеглам, моето „помагање“ додека тој ужива во своето хоби... сето тоа ми дава чувство дека сум сакана!!! И како „јаготка“ на врвот од чувството дека сум сакана е верноста!!! За една жена која сака најважна е верноста од партнерот...
Вистински сaкaнa женa е слoбoднa женa. Дa биде тoa штo е, дa не чувствувa ни нaјмaл притисoк oд пaртнерoт дa мoрa дa испoлнувa стaндaрди несвoјствени зa неa сo цел дa дoбие пoчит и љубoв. Реткo кoјa е нa тaкoв нaчин сaкaнa, мнoгу се прилaгoдувaaт и се сoглaсувaaт нa мнoгу кoмпрoмиси штo дo oдреденa грaницa е вo ред, нo пo мoе тaa грaницa требa скoрo и дa не пoстoи, нo тoa вo некoј друг свет. Вo кoнзервaтивни средини сo приличнo oгрaничени зaмисли зa тoa кaкo еднa врскa или брaк требa дa изгледa-слaбo. Кoлку сте слoбoдни, тoлку сте сaкaни.
Со жената треба ни премногу стегнато, ни премногу лабаво. Е сега зависи, има жени материјалиски чија љубов се одржува со подароци, а за оние другите треба само разбирање, да им се поклони своето време и внимание. Тие сакаат делење, делење на се, на чоколадата, на парчето торта, на ќебето, на последната палачинка, на секоја насмевка, секоја солза. Има една изрека, мажот треба многу да го разбираш а малку да го сакаш, додека жената треба многу да ја сакаш и воопшто да не се трудиш да ја разбереш. Не се согласувам сосема со ова, но во секој случај, точно е дека и е потребна голема количина на љубов. Никако ставање стеги, никако љубоморни драми. Но ни премногу лигавење и попустливост. Жените сакаат храбри мажи, силни, одлучни и кои знаат кои се и што сакаат. Ова го спомнав бидејќи во врска некои знаат да се изгубат себеси. Сакаат заштитнички настроени мажи покрај кои ќе се чувствуваат сигурно. Мажот треба да ја насмее жената а не да ја расплаче. Како рекле, да и го размачка карминот а не маскарата.
За да се почувствувам сакана не ми треба ни кола ни јахта ниту нешто трето.. Малите гестови значат најмногу. Кога сум здрава, болна, среќна и несреќна да биде до мене, да покаже дека се грижи..дека му е жал, дека е среќен. Не да биде како мртов коњ, ни на живо да се радува ни на мртво да плаче.. Кога сум во право да ме поддржи. Кога грешам да ми укаже, но да ме остави да научам од грешката. Во спротивно со наметнување на тоа што мисли дека е исправно прави само да чувствувам одбивност.. Секое утринско гушкање, убавите зборови, кроење планови за иднина ..сите тие се начини и постапки за да ми покаже дека има некакви чувства кон мене.
Сакањето нема врска со скапите подароци и мислам дека веќе е време денешниве мажи конечно да го разберат тоа.. Довербата, грижата, нежноста, поддршката се она што ја прави една жена да се чувствува сакана.. Јас за да се почувствувам сакано пред се треба да бидам слободна и без стеги и окови што би се рекло, заедно да уживаме во се што ни нуди животот, значи довербата е клучот. Потоа се друго оди рака под рака, да ме слуша, поддржува, мази и пази како капка вода на дланка, да се однесува заштитнички, и тоа е тоа.. Поклоните секако се дел од сето тоа но не мислам на поклони од типот на луксузни накити или којзнае што, може и да е нешто сосема обично само да е креативно, внимателно и подарено со љубов.. Пред се за да се чувствувам сакано, човекот до мене треба да ми е пријател, брат и животен сопатник, само така би се чувствувала сакано и среќно.
Едноставно и искрено! Што поедноставно тоа поубаво. Јас сум едноставен тип и не ги сакам дечките со фразите ''срце, муце““ бла бла. Женско се сака по начинот на кој се однесува, смисла за хумор, женственоста, како ја искажува љубовта. КАко што кажува горе коментарот силно, од срце
