Коронавирус: Состојбата во Македонија и светот

Џабе ние овде си зборуваме, кога првин ни во најблиска фамилија не можеш да им објасниш колку е сериозно.
Живци искинав обајснувајќи им дека вирусов не е заебанција и дека препораките не се дадени затоа што министерот немал друга работа во животот освен да држи пресови секој божји ден и по сто пати да ги повторува истите мерки кои треба да се почитуваат.

Ај моиве дома успеав да ги алармирам и сега следат цела листа на препораки кои им ги напишав рачно, на лист, буквално ко учителка.
Ама со другиве од поблиска фамилија устава пена ми фати од зборување, ама не бре, нема разбирачка.
Имале резервирано во Охрид и ќе оделе.
Им викам „Абе луѓе на вас ви личи на смешка прогласувањето на пандемија од СЗО?“, а одговорот на тоа беше „Епа сега, ако треба да не фати ќе не фати и тука и во Охрид. Уплативме веќе, ајде ништо не ни е.“.

И на виквите ми иде катанец на врата да им ставам.
Им реков на моиве да не доаѓаме во контакт со нив периодов, па колку сакаат нека се лутат.
Не може „што сакаме ќе правиме“ во ваква ситуација.
Ако правите што сакате, стојте подалеку и не повлекувајте други луѓе со себе.

Други пак ме викаат да сме излезеле на кафе, оддамна сме се немале видено.
Не дека не е така, ама не е сега време.
И ме ставаат во незгодно да ги одбивам.
Затоа сакам целосно да се затворат и кафиќи и ресторани, па да се разберат од збор.

Вчера пак, излегов до аптека да купам витамини.
Туку ме најде тука една пријателка од мајка ми и ни едно ни две си ме изгушка женава.
Зоврев.
Дали викаат не се поздравувајте, дали викаат гушкајте се и не се пуштајте.
Не ги можам веќе.
И си реков од вчера па натака, кој колку сака нека се лути нит се поздравувам, нит излегувам, нит чекам гости, нит одам на собиранки.
Ништо.

И пак ќе речам, тука на форумов се гледа дека колку толку сме свесни што се дешава, па не се испишани 180 страници поради не знаење дека постои вирусов.
Туку проблемот се оние кои не се замараат да читаат и да следат што се случува.
Затоа зборувајте луѓе колку што можете, на секој кој ќе стигнете.
Пена ми фати устава, ама пак ќе продолжам да зборувам затоа што само така може да придонесеме да не станеме Италија.

 

Има за жал, не се критични не се под апарати, за дел за коишто слушнав,но има и постојат, обино лица со хронични болести и млади исто така се под апарати, на пример имало едно 23 дете под апарати, да така вирусот не бира а поготово нема милост за лица со проблеми, со астма меѓу кои и слично.

Се зборуваше за целосна блокада на ниво на државата, ама сеуште не е спроведена, сега за сега од денес ќе работат само маркети аптеки, трафики, бензински и плус уште некои неопходни за живот. Се друго е затворено.

Не трескај глупости, ова не е докажано.

Ми влезе ова во очи?
Што пишува на сликата?
Маските можеме да ги переме или што?
Јас имам само 10 маски а други маски нема, тука велат со оглед на тоа што се употребуваат само за еднаш а немаме маски треба надвор да се оставаат од влезна врата.
Немам поим дали мојава маска од вчера на ефикасна
@Alishan30
Моите се хируршки

Пишав во друга тема сега и тука ќе пишам.
Бев особа што не се плашеше ама сега се плашам, бев особа и сум што не паничам, јас не сум ни свесна за ситуацијава сеуште што ја живеам....
Сакам да ви кажам дека фала му на Филипче за се што спроведе, би требало и построго.

Дали мислите вие дека Филипче од блази бога затвора и редуцира се?
Не, на Филипче му е јасно како што видов и слушнав човекот веќе зборувал со луѓе од Северна Италија, човекот веќе знае многу добро што се случува и што може да се случи, знае дека Италјанските клиники немаат капацитет па бираат за жал кого ќе стават под апарати и повеќе ќе помогнат, Филипче знае дека е е лошо, знае дека немаме во Мк ни најмалку од она што треба да се има за вирусов.. знае дека би можело да се случи трагедија, мило ми е што е информиран темелно и се однесува така како што се однесува, бидејки случаите од ковид 19 се пред прагот, знае што би можело да се случи и би требало построго, да.

Ви пишува жена што е затворена дома, од тераса до прозорец.
И не, не е паника само е вистина, брутална истина што знам дека не сакате да ја читате и не можете да ја читате.
Ама вистината е таа.

Мислев и јас дека ќе биде се во ред ама ете не е и не сака да биде.

Па сум тука за да колку толку сметам дека со моето апелирање може ќе спречеме нешто, ќе спречеме нашите најмили да страдаат.

Јас сум дома и ќе продолжам да апелирам на страв, на сериозноста на вирусот поготово кај лицата што се најмногу ранливи.

Браво Филипче, можеш и повеќе и подобро!!

 

9 овде. Утре се затвораат сите школи и универзитети.
Јас мислам како тргнало ни на работа нема да идеме.

 

Да а ова е буквално да бираш меѓу мајка или татко кои вложиле толку многу љубов и внимание за тебе низ сиве години и сопственото дете... две работи кои значат премногу!

 

На Охридски аеродром немало никакви проверки. Си влегле туку така сите што сега слетале од Виена.
Зошто тогаш на ТВ толку форсираат препораки и чуда, а дури ни на аеродром не пазат?
Можеби у Скопскиот е поголема контролата ама еве некој и преку Охридскиот доаѓа...

 

И мене ова ме мачи цело време. Зошто нема построги контроли и мерки за сите кои влегуваат во државата?

 

Ќути си ќе го стават во ширење дезинформации а сите имаме или бар познаваме луѓе кои патуват и никој не е контролиран.
Не може сите да лажеме.

 

Па затоа и се шири вирусот. Да внимаваа на аеродромот немаше да дојде кај нас.

 

јас од тоа сто се оправав со тврдоглави дијазепами пијам.

исто и јас се прашувам?

 

Немав никој близок шо се враќаше од патувања се до денеска.
Затоа и ја мислев дека пазат и по аеродромиве ама еве сега се зачудив...
Џабе мерки и се ако не се пази на аеродроми и граници.
Еве ние дома ќе седиме шо сме у државава ама тие шо доаѓаат од странство?

 

Не се само 50годишни,еве јас скоро 30, примам терапија за тироидна жлезда. Не одам на работа,ама ме интересира колку мојава состојба е опасна ако се спои не дај боже со ковид 19.

 

@vitamina колку јас што знам и колку што ни имаат објаснето досега, една хируршка маска повеќе од 2 часа не носам на работа. Дишеш во неа, зборуваш, ја влажниш со флигеови капки, кашлаш во неа, киваш во неа.
Во 8 часа работни до 4 маски менувам одприлика, и не сметам дека е претерано. Незнам каков материјал се тие кои се за перење, вриење, пеглање и повторно користење, во нашата Македонија ние користиме обични хируршки маски за еднократна употреба, за неколку часа само.
Кој има искуство со перење на маски, еве нека каже, јас фрлам маски.

 

Реално и не може којзнае колкав ефект да има контрола на аеродром. Некој може да нема во моментот температура, прашалниците можат грешно да ги пополнат.

 

Која катастрофа од народ сме значи... Едни соседи си дојдоа од скијање во Италија и си седеа тука неколку дена, па потоа си отидоа во градот кај што живеат (овде имаат викенд стан). Значи воопшто нема свест кај луѓево. Ова се случи пред можда 2 недели кога сèуште немаше броеви за пријавување инаку ќе ги пријавев јас. Безобразни.
Исто имам една блиска личност во близина на Милано, се шета во Венеција и си снима видеа - убаво се гледа дека жив човек нема по улиците, а и забранија излегување од дома, овој шета се прави фраер за да има видеа на стори. Па уште планира да доаѓа во Македонија нареден месец.
Да имаше општо поголема свест и емпатија кај луѓево, ситуацијава немаше да биде ваква. Како намерно да го шират вирусов.

Како вчера да беше кога си реков ‘ех, кај е далеку Кина, нема шанси да фати и кај нас’ и ете. Не сум во паника и сум против споделувања по социјални мрежи статуси и дезинформации кои шират страв и паника кај народов. Исклучиво да се следат официјалните страници и да се преземаат мерките за заштита и превенција кои ги објавуваат истите. Alerted, not anxious!

 

Нема кај нема...

 

Хипотиреоза не е ставена во листата на хронични болести со коморбидитет со вирусот на корона. Пулмонални заболувања, кардиолошки, малигни итн.ја има листата објавено, побарај ја на страната на министерство

 

Не мора на љуљашки...у игротека има...

 

Директно изолација/карантин за сите што доаѓаат од странство нека е решение.
Нас не ставија шо сме тука и никаде не сме биле, а тие имаат повеќе шанси да донесат и да се рашири вирусот ете.
Џабе толкави мерки и се затворено, кога не е уствари ништо решено.

 

Сосема ве разбирам и мило ми е што има некој како мене. Не сте сами и не сте себични, напротив. Моите деца се поголемки и се дома сами, зошто јас и мм работиме а самата ги замолив моите родители да не доаѓаат воопшто кај нас уште минатиот викенд и пред да се воведат мерките (тие се постари и со хронични болести и седат дома затворени, одат надвор многу ретко, само за лекови или храна). Мака измачив да ги задржам децата дома овие два дена, дури сум на работа, ми е најтешко, морам телефонски да ги контролирам. Постарото ме нарече и ненормална и паничарка и луда и како се не..вчера од кавги и убедување со нив глава ме уби. Многу им е тешко што ги гледаат другите деца надвор и што другите деца ги викаат а тие мораат да ги одбијат. Не можеа да разберат зошто на другите им е дозволено, а на нив не. Големи се, па како на големи им ги објаснив сите причини и сите последици. Можеби и претерав дури, зошто помалово приметив дека малку и се подуплаши. Ама постарото разбра и на крај призна дека се согласува, само што поривот да излезе е многу силен. Нормално, тинејџер е. Ама и да не ме разбереше, пак ќе стоев на своето, макар и муабет дома да не ми прават. Подобро да се лутат сега него да си ја лупаме главата после.