Кампања на владата за здрава исхрана

Веќе човек да не знае што е здраво, а што не. Жена нутриционист од Скопје која се појавува на емисии кога не виде со колешките дека пиеме кафе со млеко не искара. Рече дека е лоша комбинација и дека млекото е за мали деца, а возрасни не треба да пијат често. Јас на работа може да изедам 2 банани, ама потоа ако не изедам кифла, тост или бурек некако се осеќам гладна. Сепак гледам да не биде тостови и сендвичи секој ден.

 

Хаха кога ја видов оваа кампањава, па и жената на претседателот нели нешто поборник беше, како на Обама жена му, санки ова Америка е, економија цути, рај земски. Боже Боже, луѓе со 8-9 илјади фамилија гледаат и деца на студии праќаат, се облекуваат и сметки плаќаат, дај малце од Скопје испаднете, дека во Скопјево не знам дали ќе ми биде поскапо кило домати или еден хамбургер да купам, веќе почињам да мислам дека тука некаде се со цената.

Убаво што на пазар е евтинко, еве на Бит-пазар е скоро џабе, а на Буњаковец е да те заболи глава од цени. Убаво и мене ми е што се случува некогаш да се влечкам со овошје и зеленчук од Бит-пазар, ама во нормалните денови ене ми го маркетчено под зграда, кило јаболка, 80. Ба ба бау, ајмо странски инвестиции. Рамно на самоотепанство, а буџетот за неделата, ако го одземам превозот (замисли бе пешачам, ама до друг град стварно не можам да пропешачам) испаѓа дека сум дала 1/10 од парите за јаболка. Многу нормално дека ќе си купам 10 житарици на Виталија и секој ден ќе појадувам по 2, ене ги во Кам, за 42 денари. Па ми бил надуен стомакот, јас знам дека тоа се шеќери и чуда внатре, ама ај, еве, одбирам да не јадам бурек и да не јадам од Вили, освен кило јаболка да мезам до ручек, поздрава варијанта од житарициве не гледам. Та шејкчиња сум си правела дома, та салатички, та ова та она, се' е фан енд гејмс првите неколку месеца, после ти се скурчува, буквално, да стануваш два саати порано за да се опремиш со јадење за тековниот ден. Ами ручек, ами вечера? Ашшшшш! Колку пари-толку музика.

А кога веќе Америка ни е во главата со слика за нездрава храна, да ве корегирам и да ви кажам дека се хранат трипати поздраво од нас, нема органска продавница за храна што не е преполна со луѓе. Не викам дека и Мекдоналдс не е преполн, ама парата го врти светот и крај на приказната. Не знам дали јас такви луѓе сретнав, ама скоро сите трчаа насабајле, или одеа во теретани после работа (15 долари за цел месец, кога сакаш и колку сакаш, плус туш, спореди со нашите 1000 па нагоре, а во центар во Скопје да не правам муабет, за некоја мраз ладна сала) та салатички за ручек, та не знам руколи, марули, па скариче во двор, си грила и си кулира човекот, да, ама чекот нив им стасува секој петок... Не мислат дали ќе им ја исклучат струјата или дали детето ќе има пари да го школува. Цена на храна - скоро идентична со тука. Па да видите како живеат до 99 години и повеќе, остајте по телевизии што гледаме дебели биле, филмовите се едно, реалноста е друго, барем од тоа што го видов јас.

Е од друга страна, го имаш и познатиот Долар стор, внатре нездрава храна, фул, за 1 долар можеш еден оброк да си купиш, пример конзерва со некакви тестенини внатре или една пица за во микро. И знаете што? И овие продавници беа фул, ама беа фул со луѓе што гледаш дека се на работ на бедата, некои одрпани и се гледаше дека им е дојдено до јадење, а не до здраво јадење.

Убава е замислата, убави се рекламите, да те фане апетит кога ги гледаш, ама не ме јеби бре, социјална помош 2.100, просечни плати некои 10.000 илјади.... Гледам се' почесто луѓе на улица што просат, а не се од ромска националност (ова без навреда, чисто за споредба до кај е дојден стандардот), се пикаат по контејнери и јадат од ѓубре, и ја имаш приказнава за бадемчиња, оревчиња и црн леб?

Хахаха. И уште еднаш, ха хааха!

 

Која е таа жена нутриционист,баш ме заинтересира? Точно е дека не е совршена комбинација кафе и млеко,ама дека млекото е само за мали деца,глупост на векот.
Како ме нервираат такви што завршиле некој курс и демек знаат се за исхрана,па и други советуваат.
Се извинувам за офтопик.

 

Всушност, забегавме целосно од темата, ама ете ви примери на Битерсвит и Ана дека навиката и те како вродува со плод. А јас мислам и дека е тоа намерата на кампањата, малце од малце да се подигне свеста на народот. И верувајте, ако плукаме сите, ова вака она онака, исто како што се навикнав јас да ставам појас секое влегување в кола, така некоја мајка можеби ќе подразмисли и ќе престане да си го колка детето со салами и турски чоколади ко што си ги викам јас сапунчиња Не е се така црно и неквалитетно, а уште помалце отровно, ама се тоа ни го направи глупавата политика која го става прекупецот пред производителот, па земјоделците станаа изгубен случајЈас одговорно тврдам дека цените кои ги плаќате во Скопје, како примерот на Дузи за јаболката, апсолутно не се пари за наш македонски производ, зашто нашите јаболка останаа по гаражите во Ресен. Ама нејсе, тоа е сосем друга тема за која ќе се изнервирам ако зборувам

 

@AnaKarenina и @danichap

Никој не оспори дека домашните производи се понеквалитетни од оние што се произведуваат на индустиски начин во поголем број, но реално кажете ми колкав е бројот на таквите фармери како што ги опишавте и дали целото население може да се снабдува на таков начин, па макар и да имаат средства да си го дозволат тоа.
Веќе таа мешавина од концентрати за побрзо гоење е навлезена во сите кругови и верувајте дека не секој произведува храна за добитокот. Најевтин начин е, НО ако имаш свое земјиште да го правиш тоа и ако има кој да ти го работи. А со оглед на тоа што сите ги испратија децата на факултети и на работа во поголемите градови, не можат луѓето да постигнат се да работат сами. Земјоделството бара посветеност преку целата година и нема слободен ден. Ако видиме па и како се менува климата и колку посеви беа уништени од природни погоди или од некои нови паразити, ќе видите дека доста голем дел од земјоделците се одлучуваат да си купат готов концентрат или барем пола - пола комбинираат. Не е работава само фрли му некое семче на животинчето да се најаде, храната за животните треба да биде разновидна, дел концентрирана, дел волуминозна. Не можеш ти крава што има 180 литри желудник да ја храниш само со јачмен и 'рж. А богами да произведуваш разновидна храна треба многу труд. Ако сточарството во семејството не претставува примарен бизнис верувајте дека немаат време за се да се грижат самите. А не зборувам за големи сточарски претпријатија како Трубарево, Пелагонија и сл. Зборувам да имаш барем 15 крави, коишто не ти се единствена обрска во текот на денот.

Башка дискутабилно е тоа колку е санитарно исправно да се чуваат во ист двор кокошки, гуски, свињи, коњи и говеда. Многу лесно се пренесуваат тие болести преносливи од еден вид животно на друг, а потоа и на луѓет кога се' се одгледува на куп. Коковчето прошетало до другиот двор, колвнало во изметот на прасето на комшијата, па оп не дај Боже ете ти Трихинела, Метил, Чума, Треска и сл.
Знаете колку семејства што одгледуваат овци се заразени со Бруцелоза која е хронична и не можеш да се излечиш туку само да ја контролираш? Колку семејства се заразени со Трихинела од јадење неконтролирано свинско месо или дивеч? Туларемија од зајачко месо?
Знаете колку антибиотици сте испиле до сега преку млекото? Секако дека до крај не се почитува таа каренца, додека антибиотикот скроз да се исфрли од организмот. Тоа е губење на млеко во ветер и магла, коешто воопшто не е евтино за да се фрли. А колку е пософистицирана расата, толку повеќе се разболува. Со оглед на тоа што Бушата во Македонија скоро и да ја нема како чиста раса, повеќето крави во Македонија се мешани со раси специјализирани за производство на млеко, а тоа значи и дека се многу помалку отпорни на болести, па нема период кога некоја крава од стадото не е заболена од маститис или некоја друга инфекција.

Ептен се забега од темава и не ми е поентата да ве одрватам од јадење домашно произведен храна, но сакам само да ви кажам дека треба премногу да се внимава од каде се зема, затоа што многу луѓе играат на таа карта демек види домашно е, а попатно ви продаваат секакви санитарно неисправни продукти.

На крај краева мислам дека во темава треба да се зборува за онаа исхрана која што може да си ја дозволи поголемиот дел од населението, без да зборуваме за тоа како треба сами да си одгледуваме или да земаме од село, затоа што не секој може тоа да го прави, прво затоа што се нема време, потоа пари, а секако и земјиште, па макар тоа било и еден двор позади куќа.
Кампањата треба да биде за сите, а не за селекционирани групи од населението.

Не не правете баба роги сите овде што се побунивме на кампањата затоа што сигурно не сме поброници за јадење салами, паштети и прскани јаболка. Напротив повеќето од луѓето овдека се обидуваат да се хранат најздраво што можат, со оглед на своите примања и на работните обврски во текот на денот. И апсолутно се сложувам со тоа дека навиките за здрава исхрана доаѓаат од дома, но и многу од навиките се рушат на места каде што поминуваме 8 часа, затоа што не секогаш се може против условите.
Кога ќе се направи математиката црно на бело секако излегува дека храната општо е скапа, а не пак здравиот начин на исхрана, којшто да не заборавиме вклучува и неколку балансирани оброци во денот. Здравата храна подразбира и разновидни и разнобојни зеленчуци и овошја, така што ве молам не ги набројувајте само најевтините колку да е протурка месецот.
Кажете си фино лепо дека ако сакате да ги вклучите сите плодови што природата ни ги дарила дека ќе треба поштено да си го олесните новчаникот.
Не е работата купи сезонско овошје, најчесто јаболко, ама тоа да биде Ајдаред, коешто патем само месецов е свежо, набрзо ќе почне да има мирис на влага и подрум. Повелете јадете некоја друга сорта на јаболко па кажете ми дали е 30 денари кило. Или да не правиме муабет па за круши...луксуз. Кило костени колку е? Увозните овошја нема да ги спомнувам затоа што сакам прво да видиме што може нашиот домашен пазар да понуди како сезонски плод и по која цена.

Сто пати се кажа кои се просечните примања на населението, се пресмета кошничката со основните продукти за месецот и пак не ви е јасно зошто ова изгледа како додавање сол на рана. ДА владата ми е крива, затоа што не може да се носат секакви погубни одлуки во однос на земјоделието, во однос на економијата и за тоа каде се вложуваат сите средства за којшто јас и вие плаќаме данок, а потоа да се троши брдо пари за вакви кампањи за коишто не сме дораснати и коишто се контрадикторни ако се земе во предвид дека се дозволи увоз на гмо семиња. Сите фино лепо го заобиколувате тој дел, велите дека не ги гледате тие производи по пазарите, ама стрпете се, наскоро ќе видиме сите колку тешко ќе се стигна до убава салата. Таман за година-две сите ќе ги сменат семињата со овие новиве фенси гмо, затоа што се поотпорни и пополдни, а за другото, па мање битно, затоа што нели најважен е профитот на крајот на денот, никој не го боли уво за туѓото здравје.

 

@danichap не знам зошто ни на мене би се однесувал коментарот кога јас самата кажав дека здравата храна е скапа и не е сѐ толку наивно како што се кажува по рекламите На иста фрекфенција сме.

 

Извинете ако изгледаше дека цел пост се однесува на вас, можеби не го склопив баш најдобро, во брзање бев. Вас ви се обратив само во однос на домашните производи и воглавно исто размислуваме, но само сакав да кажам дека не секој домашен производ е вистински корисен и без исклучок здрав.

 

Ве прочитав во еден здив, од прва страна до последна. Е сега не запамтив кој што точно пишал(по име) , ама знам што е општо пишано.
Имаме викендичка накај Марков Манастир, па таму се наоѓа по некој домат, некое компирче, брокула, грозје, мини овоштарник со јаболка (кои за жал ми предизвикуваат алергија), сливи, јагоди, кајсии, праски, круши, мушмула, лешник, цреша, вишња, рибизли (и ореви од кај комшијата). Да, се ужива во благодетите, ама преку лето. А кога ќе дојде зима мака мачиме...

Мед купуваме од проверено место, свинче лани добив на подарок, домашно чувано..
Но што е со останатите производи?!
Некои ќе речат дека е доволно да јадеш тоа тоа и тоа и да, тоа било здрава исхрана. Ги поддржувам женскиве погоре што велат дека вегетата не е здрава, дека Балансот не е поздрав од другиот јогурт, дека месото е се само не здраво, рибата чувана во рибници со Бог знае што во неа..Онаа замрзнатата пак сигурно ни сами не знаат колку време е стоена. Месо од Бразил, грав од Кина, "кочански" ориз од Индија или од преку 7 ридови..
Јас друго не можев да разберам од коментарите, 50 евра неделно за зеленчук и овошје?! Што јадете луѓе, авокадо, папаја, манго и слично?
Некој имаше пишано 4 леба на ден по 7 дена, 600+ денари за леб. Добро луѓе, зарем по еден леб на човек јадете дневно?! Ние сме тројца, еден леб купуваме дневно и следниот ден врапчињата на прозор имаат појадок, затоа што секако не го дојадуваме целиот. Кога дозволуваат обврските мерак ми е леб да замесам, ама и лебот го нема истиот вкус што го имаше пред 15-20 години, затоа што кој знае со што го "збогатуваат" брашното...

Кај нас дома, со големи месечни примања за македонскиов стандард (не би навлегувала во бројки), се јаде тоа што дај Господ. Сите сме растрчани по цел ден, нема фамилијарно седнување на ручек како порано, па кој кога ќе стигне тогаш јаде. Не можеш да дремеш врз шпоред 24/7 само за да изиграваш готвачка.
Конкретно јас, како главен набавувач на намирници за дома, можам да кажам дека гледано на хартија ние се храниме здраво. Ама на хартија!
Телешко, јунешко, пилешко месо, лосос (исклучиво СВЕЖ!!!) или пастрмка, домати, краставици, јаболка, пиперки, брокула, моркови, киви, рибизли и ред други потенцијално здрави намирници се секоја недела на трпеза. Сега и оревчиња, лешници и костени. Ама пак ќе кажам, потенцијално здрави, за жал се се почесто нездрави, поради начинот на кој што се одгледано и транспортирани до крајниот корисник...
Татко ми е човек што не седнува на маса ако нема месо, така се научил и на овие години веројатноста дека ќе му ги сменам навиките е минимална.
Доаѓа сега Груевски и ни промовира здрава исхрана, наместо да почне со своите колеги, тој фрла пола милион евра на реклама, додека Пратениците не менуваат месо за житарки. Па многу нормално, убаво си пишува таму, селско месо, телешки мускул, вешалица... А дали видел тој колку телешки мускул може да се купи со минималната плата предложена од нив?!
За да дојде до тој степен да фрли огромни суми на реклами, треба прво на народот да му обезбеди пари за да се хранат на тој начин што го налага. Од друга страна пак некои пресметале дека треба да се одвојат дури 1800 денари за еден здрав ручек по рецепт на Владата. Уште да ги имаше тие пари народов... Народот е гладен за корка леб а не за леб од три видови брашно..
Тие пак што можат да си дозволат некој денар повеќе за храна, немаат баш и некој избор. Органско производство?! Што беше тоа? Каде може да се купи, м? Органско месо, некоја фарма за органско производство во Македонија која што пласира производи во маркетите? Просветлете ме ве молам ако сте запознаени, затоа што не сум приметила ..
Додека бев во Америка, таквите производи беа соодветно одбележани и со прилично забележлива ценовна разлика од останатите, па си бираш, или такво или такво..

И пак ќе кажам, нашата здрава исхрана со маслиново масло, телешко месо и што уште не, е здрава само на хартија. За жал...
Папаја, манго, индиски ореви (кои патем ги обожавам иако реално не се многу здрави, барем не во поголеми количини), разни тропски овошја што не растат на нашава почва, а ни во близина на земјава, не се ништо подобри од јаболкото, праската, кивите и се останато што се произведува тука. Голем поборник сум за употреба на храна која што расте на ова подрачје, каква и да е сигурно е поздрава од некое манго донесено од не знам каде, испрскано со 300 прашоци за да стои свежо со месеци (затоа што многу малку се продава во земјава)..

Сума сумарум, да не го должам, мислам дека рекламава му е тотална утка. Додека не му овозможи на народот да се храни здраво, џабе му се секакви реклами.

 

„Само“ ужинките 200 денари. Штета што не ја чувам фискалната од кг телешко месо - 450 денари.

 

^
7 евра на ден за овошје. Тоа ти е во просек 2 или 3 кг овошје под претпоставка дека не се купува секој ден најскапото и надвор од сезона. Малку е претерано али нема везе.

 

danicap И јас сакам,и таа под мене сака,сите сакаме,ама со нашите услови Македонски,нема сакаме,туку ќе земеме тоа што мораме,т.е да го поминеме месецот...некој ни за јаболки нема,и на тоа се радува иако му се скиснати,ама ај вика пак овошје е колку толку,колку без ич,ако не за нас,за децата!!!

Зборам општо сега,јас ако не друго еднаш неделно обавезно купувам од пазар јаболки ,мандарини,банани,лимони и некое друго овошје,ама кога ќе видам како лиги му течат на комшичето кога ќе дојде кај нас да си игра со децата кога ќе ги види бананите,срце ми се кине,зашто со една плата се и за што побрзо таа,не им стигнува ни до 15ти во месецот..Како крпат,само они си знаат!!!

Богами само за чудење сме,плата 200 евра а трошиме 500 евра,е ај сега...

Сите сакаме тоа е факт,ама колку можеме....е друга приказна!!!

 

^
Проблемот е што сезонското овошје стана скапо за просечно семејство. Авокадото е веќе мисловна именка. Колку пати сум слушнала од рандом родители: “Чекам да поевтини“ и си минуваат неделите. Фамилија не се рани со еден кг неделно овошје.

 

Да не ја ругам сега јавно. Ц.Д.постара со црвена коса, знаете од емисии.

 

Се ми е јасно

 

Дали ќе го замрзнеш месото сам или од месарница исто ти е. Најздраво е заклано, па јадено.
А пропо муабетов, си викам да не грешам со информацијава која ми беше прилично сигурна, сепак пак си се распрашав. Во кое село и да сакаш чувај прасе, има селски ветеринар и МОРА ама мора да биде проверено животното, вакцинирано и пред се наклукано со антибиотици. Само свинската тенија замисли, пак се останато. Како што кажа татко ти е доктор, веројатно ќе ти објасни зошто е тоа така. Не постои добиток кој не е ветернинарно прегледан, дури и ако има, а ти го купуваш, продавачот ќе биде казнет, ако се испостави дека животното било болно. Здраво хрането животно не значи дека е здраво самото по себе. Така што тоа се бели лаги дека ако така купуваме, е поздраво.

Пресното млеко само по себе не е здраво за возрасен човек, па затоа не е ни дискутабилно од каква крава е.

Јајца без петел се знае како се несат, па дури и ако има петел, пак се досредуваат така де знаете како, затоа што тогаш една кокошка ќе носи јајца секој втор ден. И не, не го прават тоа само по големите фарми, туку и тие дома што си одгледуваат сами им даваат концентрат преку храната.

Луѓе најискрено не се лажете, ова не го зборувам на памет. За да некој ти продаде треба да има МНОГУ вишок, а тоа со природно сигурно не може да го постигне.
Едно е здрава храна, друго е храна од здрава средна која ние не ја имаме.

 

Здрава храна? хаха, па ние бе луѓенца сме народ кој е ставен на преживување барем поголемиот дел од нас. искрено не знам кога последен пат сум каснала некакво овошје или пак не да мислам сега да купувам домат, крставица или слично. И тие пак се увозни кај нас кој знае од каде се се носени, прскани и кој знае се како одгледувани. Друго за здрава храна треба и многу пари а за жал ние тоа го немаме. Мислам дека не треба да се прават толкави кампањи, секој знае што е убаво за човековиот организам. Јас сум првата сега што ќе си исцедам сокче од лимонче едно добри 3-4 чаши но за тоа ми се потребни 200 денари, епа кога ќе размислам дека со тие 200 денари ќе можам да направам ручек од кои сите дома 5 ќе јадеме некако ќе се откажам од моите 3-4 чаши лимонче што сама ќе ги испијам. Кампањите се одлични, немам никаква критика, парите се мали што ги заработуваме. Покачете ни ги плаТИТЕ а ние ќе знаеме што ќе си каснеме.