Коронавирус: Состојбата во Македонија и светот

Инаку, нема да се обработуваат пропуштените школски активности како што разбрав. Дека спомнавте до август ќе се учело. Нема, ќе се скрати материјалот, ќе видат што ќе прават ама нема да се учи уште 2 недели плус или и саботи. Бар во средните и основните школи, за факултетите не знам.

А, инаку еве јас сум дома цел ден, ја и така дома седам кога сум слободна, не ми е ни некој проблем. Татко ми и брат ми исто, но мајка ми работи во аптека 8ч, баш еве 5 дена без слободен ден е, па што да и направиме, од дома да ја избркаме? Тоа и е професијата, мора да иде на работа, дома не може да седи. Секојдневно има контакт со огромен број луѓе, тек од вчера им дале маски за да работат со нив.
Доаѓа дома, брише кваки, телефон се зад неа што донела, облека одма пере, се бања веднаш, но ете пак се е можно. Не сме 100% заштитени само затоа што ние 3ца сме дома. Може сите од неа да префатиме ко најлоша варијанта.

Има луѓе што одат на работа, речиси сите дома имаме некој што иде на работа.
Да оддржуваме хигиена и да не се фаќаме по лице е мислам клучниот момент сега. Се надевам веќе сите го знаеме тоа и го применуваме. Друго кај мене дома моментално не гледам што можам да направам еве ако некој има предлог слободно може да ми даде. И мајка ми е свесна дека е ризична, гледа и она колку може да се заштити и сите нас, плус и она е со здравствен проблем и не е баш така млада, но што е тоа е, кога си одбрал здравствена професија нема бегање во вакви ситуации.

 

Е заради ваакви размислувања на Италија и се случи Италија. И заради вакви ќе мора целосен блок, оти памет не ви доаѓа

 

Бев загрижена да пошо во клас имам деца што буквално на 2 недели а дувне ветер се разболуваат.
Еве нивните не ги пуштаат да искочат од дома.
И двете од вторникот седат дома и не мрдаат.
Слаб имунитет имаат.
И поразлично е дај не се прави на Тошо со сила.
Разлики:
-во школо сме на ЗАТВОРЕНО меѓу 4 ѕида по 5-7саати 30 души
-во школо сме во директен контакт со луѓе и со предмети и не можеш да не допреш нешто дали столчето да го поднаместиш дали пенкало да земеш итн..
-во училна не можам ни да кивнам на раст бидејќи има луѓе апла до мене и нема кај да бегаат на сред час
-во парк си на ОТВОРЕНО и си со уште 2-3ца максимум
-нема потреба од фаќање 19349 предмети бидејќи си на отворено, плус ако носи секој с-во за дезнфекција ќе си се заштити дополнително
-на отворено можеш да се поттргнеш ако киваш/кашлаш и баш бидејќи си на отворено нема да го дишете тој воздух.
@Dream-Girl нема да обработува никој поготово не ние матурантите.
Ќе ни набијат сѐ во април и тоа е тоа.

 

Ме заболе глава од муабетиве против паника. Луѓето паничат низ цел свет. Паниката е нормална, природна и потребна појава. Ако не паничиш и к*р те боли, ќе шеташ кога е забрането, ќе шириш вирус без да ти е гајле. Паниката се развила низ еволуција и сега двајца тројца паметни ќе пишат на форум не паничете и стварно другите нема да паничат. Ако вие не паничите, супер за вас, другите луѓе се различен карактер од вас и мислам редно е да не се правите паметни по форуми. Искрено, досега не сум слушнала некој заради паника да превзел некои екстремно непотребни мерки. Дезинфицирање на се што носиш дома? Не излегување од дома? Се тоа се препорачува. А сум видела многу дебилни периодов што се курчат и не им е гајле и доаѓаат од странство па не седат во изолација, ти им викаш не оди во кафулиња, тие мислат овие 2 недели дома се одмор од на работа, па дрво ќе разбере ама не и некои гнаси. Па со такви стоки околу тебе не знам како да не паничиш.

 

Прво, ви благодарам на сите за поддршката синоќа. Да не ве тагнувам. Благодарам многу и на тие што ми пишаа лично. Ми требаше разговор
Сабајлево сум како нова, смирена, како да не се случило ништо вчера.
Ќе си знам дека тригерот ми се социјалниве мрежи и секакви ,,експерти'' што знаат се'. Медицина, економија, теории на заговор.
Ќе слушам само проверени извори. Тоа е тоа.

Инаку, јас целава ситуација ја прифаќам многу смирено, вака генерално. За хигиената секогаш сум била дисциплинирана, сега уште повеќе внимавам. Не живеам со стари лица и немам контакт со никој што е над 60 години. И онака сум екстремен интроверт и ретко се мешам со повеќе луѓе. Последен пат излегов од државичево во август. Не патувам воопшто.

Така, си викам, и да бидне нешто ќе се справам со ова. Ј*би га. Реков, и вие да внимавате најмногу од кај знаете дека некој друг нема да се однесува скроз ноншалантно.

Во дваесеттите години сум, внимавам на имунитетот, следам препораки. Немам намера да се оптоварувам со стравови. Некои не знаат да ја разграничат претпазливоста од паниката. Затоа реков, треба да се бираат и зборови, тие можат да предизвикаат хистерија. Заедно со лажните информации се рецепт за паника.

Сигурно веќе сте спомнале, има добри вести: Сите патници од комбето се негативни.
И во Кина денеска само четворица заболени. Ама некако слабо се известува за добрите работи.

И така, се изнапишав јас Чувајте се и без паника

 

Тоа "како што разбрав" е шпекулација и не знам зошто го пишуваш тука. Треба само проверени информации.
Официјално известување нема и нема ни да има додека не справиме со состојбата.

За здравствени работници, доктори, фармацевти, медицински сестри, воени лица, полицајци не гледам причина за дискусија. Знаеш зошто? Заради тоа што самите се свесни во какви води се впуштаат. Тоа е таа прва борбена линија кои сите ја трубат. Свесно се откажуваат од сите празници, одмори, време поминато се семејството и пријателите за да се грижат за народот. Не очекувајте дека ако затворат граници и нив ќе ги ослободат. Напротив, сите ќе бидат мобилизирани нешто да прават. Ако има недостаток на кадар, може и студентите да ги ангажираат, just saying. Значи, не паничам, само сум претпазлива, како човек со самосвест и одговорност, дека не дај Боже ако има крајно вондредна состојба, може и мене некој да ме ангажира, па наместо да ги заразувам луѓето јас треба да се грижам за нив.
100% заштита нема, ама може да се превенира. Bolje spreciti, nego leciti.

 

Добро зарем не е параноја да речеш некому немој да излегуваш од дома, ни до продавница, пошто за да излезеш мора да се фатиш за кваката од портата, а којзнае кој ја дирал додека си спиел ?!?!?!

Глас на разумот ли ова, се слушаме ли ?!?!?!

На работа сум од 6 до 4, во контакт сум со десетици луѓе, идам во банка скоро секојдневно, фаќам триста ФАМОЗНИ кваки и предмети, пари, притоа следам препораки и дезинфицирам раце на секое пофаќање на нешто, кожата ја одрав.
Ама дома кваката да не се чепкала !!!!!!!!!!!!!!

 

Тоа знаеш само, да извртуваш зборови, за друго не те бидува.
Реков, да го минимизирате излегувањето, не ви е НЕОПХОДНО да идете по паркови и Водно, кога наместо тоа може да се излуфтирате на тераса, во двор или кога идете до продавница.
И тоа малку што го очекував од тебе, го снема.

 

Еве ги мерките во Србија, ама школите си работат се уште.

https://www.blic.rs/a-m-p-article?u...E_VESTI/DRUSTVO&tdv=BLIC_RS/vesti/drustvo/ART

 

А шо ти е гајле? Ако сакаат нека не ја фаќаат. Немаме проблеми сега, па дај да бараме кај што ги нема, не сфаќам досадно ви е, па дај да се фатиме за нешто? Голема работа ако некој мисли дека не треба да се фаќа кваката. Не те фати за гуша за да не ја фаќаш.

 

Затоа што немате осет дека темава ја читаат страшно анксиозни луѓе кои состојбата им прави и без ова секојдневно да се соочуваат со стравови и паники.
Аман луѓе, ве разбирам, ама на моменти се претерува.
Ајде излезете по терасите малце, напијте се кафе.

 

Така е, ама реално и тие што се паничари се анксиозни во моментот и тешко е да мислиш на друг тогаш. И мене ми сметаат црни хроники, ама кога гледам дека паничат ми се чини дека повеќе се чуваат и почитуваат мерки и препораки.

 

Може ли само да ми објасниш како тоа одење до продавница е побезбедно од качување на Водно?

И само да појаснам, за мене лично
одење на Водно е искачување по козји патеки каде што имаш милијарда местенца кај што можеш да седнеш на трева и да уживаш во природата и каде што близок контакт со луѓе и предмети и нема, а не одење со кола или бус до Средно.

И како да го минимизираат излегувањето луѓе кои мораат да одат на работа?
Не се сите студенти кои можат да си дозволат седење дома 24/7, а и тие што се, сигурно имаат барем еден член на семејството што оди на работа.

Разбирам да се буните за седење по кафичи, кладилници и казина, за патувања во странство, ама да споредувате некој што се качил на Водно со Цаца или со антиваксери е смешно.

 

Немојте бе луѓе да се расправате, едноставно почитувајте ги предлог мерките и ова ќе заврши како да не се случило. Никој не рекол да не мрднете од дома 14 дена. Тие во куќа можат цел ден во двор да го поминат, ние во зграда ќе си пиеме кафе на тераса (немам клупа пред зграда инаку со мм доле ќе си го испијам кафето).
Бевме и ние на шетање низ Мк ама кога слушнавме на вести одма се прибравме дома. Си купивме се потребно за дезинфекција и нешто храна, по потреба мм иде на кратко до маркет јас дома седам и не примам гости дека сум 8ми месец трудна. Ми фалат луѓе и мене ама тоа е, ќе се стрпиме. А да беше сега - 15 степени надвор како што знае март да биде?
Се мислам со кола да идеме до Козјак на пола саат да не фати воздух и да се вратам, нормално без контакт со луѓе. Се жалиме ние како да сме седеле дома, а има луѓе што мора да одат на работа, а да не почнуваме за здравствените работници и сл.
Најдобро се држиме во регионот ама треба и ние луѓето да им помогнеме на тие што се борат секој ден за нас

 

Ама не знам зошто се тригернуваш од муабетов толку.

Ти мораш да одиш на работа и ќе одиш додека не ти кажат да не одиш. Ете, ги преземаш сите мерки, одговорна личност си, верувам.

А не мора да се шета и да се пие кафе во кафич само оти не додржуваме дома.

Министерот ги ослободи да не одат на школо за да седат дома, а не да скитаат.

Ако тебе ти стигне наредба да не одиш на работа заради корона-вирусот, само кажи ми дали ќе излезеш на кафе ла-ба-во?

Верувам дека нема.

Ете ја разликата.

 

Темава е апокалиптична, застрашувачка.
Во ред е, сите ги почитуваме препораките, миеме раце, се дезинфекцираме кога сме надвор.
Дома искрено немам дезинфекцирано, од алкохол имам ракија.
Денес чекам плата за да купам некои работи плус.
Страв ми е, ме фаќа паника на моменти, ама се смирувам.
Седам дома, вадам дете на воздух сама, еден круг низ град и дома. Не се дружиме со никој, не одиме на кафе.
Дете уште спие, не го будам, подобро ноќе нека седе, барем нема да бара да оди надвор .
И без паника и апокалиптични сценарија. Штом Кина го стави под контрола, има надеж за сите.

 

Кваки, рачки и слично не се циркуси и параноја, туку претпазливост. Веќе е општо познато дека вирусот се задржува на површините, а на металните предмети и до 9 дена (ако добро сум разбрала), така што голема е веројатноста да има останато на металните површини (кваки, рачки, гелендери и сл.) од кои што можеш да се заразиш, така? Значи, не е глупост и параноја?
Од друга страна, 100% изолација не постои, освен да се затвориш дома и униформирани, заштитени лица да ти носат 100% дезинфицирана храна (што е рамно на научна фантастика)
Муабетов ми е, треаба да се оди на работа, да се пазари, па еве и да се прошеташ во природа или низ улица без близок контакт со луѓе, без седење на клупи и сл. При секој допир со кваки, рачки и сл ,што е скоро невозможно да се избегне (се согласувам) да дезинфицираш раце или да носиш ракавици за еднократна употреба. Ете тоа е разум, а не твоео циркус се правело

 

Објаснив на претходните страници. Одењето до продавница е НЕОПХОДНО. Сигурно не сакаш да умриш од глад. А дали одењето на ВОДНО е неопходно во услови кога загадувањето не е на највисоко ниво, па на чист воздух може да си седиш на тераса и да си пиеш кафе?

Со самото тоа што одреден процент на луѓе се ослободени од работни обврски, градинка, школо, факултети, укинати се слободните вожњи со автобусите, со самото тоа се редуцира бројот на луѓе кои излегуваат дома. Но, тоа нема да биде ефикасно, ако наместо да седите дома, одите до Водно или на кафица.

 

Они повеќе од нас ја потценија ситуацијата. Кога го имаа првиот случај, баш човекот кажуваше дека немале тестови, го шетале од клиника на клиника, не знаеа што да му прават. Дури отпосле се организираа.
Инаку овој пд Нехар турс треба да го стават 7 дена у Шутка за памет