Коронавирус: Состојбата во Македонија и светот

Во последните 24 часа во Словенија се потврдени 79 нови случаи на коронавирус, со што вкупниот број на заболени од почетокот на епидемијата се зголеми на 3.312, од кои 519 се активни случаи, објави во средата словенечката влада.

Ова е рекорден број на нови случаи на дневно ниво од почетокот на епидемијата и зголемување за 37 во споредба со претходниот ден.

Досега на дневна основа најголем број случаи биле забележани на 26 март – 61.

Во последните 24 часа се направени 2.560 тестови.

Има нови жаришта во домови за стари лица, каде има 15 новозаразени, и во некои училишта кои се отворија на почетокот на минатата недела.

Во моментов 33 пациенти се хоспитализирани, а бројот на смртни случаи од почетокот на епидемијата е 135.

 

Последната фаза од клиничкото испитување на вакцината против Ковид-19 која ја развива Универзитетот Оксфорд е прекината откако кај еден испитаник била забележана неповолна реакција.

Вакцината, која заеднички ја развиваат Универзитетот Оксфорд и британско-шведската фармацевтска компанија „Астра Зенека“, е една од водечките кандидати во светот. Но, клиничкото испитување сега е стопирано поради случај на „необјаснета болест“, пренесува Би-би-си повикувајќи се на извори од „Астра Зенека“.

Компанијата го опишува привременото прекинување на испитувањето како „рутинско“.

Би-би-си наведува дека вакцината успешно ја поминала првата и втората фаза од клиничкото испитување и се очекуваше да биде меѓу првите вакцини што ќе се најдат на пазарот.

Третата фаза од истражувањето се спроведува на околу 30.000 испитаници во САД, Бразил, Велика Британија и Јужна Африка. Ова е фаза на клиничко испитување на вакцината, која обично се спроведува на илјадници испитаници и трае неколку години. Третата фаза на сите локации сега е паузирана.

Независни истражители најпрво ќе ги разгледаат сите безбедносни податоци, а потоа регулаторите ќе одлучат дали испитувањето може да почне од почеток.

„Во големи испитувања, болестите можат да се појават случајно, но независните тела треба да испитаат сè внимателно“, рекле од Оксфорд.

Ова е вторпат испитувањето на Оксфорд да биде стопирано. Во големи клинички испитувања тоа се случува кога волонтер завршува во болница без веднаш да се разјасни причината за болеста.

Се смета дека испитувањето може да продолжи за неколку дена. Стат Хелт, здравствената веб-страница што прва ја објави оваа информација, наведува дека деталите за несаканата реакција на испитаникот не се познати, но цитира извор кој вели дека очекува испитаникот да заздрави.



©Makfax.com.mk

 

Во последните 24 часа се направени 793 тестирања, а регистрирани се 72 нови случаи на ковид-19 во:

-Скопје 24
-Куманово 6
-Дебар 4
-Штип 3
-Прилеп 1
-Тетово 2
-Струга 9
-Велес 1
-Охрид 1
-Кавадарци 1
-Гостивар 4
-Гевгелија 3
-Крива Паланка 1
-Радовиш 1
-Кочани 3
-Пробиштип 1
-Берово 1
-Валандово 1
-Виница 1
-Делчево 3
-Свети Николе 1

Починати се 3 лица, пациентка од Струмица (44г), пациент од Гостивар (58г) веднаш по прием и еден пациент од Охрид (79г).

Денеска Институтот за јавно здравје регистрира 54 оздравен пациент од:

-Скопје 8
-Куманово 7
-Штип 4
-Тетово 1
-Струга 4
-Велес 2
-Битола 2
-Охрид 4
-Гостивар 11
-Гевгелија 1
-Крива Паланка 2
-Кочани 1
-Берово 1
-Виница 1
-Свети Николе 3
-Кичево 2

Досега во земјата се направени вкупно 160.180 тестирања на ковид -19. Нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 15293, бројката на оздравени пациенти е 12754, на починати е 634, а во моментов бројот на активни случаи во земјата изнесува 1905.

 

А бројот на починати малтене ист

 

Престанаа со 2 контролни теста, и одма се скратија активните случаи. Не дека е подобра ситуацијата, фиктивно е намалено. Пак се држиме на 8-10 % позитивни од тестовите секој ден.

 

Всушност бројот на активни случаи веќе подолго време опаѓа, уште пред да се укинат двата контролни тестови. Засега, бројот на пациенти кој се водат како оздравени е ист или сличен како претходно, кога имаше контролни тестови.

За процентот, неколку недели со ред опаѓаше, но од претходнава недела за жал има благ пораст.

 

Комшивката до нас има корона. Во петокот се видовме на врата јас на мојата, таа на нејзината тогаш излегуваше, зборувавме може 3 минути. Има некаков ризик? Многу ни се блиску вратите, една до друга. Инаку вчера добила позитивен тест, а тој ден сигурно немаше симптоми на работа одеше.

 

Ако сте имале контакт близок, да. Зависи колку сте биле на далечина. Ако не сте носеле маска, повторно, да. Зарем не и ги бараат контактите, за да ве тестираат и вам?

 

Не беше многу близок, таа на нејзината врата, јас на мојата.
Ме нема за контакт наведено најверојатно, после тоа била тестирана поради заразени на работно место.

 

Не паничи пред се, паниката може и да манифестира лажни симптоми. Почекај неколку дена и види. Или па ако не можеш мирно да спиеш, за жал ти преостанува да се тестираш. Нема правила со вирусов очигледно. Некој ќе се љуби, гушка, ќе се допира со прсти и ништо нема да му биде (има таков случај), а некој нема ни да знае како се заразил првично.

 

Стапката на смртност е висока, ако не и највисока во регионов.
634 починати за еден грст народ во земјичево е премногу.

 

Не би требало. Сепак надвор е тоа, на отворено, ваљда и по 1-1,5 м ви се одделени влезните врати. Не паничи, од стрес ќе мислиш имаш сиптоми. Мајка ми исто имаше сличен ваков контакт, ништо не и беше.

 

Причината за одложување на око форд вакцината е појава на трансферзален миелитис.
https://kanal5.com.mk/objavena-pric...iranjeto-na-vakcinata-protiv-kovid-19/a438161
Дали овој миелитисоф може грешно да се дијагностицира како енцефалитис? @KuklickaSk ?

 

Скоро и да нема никаков ризик.
За да се заразиш треба да си во близок контакт минимум 15 минути.

 

Фала

 

Балкан Апдејт 09.09:

1. Романија- 1271 новозаразени од 24 297 тестирани, односно 5.2%;
2. Хрватска- 341 новозаразени од 4172 тестирани, односно 8.2%;
3. БиХ- 293 новозаразени од N/A тестирани, односно N/A%;
4. Грција- 248 новозаразени од 16 046 тестирани, односно 1.5%;
5. Црна Гора- 219 новозаразени од 822 тестирани, односно 26.6%;
6. Бугарија- 167 новозаразени од 4000 тестирани, односно 4,2%;
7. Албанија- 151 новозаразени од 852 тестирани, односно 17.7%;
8. Србија- 84 новозаразени од 8285 тестирани, односно 1%;
9. Словенија- 79 новозаразени од 2560 тестирани, односно 3.1%;
10. Косово- 76 новозаразени од 589 тестирани, односно 12.9%; и
11. Македонија- 72 новозаразени од 793 тестирани, односно 9.1%.

 

има ли некој друг освен мене што ја гледа статистиката преку апликацијата Koronavirus MK? веќе многу денови воопшто не се обновуваат податоците.. :-/

 

Зошто си ја мачиш душата само со непотребен стрес?

 

Експертскиoт медицински тим кој ја советува словенечката влада предложи да се намали времетраењето на задолжителниот карантин од 14 на 10 дена.

Колку е тоа паметно, во случајов и ризично, само поради економскиот притисок, не знам