Колку сте (не)задоволни од нашето здравство?

Како што напоменав и во првиот пост, тоа што некои НЕ работат според правила, не значи дека ги нема.

Конкретно кај мене касневме преку 5 дена со пуштање месецов, со причина, која не е оправдувачка ама - задолжениот не си ја заврши работата своја на време и тоа е тоа.

За вториот дел повторно се согласувам и го напишав во првото мислење, ако го прочиташ пак точно имам напишано дека НЕКОРИСТЕЊЕ на системот е проблем (неприкачување на лаборатории, други дијагностики, ртг книшка, патохистолошки наоди, аутопсии, спроводни листи, оперативен дневник, анестезиолошки картон... тоа од болница,
од матични лекари - непополнети полиња за алергии, хронични болести, интолеранции...
Исто и многу е важно запишување на СИТЕ вакцини како и алергии на лекови, ден денес (срамота) се копа по книшка да видиш дали е некој алергичен на пеницилин - пример).

Како што се повторувам, тоа што не се користи целосно и правилно, не значи дека е системот лош или нефункционален или дека нема правила. Значи дека нема описменување основно за огромен дел од вработените во болници кои се занимаваат со администрација (администратори, сестри и лекари).

И друга работа што е екстремно глупа е што можеше, а повеќе не може, електронски да се генерира сертификат за ортопедски помагала.

 

Е добро де се согласуваме за сето ова, како што првично напишав програмата е добра но папирологијата го кочи да биде искористен максимално. Ме праша на што мислам и ти одговорив.

Единствено што не се согласувам е делот дека се пуштаат термини од 10 до 20 во месецот, сега велиш и самата дека и вие не сте ги пуштиле во тој рок. Абе убаво што постојат правила, постојат и правила кои велат дека не треба да се краде. Убаво што ги има ама што дека кога не функционираат.

 

Па исто збориме. Јас обрнав внимание на системот, како систем, дека си е и те како добар - но не се користи неговиот потенцијал, ниту се користи целосно и правилно.

Точно, ОВОЈ месец касневме, инаку не касниме - секако тоа каснење не помина неприметено од страна на МЗ.

Од поединци зависи да си функционира се' многу подобро, но исто така тие поединци се за жал најмоќните со најмалку желба и писменост за модерен функционален систем.

И во суштина, повеќе ми се допаѓа идејата да има термини месец за месец отколку 3-6 месеци однапред. Моја блиска во Хрватска во февруари за април и' закажаа специјалистички преглед (интересно е што не закажува матичен лекар, само упат дава, а во болницата си закажуваат кога е прегледот), или друг случај за МР во Австрија, од септември 2022, на личноста и' беше закажано за јануари 2023.

Ни еден не е итен и ок е чекањето, само што многу може да се промени во Х месеци.

Барем од мое искуство, патиме колективно од неодговорност, секој ден барем 40% од закажаните на МТ не доаѓаат. А термин откажува матичен, треба да го известат за да го ослободи нели, за некој друг.

 

Очајна е ситуацијата со ендокринолози. Четворица за цело Скопје (во 8-ми септември), мислам никогаш нема да стигнам да закажам, се помирувам дека ќе морам на приватно... Гледам има повеќе ендокринолози на Клиника, ама сестрата кај матичниот ми рече дека не можат да закажат тие таму. Не разбирам баш како функционира Клиника. Ајде за хематологија, може може матичниот да закаже затоа што нема хематологија на друго место. Ама еве сум била и на ОРЛ на Клиника, а има и на други места, ако пуштаат само потешки случаи на Клиника, тогаш како можело тогаш таму? Зошто тогаш да не може ендокринологија на Клиника?
@CameliaMiller, можеш да ми објасниш?

 

Не можам, не знам зошто не би можеле матичните да закажат на ендокринолог, каде било.

Можам да дознаам утре инфо и да ти пишам.

*матичен лекар не може (на пример) да ти закаже на онколог, таму те праќа специјалист - хирург итн. Ендокринологија треба да може матичен, не знам од која причина не би можеле - и ако не можат тие, кој може?

 

Матичен доктор може да прати и на ендокринолог [во државна клиника] и на онколог. Или сестрата не знаела за тоа или ти продавала магла.

 

Ако ти е нешто што не може да чека или чекаш предолго, побарај упат за ендокринологија со кој ќе можеш да одиш било кој ден во амбулантата во наредните седум дена. Инаку да, може и обичен термин да ти закаже матичен таму.

 

Никогаш за 10 години не сум го видела тоа (матичен на онколог). Онколозите ни бараат стриктно упати од специјалисти.

И на онкологија нема никогаш термини, затоа што сами си водат ред кај кој доктор ќе се лекуваш (не се сите за се').

 

Не би ја советувала вака, дневно има преку 80-90 приоритетни, и околу 20 итни.
Може со приоритетен да ја закажат некој ден, но не верувам да биде примена истиот.


Моментално за кај мене. Сабајле ќе пуштат уште по некој матичниве.
Денес вкупно 9 пациенти кај 2ца доктори воопшто не дошле. Тоа е речиси 50%

 

Sekoj 10ti od mesecot pustaat termini za voena bolnica, jas odam tamu. Znaci ako 10 se paga sabota ke pustat na 9ti, ako se paga nedela togas na 11ti. Brzo se zafakaat terminite, pustaat okolu 9 sabajle, sledi na moj termin.mk stom pustat zvoni na maticen.
Inaku pred toa so godini odev na klinika i maticen moze da zakaze i tamu, ne znam zasto ti vikaat deka ne moze..

 

Со регуларен термин не но со приоритетен да. Се случува на пациенти да им бараат упати од матичен лекар колку да ги примат со упат или па специјалисти на кои им е тешко да креираат, да им речат матичен нека ве препрати на онкологија.

Инаку ова важи само за УК, во останатите градови во Македонија матичен доктор може да упати и директно до онколог. Надвор од Скопје, матичен доктор може директно да прати пациент на доплер, на ДЕКСА итн. Немам пробано магнет и компјутер али не би ме изненадило да може и тоа.

*Додека го пишував ова открив дека можам да праќам и на ангиографија во државна клиника, стрес тест во Валандово, гастроскопија во токсикологија. Интересно, не сум знаел дека ги имам овие опции, којзнае што се можам да правам ако убаво седнам да експериментирам.

Едит: Ајдее на биопсија и на спирометрија сум можел да праќам.

Едит 2: Аууу и на ехокардиографија можам да праќам. Подобро да престанам со експериментирањево, уште за ова ми фали да почнат да напињаат специјалистиве.

 

Јас за Скопје и УК зборувам, навистина не знам за други градови

Од друга страна, на пример, психологот мој не може да реализира упат ако не е од матичен лекар

 

Близок баш пред некој ден закажа од матичен за ендокринолог на клиника. Значи може

 

@pdb123 сестра ми оди редовно на ендокринологија на Клиника. Првиот пат и закажа интернист, така и кажаа дека мора првиот пат специјалист и после цело време сега матичната и закажува. За на државна Клиника Ск крај на месец пуштаат термини(така барем и кажа матичната).

 

Е па може до ова е, може затоа ми рекла така сестрата

 

До сега немаш појдено на ендокринологија?
Ако немаш нека ти даде упат за интернист, тој ќе ти даде.

 

Немам појдено, затоа и прашував за термини. Кај интернист бев претходниот пат и кога ја прашав да ме пушти кај специјалист, рече нема потреба и некако тргнав по претпоставка дека ниеден интернист не би ме пуштил кај специјалист. А имам Хашимото, сакав сепак специјалист да ме води, не интернист .

 

Мене ме советуваа дека за тироидна подобро е да се оди на патофиза, отколку на ендокринологија. Само што на патофиза да најдеш термин е научна фантастика

Дај кажете како добивате термини на патофиза?

 

Технички, и јас барав за исто, за специјалист по нуклеарна медицина, ама не ми даде интернистот и си реков ајде да се пробам барем кај ендокринолог, само што не мислев дека и таму е толку тешко да стигнеш .

 

Ако за ова дознаете инфо, споделете.
Ние пациентите ги праќаме со упат "регуларен, една година".

Кога, како, дали стигаат на ред... не знам. Термини нема, никогаш.