Коронавирус: Состојбата во Македонија и светот

@ostoun ви посакувам негативни резултати а се надевам дека и твојот сопруг лесно ќе помине.

Мене највеќе ме нервира што сите ги кажуваат можните сценарија за после изборите.
Како ќе сме виделе дека сме криеле и ние бројки дека и комшиите така правеле, дека не чека карантини, полициски часови, затварање на граници и ред други работи.

Македонче, експерт на секое поле просто да ни позавидат.

 

Со помин да е, а вие да имате негативни тестови. Како се зарази твојот сопруг?
За ова зборав и вчера, сега и да нема големи собири трансмисијата е голема и сите сме во ризик да се заразиме.

 

Нека ви е со помин, ќе помине и тоа.

 

Не, со никого, родителите не сум ги посетила од 8 март. Не знам како се заразил, освен на работа и во маркет никаде не бил. Тоа ми паѓа најтешко, што ни трговски, ни кафеана, ни ништо, никаде не сме биле, и децава не контактираат со други деца, излегувале со нас само на прошетка кај што нема луѓе. И колегата што работи до него има симптоми, и тој се тестирал, сопругот носел хируршка и секогаш бил на дистанца, ама колегата носел ставена само на устата. Не знам, сѐ е претпоставка.

 

Истото ме нервира. А мене 160 заразени на ден не ми изгледа на криење бројки, посебни за мала држава како нас.

 

Порано со 20 заболени на ден, не им штимаше, ај помалку тестови, сега ги дуплираа не знам пак колку и пак не им чини. Најди НЗС оти јас стварно не можам.

 

Па ако им беше да намалат бројките ко демек за избори многу лесно можеа полека да идат од 100 надоле и на крај на 1 случај дневно да се спушти.

 

Неможеш да најдеш зашто нема

 

Во последните 24 часа регистрирани се 168 нови случаи на заболени од Ковид-19. Резултатот е добиен по изработени 1470 тестa.


Истовремено, 70 пациенти се излекувани, а починаа 3 пациенти позитивни на Ковид-19.

Со ова вкупниот број позитивни тестови во земјава од почетокот на епидемијата достигна 7572.

Излекувани се 3624, а починале 362 пациенти.

 

Многу
Назад на 11% позитивни
Малку излекувани
Ај барем помалку починати

 

И покрај тоа што расте трендот на се поголем број излекувани пациенти, денеска во најголемиот ковид-центар во Македонија, ГОБ „8 Септември“ се примени 16 новозаразени со Ковид-19, и тоа со многу тешка клиничка слика.

-Се радуваме на секој излекуван пациент. Денеска оттука заминаа 17 луѓе кои се изборија успешно со болеста. Некои беа во болницата цели три недели, бидејќи лекувањето трае долго. Но, за жал, денешната статистика покажува дека хоспитализирани се 16 нови заразени се вирусот, кои доаѓаат на лекување со многу сериозна клиничка слика. Некои од нив имаа сатурација 40, 50, едвај дишат, велат извори на Фактор од болницата.

Во оваа болничка установа се поголем е бројот и на млади пациенти, истакнуваат нашите извори и нагласуваат дека нивната сотојба наложува потреба од кислородна поддршка.

-Тука е сместен пациент кој има само 37 години, но е на респоратор. Вчера му беше даден и лекот актембра, па денеска е подобар. Секоја секунда од неговата здравтвена состојба ја следат инфектолозите и анестезиолозите, појаснуваат од ГОБ „8 Септември“.

 

Не ми е јасно како се заразил, вака испаѓа дека за џабе се и маски и дезинфекции се. Со помин да ви е.

 

Богами, така испаѓа, и тоа ми е најкриво. Се скинав плачејќи.

 

Doagjat vo teska sostojba i toa se najvise albancite, zasto krijat doma se lecat. Gi nosat skoro mrtvi. Ova e info od brza pomos. Ako se javat na vreme na lekar bi pominale mozebi polesno.

 

Знам дека сега што и да ти напишам ништо нема да ти помогне ама пробај да останеш колку што е можно посмирена. Позитивен на корона не значи одма најлошото, штом сте биле олку педантни досега, веројатно ќе си бидете педантни и со лекувањето. Еден куп луѓе има што го пребродија, плус сигурно не сте во онаа највозрасна и најризична група.

Најпрвин добро би било да направите (ако сте финансиски во можност) еден контролен тест за секој случај. По ова што го читам, доколку толку сте внимавале може воопшто и да не е заразен, зависи и каков тест сте правеле. Доколку имало некој грип или вирус пред неколку месеци прележано, може да се јави лажно позитивен тест.

Крај краева и да е дефинитивно позитивен никако не смеете психички да паднете. Стрес ти е број 1 фактор за паѓање на имунитет кај човек, секирации можат само да ти го турнат организмот. Имаш и на форумов еден куп членки кои искочија позитивни, сите си се во најдобар ред. Ќе ја тагнам @CameliaMiller бидејќи беше сличен случај, на максимално внимавање, а сепак од негде испадна позитивна. Не го зарази партнерот, што значи не мора по автоматизам сите да сте дома заразени.

Смири се и не и давај на болеста да ве кутне. Млади сте и здрави, ќе го поминете.

 

Баш ми е жал. Дај Боже со лесно да помине. А работи со контакти, се гледа на работа со многу луѓе?

 

Во последните 24 часа се направени 1470 тестирања, а регистрирани се 168 нови случаи на ковид-19.

- Скопје 83
- Куманово 8
- Дебар 2
- Штип 6
- Прилеп 3
- Тетово 26
- Струга 5
- Битола 2
- Охрид 8
- Гостивар 8
- Крива Паланка 1
- Крушево 1
- Кочани 1
- Пробиштип 2
- Македонски Брод 1
- Свети Николе 4
- Кичево 6
- Ресен 1

Починати се 3 лица, двајца пациенти од Скопје и еден од Гостивар.

Денеска Институтот за јавно здравје регистрира 70 оздравени лица.

- Скопје 48
- Тетово 18
- Велес 1
- Гостивар 1
- Кочани 1
- Ресен 1

Досега во земјата се направени вкупно 72.690 тестирања на ковид -19. Денеска нема тестирања во рамките на скринингот

Вкупната бројка на ковид дијагностицирани во нашата земја од почетокот на епидемијата изнесува 7572, бројката на оздравени пациенти е 3624, на починати е 362, а во моментов бројот на активни случаи во земјата изнесува 3586.

 

Само двајца се што се во најблизок контакт, останатите циркулираат низ просториите.

 

Значи, ипак е до таксиратот, а не до собиранките.
Ајде, ќе пројдете добро.

 

Собиранките придонесуваат, или да не речам клучни се за огромната локална трансмисија. Тоа е и проблемот, оттука и "таксиратот".