Коронавирус: Состојбата во Македонија и светот

Министерството за здравство информира дека во последните 24 часа се направени 1756 тестирања, а регистрирани се 166 нови случаи на ковид-19 во: Скопје-46, Куманово-17, Дебар-3, Штип-13, Прилеп-12, Тетово-11, Струга-4, Велес-3, Битола-4, Охрид-2, Кавадарци-2, Гевгелија-2, Струмица-3, Крива Паланка-2, Радовиш-2, Кочани-7, Пробиштип-1, Македонски Брод-2, Пехчево-6, Берово-4, Виница-3, Делчево-12, Кратово-2, Свети Николе-3.


Денеска Институтот за јавно здравје регистрира 224 оздравени пациент од: Скопје-59, Куманово-34, Дебар-28, Штип-15, Прилеп-6, Тетово-6, Струга-6, Велес-4, Битола-1, Охрид-6, Кавадарци-6, Гостивар-17, Радовиш-1, Кочани-1, Пробиштип-1, Демир Хисар-7, Македонски Брод-6, Берово-2, Виница-7, Делчево-1, Свети Николе-1, Кичево-4, Неготино-5.

Нема починати пациенти.

Вкупната бројка на ковид дијагностицирани во нашата земја од почетокот на епидемијата изнесува 14762, бројката на оздравени пациенти е 11965, на починати е 606, а во моментов бројот на активни случаи во земјата изнесува 2191.

 

А бројкава си расте ли си расте, а за ова нема починати искрено се радувам.

 

Добро, Прилеп шие, Штип исто така, за Пехчево да не зборам и Берово, толку мали места. Делчево.
Жаришта.
Виница полека полека се чисти.

 

Ама активните случаи секојдневно се намалуваат

 

Најбитно е да нема починати. И тоа и Пановски го кажа.

 

Секако.

Кога сме кај тоа:

На Инфективната клиника во изминативе 24 часа примени се 9 пациенти. Вкупно се хоспитализирани 79 пациенти. На кислородна поддршка се 44, нема пациенти на механичка вентилација.

Во болницата во Козле се хоспитализирани 13 возрасни пациенти позитивни на ковид-19, 2 позитивни деца, 4 мајки и 4 деца суспектни на вирусот.

Во ГОБ „8 Септември“ примени се 5 нови, вкупно хоспитализирани се 22 пациенти. На респираторна машина се 2 пациенти.

Во болницата во Битола се хоспитализирани 14, а во болницата во Штип се хоспитализирани 48 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 107 , позитивни и сомнителни на ковид-19.

 

Епа во Берово и Делчево некој им го однел, не отишол сам.

Више касно е да се збори.
На време требаше да сфатат дека со ограничено движење просторно, и вирусот нема сегде да оди.
Ама не, ќе им се восхитуваме дека им текнало полициски да стават.

 

@Tan4ence да не зборам ама Скопјани таму секој викенд се.

 

А може и они биле во други градови па сами си го донеле...

 

Информација COVID-19 (03.09.2020)

Денес на регионот за ЈЗУ Центар за јавно здравје- Битола се потврдени 4 нови случаи на COVID-19 во Битола (лица на возраст од 13, 32, 55 и 65 години, две лица даваат податок за контакт со веќе регистрирани позитивни лица).

Во Кичево, Ресен и Д.Хисар денес нема новозаболени лица.

Денес се регистрирани и 12 оздравени лица (4 од Кичево, 1 од Битола и 7 во Д.Хисар).

ЈЗУ Центар за јавно здравје- Битола

 

Еве јас сум во Скопје и најгласна бев дека Скопје требаше да се зарвори како Дебар на 2 недели, особено кога беа празниците. Од тогаш пукна. Да затвореа Скопје, Тетово, и кои други градови беа жаришта ќе беше подруго.

 

Па да де и тоа.
Затоа велам требаше да се затворат градови, освен за луѓе кои одат на работа или лекар со потврда за тоа.
Па и да има право полиција да те застане да види од која општина си.
За тие од поголемите градови да има ограничена дистанца до каде смееш да одиш.

 

Помина тој воз...

 

Тука многу потфрлија.
Состојбата во малешевскиот регион никако да се потсмири.
Ептен мали градчиња се Пехчево и Берово а тука некаде е и Делчево.
Скопје едно време вриштеше со бројки, сега гледам намалени се.
Вирусот решил секаде да си поседе малку.

 

Помаливе градчиња сите така, нема нема и после наеднаш жариште. Ресен, Виница, Берово, Пехчево, Делчево...

 

Епа јбг...
Март, април и мај требаше да се најде некој да му текне ова.
Тие што бевме против полициски ни рипаа дека сме тие што правиме свадби, мекици и родендени.

Се буневме оти се отворале граници, демек од надвор ќе ни донеселе, а тука кај нас битно ја прошетаа цела Македонија.

 

Собиранки нон стоп, посебно по локалите, кафичите, ноќните клубови кај што не се почитуваат мерките.
Угостителите највеќе плачеа за протоколи и отварање а први прекршија.
Тука скокаа дека некој од тоа леб вади, се океј, ама до граници на нормалата а не се знае нит кој пие, нит кој јаде.
Бидно забава на најјако, утре пискаме по социјални мрежи за бројката.

 

Општина Пехчево 5500 жители во 2002 имала. Цела е исселена. Сите се по Италија, Германија, ваму -таму. Живо пиле нема.
Да речеме и 5000 жители да има на ниво на цела општина, тоа значи дека во последните 2 дена таму се дијафностицирани 11 позитивни случаи, во превод 220 случаи на 100000 жители, само во последните 2 дена.
Источна Македонија беше и остана последна дупка на свиралото во лице на властите... Душа ме боли кога ги гледам бројките

 

Третина Американци изјавиле дека нема да се вакцинираат против Ковид-19 доколку вакцината сега е достапна, покажува најновото истражување спроведено од „Ипсос мори“ за Светскиот економски форум.

33% од испитаниците во САД изјавиле дека донекаде не се согласуваат или апсолутно не се согласуваат со изјавата дадена во истражувањето – ако има вакцина против Ковид-19, јас би се вакцинирала.

Нешто повеќе од две третини изјавија дека ќе ја примат вакцината, пишува „Бизнис инсајдер“.

Овие откритија на „Ипсос мори“ во голема мера се во согласност со претходните истражувања спроведени од компаниите „Марист Пол“ и „Галуп“, според кои 35% од Американците нема да се вакцинираат против коронавирусот доколку вакцината е достапна.

Причината поради која Американците најмногу се против вакцинацијата е стравот од можни несакани ефекти (60%). Повеќе од една третина (37%) рекле дека не веруваат дека тоа ќе биде ефективно, додека петтина (20%) изјавиле дека се генерално против вакцинацијата.

„Ипсос мори“ исто така откри дека од 27-те анкетирани земји, Русите биле најскептични во однос на вакцинацијата.

46% од испитаниците во Русија изјавиле дека нема да примат вакцина. Рускиот претседател Владимир Путин минатиот месец рече дека земјата развила ефикасна вакцина против Ковид-19, која наскоро ќе започне масовно да се производува.

Најмногу склони кон вакцинација биле Кинезите. Само 3% од испитаниците од Кина изјавиле дека нема да се вакцинираат.

Британците имаа сличен став. 85% од испитаниците во Велика Британија изјавиле дека би се вакцинирале доколку вакцината сега е достапна, додека само 15% рекле дека не би се вакцинирале.


©Makfax.com.mk

 

Филипче: Вакцината за ковид-19 ќе биде бесплатна и незадолжителна