Кобната втора шанса

Нема врска образование, кога ќе западнеш во канџи на манипулатор ,кога ќе му успее да те обезвредни и убеди до степен да се чувствуваш дека не вредиш пет пари ,а дека тој е таков поради тебе,многу е тешко да се извлечеш.И јас познавам таква образована ,што животот и го уништи ама таа секогаш ќе го извади најдоброто од него.А децата,децата го извлекуваат најдебелиот крај ни криви ни должни,пораснати во таква заедница, со нула самодоверба да чекорат во животот.

 

Тетка ти е поболна од тетин ти. Не од сега од млади години. Тој е насилник и порочен, а таа се фатила како пијан за плот. Во нејзе е проблемот колку што е во него. Што постигнала? Ја гледале децата модра, се потресувале од мали години.

 

Апсолутно ништо. Дури ни сопствените деца не ја почитуваат сега. А за да одговорам на прашањето за кои работи би биле red flags, баш ќе поврзам со оваа тема. Никакви red flags во врска со него, криење агресивност и глумење на премногу добра личност (со почитување на нејзино мислење, исполнување на нејзини желби, одличен однос со фамилијата). Па според ова, не можеш да го знаеш човекот пред брак ( има и ситуации каде што баш се познава кој каков е и каков би бил), сепак и да се направи некоја грешка/пропуст се се поправа. Можеш да го рестартнеш животот од почеток ( со или без помош) се разбира доколку си силна. А тетка ми воопшто не била.

 

Не е во нејзе проблемот.
Жртвите на семејно насилство тешко се одлучуваат да го напуштат насилникот.
Изгуглај, има објаснување.

 

Апсолутно вистинито. Кога ќе ти се "падне" манипулатор, ќе заборавиш и на себе. И таквиот живот ќе стане "нормален" и од таа замка многу тешко се мрда.

Ова е многу тажно. Жената не можела да најде сила и воља да се избори и тоа не е нејзина вина, уште помалку свесна одлука.

 

А чија вина е?
Кога имаш помош, поддршка, пари, шанса, а одлучиш да седиш, веќе е избор.
А кога имаш деца ако не себе, треба да ги заштитиш децата.
Децата да не треба да заборават на траумите што можеле да бидат избегнати.
Тие биле деца, таа била возрасната личност одговорна за нив.
Муабетиве дека не била свесна ви се ко да збориме за човек што во кома бил. Тешко е, претешко. Ама не е невозможно. Ако при толку понудено све на тацна пак одбереш живот со насилник, ќе си ги сносиш последиците децата да не те почитуваат, јебига.
Не може и двете.

 

Јас мислам дека најчеста причина за останувањето во брак со насилник, не по сопствена волја, е стравот од тоа што би се случило подоцна. Ниту во Мкд, ниту било каде во светот постои систем кој може целосно да ја заштити жената од насилникот. Никој нема да и овозможи обезбедување 24/7, вербалните закани не се сфаќаат доволно сериозно, не се основ за некој да лежи во затвор и потоа се случуваат трагедии. Зошто, баш и напуштањето на жената е мн често тригер за ваквите трагедии.

Не е само да го напушти, поентата е да не живее сеуште во страв од него откако ќе го напушти. Да не ја следи, да не и се заканува. А, најлесно и најубаво е ако може да се откачи од него и ако тој не ја замара после тоа.

Имам другарка која се разведе од маж и поради оваа причина, среќа немаа сеуште деца. Среќа после тоа не ја замараше. Ама имаше каде да се врати, си беше доволно самостојна. Во моите очи секако сосема правилна одлука.

Живееме во помал град, иако не многу мал, и некако имам впечаток дека оваа ситуација се одрази на нејзиниот понатамошен љубовен живот. Луѓето немаат ни појма зошто се развеле. А и да имаат, сигурно нејзе крива ќе ја најдат: нели гледала red flags, зошто избрзала, или па лаже, таа е крива, ќе има и такви кои ќе си направат филм дека сигурно го изневерувала итн.

Сакам да кажам, ние си правиме вака муабет, сите сме тука слободоумни, а во реалноста сеуште е мн поголем бројот на тие што лепат етикети. Во Скопје е малку поинаква ситуацијата, ама на мн други места е сеуште така. Тоа никако не е причина да се остане во таква врска, сакам само да кажам дека би било добро кога и во вистинскиот живот луѓето наместо да ги "оцрнуваат" ваквите жени, ќе се научат да ги ценат повеќе заради храброста да се тргнат од токсичната средина.

 

Е ова мислам е најреално нешто што го прочитав.И стварно е така, сите имаме храброст кога збориме за други жени ама ние да сме на тоа место дали ќе биде стварно така како што си замислуваме? Не верувам.

 

why do victims stay in abusive relationships

 

Одговорна возрасна личност секако дека да, но дека сноси вина за ситуацијата никако. Жената, според раскажувањето, си ги сноси последиците од сопствените постапки, мала казна ли е децата да не те почитуваат? Да беше лесно ко ти у три реда што го раскажуваш, ко рецепт за гравче тавче, нема да има стотици илјади жртви на семејно насилство секојдневно на глобално ниво, иако добар дел од нив имаат поддршка и помош од околината. Но, околината не живее со тој манипулатор. Тоа е brainwash. Психијатријата и психологијата со децении ги опишуваат механизимите на манипулаторите и нарцисоидните личности и не нашле начин како да им помогнат на жртвите бидејќи секоја ситуација е прекомплексна.

 

@MarijaMi90 точно така. Малку податоци знам за Италија конкретно, многу висока е стапката на жени убиени од своите партнери откако "решиле" да излезат од насилна врска или брак. Лара Коми, италијанска европратеничка (кој сака може да ја изгугла, значи жена на позиција и моќ) веќе една деценија е следена и малтретирана од човек кој едвај го знае, буквално ја следи 24/7, ѝ организираше веридба, чак и свадба мислам. Затоа што нема никаков закон кој може во пракса да им помогне на жените. Лесно е да коментираме хипотетички, но реалноста е застрашувачка.

 

Не знам зошто ми кажуваш зошто останувале.
Знам, имам прочитано.
Се во животов е тешко. Ако немаш каде, немаш пари, немаш поддршка е скрос друго.
Ама ако го имаш сето тоа, а остануваш со насилник наместо да ги тргнеш децата од тука, си заслужуваш децата да те отпишат и тебе и насилникот.
Никогаш таквите жени не можат да бидат поголеми жртви од децата.

 

Она не сносува вина за насилството, сносува вина што останува и дозволува децата да се изложени, а секаква помош и била понудена на тацна.
Психијатријата исто така со децении зборува за траумите од насилство врз децата.
Да немаш никаква поддршка и пари е друго.
Да имаш каде, и да имаш деца ќе се трудиш со сите сили да си го тргнеш тој brainwash пошто децата не барале да се родат и одговорност е на родителот да ги заштити.
Нема дете што пораснало во насилна средина, едниот родител да имал каде, а да не го прашале Зошто не ме тргна од тука. И "бев манипулирана" е смешен одговор што на никое дете нема да го утеши.
На човек што нејќе да му се помогне не можеш да му помогнеш.
И сето тоа е во ред кога си сам.
Ама кога имаш деца, не можеш да носиш каква сакаш одлука.
Ме револтира пошто немаат децата ни еден разумен родител во такви ситуации.
Ко што реков не можеш да ги имаш двете. Не можеш да дозволуваш да ти седат децата со насилник пошто многу го сакаш, и да имаш прекрасна врска со децата кога ќе пораснат.

 

Не можеш/Не смееш/Не требаш не се концепти кои жртвата свесно ги препознава. Како дрога или алкохол. Овие твои писанија се од твојата перспектива или евентуални од перспективата на дете потенцијална жртва, но не е начин на кој функционира жртва која меѓу другото е дисфункционална. Ако размислиш, тогаш и таа жена која е жртва, е нечие дете. Каде се нејзините родители да бидат одговорни за неа? Како тие постапиле за да ја спасат? "Понудиле" помош? Твоето размислување може е логично, но во него нема прктично решение. Затоа и пишав погоре, да имаше, немаше ниту да има жртви.

 

Што имаат врска нејзините родители.
Во постот е напишано дека секаква помош и била понудена на тацна и таа пак останала.
И не е битен постот, има куп такви случаи кај што и од нејзини родители и е понудена помош, и од роднини и пријатели, и пари има и пак останува.
И на крај ем без деца, ем со насилник.
Ко што и треба да биде.
Секој си се сносува со последиците на своите постапки.

 

Објаснив зошто се родителите битни. И не, ние не знаеме што точно значи "ѝ била понудена помош" и како и зошто таа ја одбила. Ниту во конкретниот случај, ниту генерално. Ѝ сега откако без срам и перде извреѓа една жртва на семејно насилство со типично балканската флоскула "така и ѝ треба" пошто ова направила/она направила или не направила, да завршиме со преписката тука.

 

Леле мајко, абе сериозно вака размислувате?

 

И јас не можам да разберам како допуштаат децата да гледаат се и минуваат низ тоа. Еве јас и случај од реалноста ќе издвојам. Мајката на мојот бивши, прво ја оженил зошто останала бремена, па родителите го убедиле дека долго е во врска со неа, бремена е да ја земе. Уште во почетокот од бракот го начекува со друга во спална, се вратил порано од раб. мислел таа го шета малиот надвор, малиов направил беља она да го исчисти дома и оп кој во спална начекуваат. Бившиов ова ми го раскажуваше, бил мал ама памтел како тато бил со некоја тетка во креветот, после по кажувања на мајка му сконтал кога пораснал што направил татко му. Татко му ќе се опијани, мајка му ја тепа и овој кога потпораснал влегувал во тепачката да ја заштити. Јас по модриците кои ги имаше приметив и го притиснав и кога ми раскажа укапирав што се уште дома им се случува. Јас мислев е насилен и се тепа со другари по кафичи кога ова испадна признание јас се ставив во улога да го штитам, знаеш како ми врати? Беше болно љубоморен, почна насилство со шамари, еднаш дури ме исшамара на семафори, еден дечко истрча од кола да го трга од мене и така лека полека сфатив што е работава и што ми останува да нпаравам.
Тој ми ја раскажа цела приказна на мајка му, како за рака децава постојано ги носела кај нејзините дома, имала поддршка од нив, се, цело маало ги знае и ден денес по караниците, плачките и тепачките со кои ја дигале цела зграда во вис и се уште е таа со него иако децата им се во брак, внуци имаат. И кога го прашував зошто не заминала, што му велела кога тој ја прашувал како син, одговорот бил го сакала татко им, тој и бил првата љубов, што ќе правел без неа, ќе се пропиел и умрел од труење со алкохол.
Ете тоа е трагедијата, таа смртно вљубена во него, трпи се, трпат децата и не ги заштитува по сметка тие цел живот да се сведоци и еве едното дете истото го правеше, насилство. А колку ме обвинуваше ради мене е таков, душа ми излезе да сфатам кои манипулативни механизми го користи со мене исто како татко му со мајка му. И на стручно лице се обратив и таму за ''утеха'' ми рекоа сум била хиперсензитивна затоа да го напуштам, а не ради секоја друга опасност во која можев дополнително да се изложам, па и ако се случеше брак, деца и нив да ги изложам. И така, одлучив, пресеков, се спасив како што мајка му немала храброст, осет за реалноста и поголема заштитничка улога кон децата да пресече.

 

Значи жртвата е крива што не читала знаци кои реално ги немало.
И ај сега да ја "влечкаме" по форуми пошто не била доволно силна, а колку што гледам никој од семејството не бил нешто поарен, пошто насилникот и децата си ги тепал, а тоа е кривично дело и си има служби кои можеби можеле да реагираат. Ако жртвата не е силна, кај се тие што се посилни од неа? Не ги видим.

 

Знаеш што имаат врска родителите?Насилникот најчесто им се заканува со фамилијата,дека ќе ги убие ќе ги претепа.И нажалост има мал милион вакви сценарија каде што откако ќе го остават насилникот,тој ја убива цела фамилија.