Коронавирус: Состојбата во Македонија и светот

Во последните 24 часа направени се 1120 тестирања, а регистрирани 35 нови случаи на ковид-19.

- Скопје 22
- Куманово 4
- Штип 1
- Тетово 6
- Струга 1
- Гостивар 1

На Клиниката за инфективни болести и фебрилни состојби почина пациент од Скопје (69г) хоспитализиран на 15 мај. Во ГОБ „8 септември“ почина пациент од Струга (70г) примен во болницата на 17 мај и двајца од Скопје, пациент на возраст од 70 години, примен на 28 мај и 47 годишен пациент на болничко лекување од 21 мај. Во денешниот извештај на ИЈЗ е евидентирано и бебето од Скопје кое, на барање на родителите, со авион беше транспортирано во Швајцарија каде починало. Бебето беше хоспитализирано на Детската клиника и имаше позитивен резултат на ковид-19.

Денеска Институтот за јавно здравје регистрира 19 оздравени пациенти.

- Скопје 8
- Куманово 3
- Прилеп 2
- Тетово 1
- Велес 1
- Битола 2
- Неготино 2

Досега во земјата се направени вкупно 28804 тестирања на ковид -19. Од вкупниот број направени тестови во изминатото деноноќие 487 тестира се во рамките на скринингот во градинки и геронтолошки установи. Тестирањата се направени преку Центрите за јавно здравје во Тетово, Битола, Куманово и Скопје, а потврден е еден позитивен случај во градинка во Тетово. Досега во рамките на скринингот се направени 3502 тестирања, а потврдени се вкупно 6 позитивни случаи на ковид-19.

Вкупната бројка на ковид дијагностицирани во нашата земја од почетокот на епидемијата изнесува 2164, бројката на оздравени пациенти е 1535, на починати е 131, а во моментов бројот на активни случаи во земјата изнесува 498.

 

Пак голема бројка..

 

Ова со базените од притисокот на газдата на Олимписки.
Тој што 30 години го ползува базенот ко да му е дедовина, а базенот припаѓа на градот и неговите граѓани.
Ама тоа е.

 

Дали смее крштевки и прослави????
Демек најтесен круг, ама ќе испадне 80 души!
Не сакам да се ризикувам, и сега војна дома! Ццц

 

Голема е бројката.
Ама барем 1100 тестирања имале што е до некаде подобро од кога тестираа 200 на ден.

 

Епа и тенкови ако треба.
Ионака е вонредна состојба.
Имаат право да ја ангажираат и војската, ако треба.

 

Смее. Што се 80 души на едно место па ти па ццц.

 

По мое како сватив на крај уште оваа вонредна, дека нели мора влада да се има. Може и да нема после две нед. нова, да поминат избори па ако има потреба пак. Нз така разбрав дека и ова нее решение но засега мора. Или не сватив добро(меѓу редови)?

 

И јас се надевам дека бројкиве се од собирите и нема да растат. Недај боже.

 

Не би одела.

 

На овие што ќе протестираат против 5Г, најубаво една 5Г антена да им се постави пред протест, за гитла на сите

 

Не знам што да кажам...
Од друга страна, имаме блиски што спремаа година дена свадби со 300 души и луксузи ама веројатно ќе одлагаат, ама крштевка = животен доживљај во пандемија....
Ко да скромно не бива да си одбележат.... понатаму здравје повеќе ќе прослават...

За ова се криви домаќините, без свест се!
Ццц

 

https://novatv.mk/pochina-bebeto-vo...IHdVznUxWw91IdAOfd54ZB9mj4R_sxyu2s3-BYffohFYc

 

Па штом не смее родендени да се прават, како смее крштевки?
Во кафани по 4 души смее, вие за крштевка прашувате од 80 души.

НЕ. НЕ СМЕЕ.

 

Кој како сака нека си сфаќа и толкува. Нека си мисли народот дека мерките нр чинеле, а всушност не се почитуваат.
Само за потсетување МВР има моќ за воведување ред и дисциплина, и спроведување на донесените мерки. МЗ нема такви ингеренции.
Играње пинг понг, политички игри, калкулации не доведоа до овие бројки.
Вие пак барајте едукација и вина во мерките, а не во почитување и реализација.
Чисто за потсетување, во најстрогиот карантин, кога полициски час почнуваше од 16 часот, стигнавме до бројки помали од 10. Во Скопје ниту имаше заболени.
Ама не може да седеме цело време затворени.

 

Толку е неопходно крштевка со 80 луѓе да правите? Really? И да смее, еве размислете по ваше дали е сосема во ред да се прави или не.

 

Секоја втора порака ти е за МВР, знаеме. Чилл..

 

Нели треба да е?
За што друго служи полицијата, освен за спроведување на законите?