Ова напишаново за Colornique на Балеа е? Оти сликата ја нема во претходниот пост. И како си задоволна после два месеци?
Да, за тој колор шампон е напишаното. Првиот пат немав никаква промена на бојата, само ми го неутрализираше портокалово-жолтиот отсјај и толку, супер си беше. Ама кога ставив втор пат по отприлика три недели, приметив дека косата ми доби некој карамела отсјај како на потемно, а не ми е таква природната боја, посветла ми е и од тогаш немам ставено пак. Не сакам да ми потемни косата дополнително па ставам само Фанола. Повеќе ми се допаѓаат колор шампоните што се во нијанса платинум блонд, исто ми делуваат како Фанола и многу поубаво ја освежуваат природната боја. Оваа испадна темна за мене, а по сликата баш мислев дека ќе ми одговара зашто бојата на коса ми е слична како таа на девојката од сликата, ама ете не испадна така.
Е да, бојата е некогаш тешко по слика да ја одредиш. Ама кажи ми, вака дали е ок, не суши коса, не предизвикува иритации и слично?
Не, не, многу е нежен и не мириса воопшто на хемија. Јас имам осетлив скалп, ама штом не реагираше кај мене би требало да е во ред кај повеќето, претпоставувам. Ефектот на влакното е како да си имала ставено некоја маска, косата е мека. Многу е убав, ми се допадна, ама штета што немаат посветла нијанса. Тоа ќе беше супер. За оние со потемна боја на коса има поубав избор од оваа линија.
имам кафеава коса ниту светла ниту темна па сакав да прашам дали ке фати некоја боја како сина розава или виолетова,и после колку време се измива од коса?
имам смеѓа коса летно време може да се нарече и плава ме интересира дали можам со колор шамшон да ја осветлам косата ? дали некој пробал вакво нешто ? исто така страв ми е случајно да не добијам портокалови нијанси слушнав се случувало и тоа
Мојата коса беше светло кафева. И ставив виолетов колор шампон и ми фати и постојано и ставам бидејќи многу ми се допаѓа така косата. А се одмива на еден месец.
Дечки дали можеби некоја од вас користела колор шампон со ваква некоја боја ? Сакам вака да се фарбам ама ако има ваква нијанса колор шампон, би сакала прво да видам како ќе ми стои
Имам користено црвен колор шампон и ми излезе баш таква. Иначе мојата природна боја е кафеава. И да знаеш дека иако колор шампонпт паѓа со миење, сепак во најсветлите прамени останува црвен сјај, не толку приметлив но го има. Е сега дали и тебе ќе ти испадне како мене тпа не можам да ти го гарантирам, затоа што се' зависи од пигментот на влакното. Ни фризер не може да ти гарантира, а не па јас.
Мене колор шампонот ми ја прави косата никаква, кога ја мијам после него ми се гужва, се крути, се заплеткува. И последно кога ставив, три месеци ми требаа да си ја вратам во нормала. Сува башка ја прави ко метла. Првиот ден топ супер сјај, ама после катастрофа. Барем кај мене, Не би ставила повеќе.
Па има можеби 3 години откако се направив со колор шампон. Не знам какви марки сега нуди пазарот. Јас сум од Битола и го зедов од мало продавниче за козметика, кое денес повеќе не постои.
Дали ќе фати една две нијанси посветла коса од мојата природна боја инаку имам светло кафена,а сакам нешто како на златен сјај карамел боја?Инаку ја немам никогаш до сега фарбано косата и не сакам со фарби и ако знае некој кој колор шампон е најдобар?
Ќе имаш среќа ако фати пола до една нијанса посветло, две нијанси само со колор шампон нема шанси. Ептен ако имаш беби-руса коса, па да фати малку од малку, ама по описов не знам колку би било возможно. Пробај, ако не друго, ќе добиеш убав сјај на косата.
Ако ставам црн или најтемно кафеав колор шампон на бланширана плава коса ќе можам ли скроз да го извадам?