Колку долго може да опстои една средношколска врска?

А ова подоцна планираш да го правиш, кога ќе пораснеш?

 

Кога ќе пораснам и да сака не може да ме контролира, обично вакви работи се случуваат кај неижживеани деца, не велам дека ги нема и кај возрасни, но претежно деца наседнуваат на тоа "го сакам, се ќе направам за да го задржам", мислат дека ако им се налути и раскине дошло крај на свет. Сега, фала богу сум зрела и да се дрзне да ме контролира знам како да се носам со тоа за разлика од 15/16годишно дете. А за сексуалните односи ако мислевте исто се држам до тоа, според мене апсурд е 15 годишно девојче/момче да има сексуален однос.

 

Се запознавме и почнаа "искрите" меѓу нас кога имав 16, а врската ја започнавме брзо откако наполнив 17 години. Среќни и заљубени, ја тераме 4-та година

 

А зошто мислите дека ако сте заедно од средно значи дека ништо не сте проживеале. Ние проживеавме се што треба да проживее еден млад тинејџер. Излегувавме со друштва, шетавме, тој многу често јас не толку пошто немав желба не дека не ми дозволувал. Единствено што немавме е промена на партнери кое патем и не ми фали многу зошто знам дека тој е мојата друга половина. Кога растете заедно тоа има некое друго влијание на врската па сметам дека ради тоа успеаваат тие што успеаваат или не успеваат. Кој како сака, така ама ако ви е убаво не размислувајте на тоа леле годините минуваат јас со ист човек. Терајте си, тоа не се планира.

 

Бев 3та год.средно а дечко ми 4та кога почнавме да се муваме. Во 4та веќе бевме во врска. И еве врската уште трае, скоро 9 год.
И не сметам дека не сум проживеала. Што сметате дека треба да се случува за да речете дела сте проживеале? Да излегувате, да пиете, да легнете со повеќе?
И ние излегувавме, се забавувавме, излегува тој сам со другари, јас сама со другарки.
За да една врска успее воопшто не се битни годините. Многу побитна е довербата и почитувањето.

 

И јас сум во брак произлезен од средношколска врска . Имено , генерација сме , се запознавме во 3-та средно официјално иако се знаевме од што сме се сретнувале низ школскиот двор . Во врска бевме една година , а во брак тераме веќе четврта година . Исто познацам пар кој излегуваа од втора средно . Одеа повеќе од 10 години а денес се во брак и имаат ќеркичка . Не е дека не сме изживеани , само што не " легнуваш " со различни партнери , што и не е така страшно или не знам што .

 

Може да опстои до брак.
Нашата опстои, кога почнав да се гледам со него немав ни 8 мо одд завршено. И не ми е криво што во најубавите денови сум имала дечко.
Потоа кога бев 1 ва и 2 ра средно учевме во исто училиште. Се гледавме постојано, бегавме заедно од часови, бевме заедно на одмори.
Сите професори не знаеја класната на мм не викаше дури Ромео и Јулија.
Кога направивме веридба некои од школските ми честитаа со зборовите ,, браво ваква љубов ретко се гледа"
Се запишав и на факултет, ама не го дозавршив бидејќи не ми се учеше, и од кога ја направивме веридбата дојдовме да живееме во странство.
Сега си го чекаме и првото бебенце.

 

Ова има две страни. Или ќе опстанат и ќе ја крунисаат љубовта со брак бидејќи се заедно со години, се имаат научено и двајцата, имаат поминато многу заедно.
Од друга страна може да пукне кога ќе созреат и ќе сфати барем едниот дека сака нешто друго бидејќи и тој самиот не е ист.

 

Нема врска ако е средношколска - зависи од луѓето кои се во неа.
Сведок сум на луѓе кои почнаа врска од негде втора средно, и сега по 6-7 години се уште заедно, а сведок сум и на тоа како пред некој месец заврши 8 годишна врска, исто така почната во тој школски период.
Врска како врска, кога и да почне, најважно е како ќе се развива и одржува

 

Со дечкото од средно бевме заедно околу 5 години, on/off врска Може ќе си потраеше и поинаку ќе се завршеше,ама неговиот начин на живот не оддели. Потоа не бевме заедно,ама секогаш бевме во коректни односи и како пријатели ќе си се слушневме одвреме на време. Откако се омажив,нормално се немаме слушнато,ама слушнав од заеднички пријатели дека уште ме мислел и му било жал. Ама сам си беше крив. За моја среќа,се заврши врската

 

Статистички земено, негде прочитав, средношколските врски биле осудени на пропаст. Да, во најголем случај. Дали тоа е резултат од сплет на околности и запознавање нови луѓе за време на факултетскиот период, созревање и различни приоритети или поради спонтаниот тек на настаните во кој вие осознавате дека не сте еден за друг.
Значи, нагласувам дали една средношколска врска ќе опстои е индивидуално. Обично не сакам индивидуите да се земаат како една матрица и ќе се дискутира за нив како една целина, а баш напротив...секој е приказна сама за себе.

„Немој да се врзуваш, млад си“ - фраза од која ми доаѓаат лоши нагони... луѓенца, дискутабилно е тоа дали вреди или дали е време за да почнеш нешто со некоја личност, ама благодарение на поделбата на родови, имаме и привлекување што си е нормално во тој период каде и момчињата и девојчињата доживуваат големи промени, на психички и физички план. Е, сега... муабетот беше дали ќе останат на симпатија или ќе почнат нешто повеќе со оној кој ги привлекува зависи од многу околности, како и од самиот карактер на личноста, крај краева сѐ што почнува во тој период е од шала, од еден невин бакнеж кој појма немаш каде ќе те однесе.

И нормално е дека во средношколскиот период се само незрели момчиња кои како доаѓаат така и си одат, созреваат па остануваат или фаќаат сосема друг правец, но не секогаш се налетува на оние кои сакаат да контролираат, кои ти го одземаат времето со другарките, љубовта е баланс, а не контрола и врзување... не го разбирам тоа „неизживување“...

Цели универзуми сме ние, бесконечености
без правила и само следете го природниот тек на животот.

 

А зашо ви е исклучена опцијата дека не легнува со други партнери?

Ок е тоа што слепо му верувате на партнерот, но оние средношколски врски кои гледам дека успеале кај блиски мои баш биле полни со други партнери. Објаснувањето и од двајцата било дека тој/таа е нонстоп тука, а некогаш да се промени добро доаѓа. Или народски кажано, секој ден грав не се срка.
И така, неколку парови денес живеат во брак со деца уверени дека сепак другата страна немала други партнери.

 

и јас спаѓам во групата на омажени со тинејџерската љубов пропратена со доста турбулентни периоди

 

Јас не сметам дека од голема љубов влегуваат во брак тинејџерските парови,главно навика е. Тие врски се полни сo скарај се-смири се за да се проба нешто друго со некој друг партнер а според мене не е тоа тоа.

 

Нашата врска започна во средно и се уште трае.
Никогаш немало раскинување-смирување. Отсекогаш одлично се сложувавме, си одговараме како личности и се надополнуваме.
Заедно израснавме и созреавме.
Со тек на времето како што минуваат годините љубовта расте се повеќе и повеќе, се зајакнува и станува посилна.
Никогаш се немам покаено за ништо и да можам повторно да бирам, него би го избрала.
Ова нашево за ништо не го менувам.

 

На братучедка ми и започна на 14год и и трае добри 6 години.Сум имала другарки иделе и по година дена по 8-9 месеци а јас лично во овие години не се замарам за врски.

 

Ме разнежни. И за мене истово важи. Не би го менувала за ништо

 

Јас бев во средношколска врска. Јас бев 3та год, а он 4та...2 години ни траеше врската. Интересно беше...но мислам дека многу заглавив на тие години.

 

Мојата врска беше од втора година и траеше до пред еден месец отприлика. Не е дека не го сакам, ама мислам дека јас повеќе созреав од него во текот на овие години и го гледам како детенце сега. И, сме имале и многу прекини ама секогаш сме наоѓале начин да се смириме. Еве и сега сме пак во контакт, го сакам, ама мислам дека треба да го оставам засекогаш. Башка, јас изгледа не сум човек за долга врска пошо ни самата не знам што ТОЧНО сакам. Да, ќе ми биде тешко кога ќе најде друга, не верувам дека некогаш би се вратиле после тоа, ама некои работи не можат да се форсираат

Инаку верувам дека средношколска врска може да опстои ако партнерите знаат точно што сакаат.

 

Љубов на прв поглед. Љубов од 15 години. Сега имам 32 омажена и 2 деца. А сопругот си го сакам уште повеќе.