Коронавирус: Состојбата во Македонија и светот

Ова четвртово како black mirror сценарио.Инаку вака другите предлози се убави.

 

Цела 2020 е блек мирор сценарио

 

Немој сега и ти, не расипувај одлични идеи
А секој ден ќе тестираат или како, за да имаш корона клиренс?

Аха, го најдов

Oh boy...

 

Дечки, имам едно прашање. Односно барам совет од вас како поупатени, бидејќи јас искрено последниве два ипол месеци немам можност да читам статии поврзани со оваа состојба, што ради психичка преоптеретеност, што ради фактот дека немам апсолутно никаква контрола над тоа дали јас ќе заболам или некој близок...


Како и да е, да не должам.
Утре мора да добијам документ од клиент кој е вчера вратен од ризично подрачје во Италија.

Примопредавањето на документот ќе се случи на отворен простор, со маски и на дистанца.

Знам дека од предмети не се фаќа корона, не сум до толку морон, но ме загрижува времетраењето на нашиот разговор кој би се одвивал 30-60 минути на дистанца, и секако како што споменав претходно - отворен простор со заштитна опрема - маска.

Дали мислите дека постојат шанси за добивање корона и колкави би биле истите од прилика доколку внимавам?

Однапред ви благодарам на одговорите.

 

Она четвртото е тотално неизводливо. Ако се прават 10000 тестови дневно и ти треба негативен тест од последните 48 часа за да идеш во кафана, само истите 20000 битни фаце ќе се тестираат нон стоп за да можат на мира да си одат по кафани.

Нема поента да се тестираат личности за да се докаже дека се негативни, премногу ресурси се трошат така. Поентата на тестирањето е да ги откриеме позитивните, а не едни те исти личности да се тестираат секој ден.

За блек мирор сценариото не коментирам, и онака ме сметате дека сум куку кога почнам за тоа да зборам.

И онака сакав да кажам за мерките предложени и недонесени на влда, дека куп држави ги имаат и можеше да останат на препораки, ама од влада сеодлучија дека нема да ги донесат затоа што мора да се промени законската рамка (во превод сакаат да ви го забиберат пак).
Нели се можеше од кога се избере влада? Пак ништо не се може, пак мора за доброто на сите да се менуваат закони. А ќе се менуваат само за поголема моќ да им дадат. Демократска влада избравте? АкО Не пА ВмРо дА сЕ вРатИ?

 

Скоро и да нема ризик, ако ги исполнишш трите работи што ги кажа - маска, отворено, дистанца, никаков ризик немаш. Со маски и дистанца на отворено, безбедна си, без грижа. ОТВОРЕНО е клучниот момент тука, концентрацијата на вирусот со зборување одма се разредува на отворено.

Со среќа!

 

Не можеш да се заразиш ако сте со маска двајцата на отворено и држите барем 1.5м растојание.

 

Фала ви. Ми требаше најмногу поддршка зошто сум малку под стрес ради средбата.

 

Ако ти е стрес, и ако е изводливо нека ти го достави по курир документот а разговорот нека биде телефонски. Или само земи го документот ти, а разговорот нека биде телефонски. Ништо не е толку вредно колку твојот мир.

 

Без гајле, ризикот би бил 1.5%, дури и помалку од тоа.

 

1.5% би бил ако не одржуваат растојание. (И ако е позитивен соговорникот.)
Ако одржуваат нема ризик.

 

Со отворен простор, маска и дистанца шансите се скоро еднакви на нула.

 

Дечки, ви благодарам уште еднаш.

Јас како што веќе ме читавте на темата претходно, ги знам сите овие работи. Но, ми требаше некаде да се искажам и побарам потврда. Затоа пишав.

@nena2010

За жал не може по курир, мора да се видиме и објасниме.
Се надевам се ќе помине добро, клиентот може не е ниту заразен во крајна истанца и џабе стресот.
Така да, тоа е тоа.

Ако има нешто ,,недај боже" подоцна овие денови ќе ве известам на темава.

 

Маска, дистанца, отворено шанса никаква за зараза плус и ако нема симптоми. Само релаксирано.

 

Изминатата недела од ковид-19 најмногу се заразиле лица на возраст од 30 до 39 години, или од вкупни 2.243 нови позитивни случаи, заболени се 456 лица од оваа возрасна група, или 20, 3 отсто.


Во извештајот на Институтот за јавно здравје кој се однесува на периодот од 5 до 11 октомври стои дека се тестирани 13.028 материјали во лабораториите во кои се спроведува молекуларно тестирање за присуство на ковид-19 или 32,5% повеќе во однос на минатата недела.

Регистрирани се 2.243 нови позитивни случаи од 33 града во државата, што претставува зголемување од 86,5% во однос на минатата недела. Најголем дел од регистрираните случаи се од Скопје (1155; 51,5%), а највисока неделна инциденца е регистрирана во Гевгелија – 215,1/100.000.


Процентот на позитивни случаи од тестирани во овој период изнесува 17.2% или 5% повеќе во однос на претходната недела.

Регистрирани се заболени лица во сите возрасни групи. Голем број на заболени се регистрира и кај лицата во возрасните групи од 40-49 (440; 19,6%), 20-29 (414; 18,5%), над 60 (405; 18,1%) и 50-59 (343; 15,3%). Најмал број е регистриран кај децата од 0-9 (53; 2,4%) и 10-19 години (132; 5,9%).


Во споменатиот период, од случаите кои се епидемиолошки истражени (1.347; 60,1%), регистрирани се 94 (7,1%) хоспитализирани, а кај 319 (23,7%) лица е регистрирано присуство на коморбидитети. Од вкупниот број на нови случаи, 513 (38,1%) имале контакт со потврден случај. Регистрирани се 22 (1,6%) лица со историја на патување (во последни 14 дена)

По добиени 2 негативни како оздравени се водат 815 лица кои биле хоспитализирани или на домашно лекување, 29 повеќе споредено со претходната недела.

Пријавени се 31 смртен случај од 15 градови, за еден повеќе од претходната недела. Во однос на возраста, 26 лица биле над 60 години, а 4 лица на возраст од 50-59 години. Само едно лице е од возрасната група 40-49 години. Коморбидитети се регистрирани кај 24 починати лица.

Вкупната бројка на ковид дијагностицирани во нашата земја од почетокот на епидемијата изнесува 21.193, бројката на оздравени пациенти е 16.397, на починати е 800. Во моментов во болница се лекуваат 432 пациенти.


©SDK.MK

 

Дополнителни количини од лекот „ремдесивир“ набавува Македонија од Европската Унија.

Како што информира Министерството за здравство, Европската комисија потпишала договор со фармацевтската компанија Gilead за набавка на 500.000 дози од Veklury, бренд-името на лекот „ремдесивир“, со можност за дополнително зголемување на количините.

Заедничкиот договор за набавка е потпишан од 36 земји, вклучувајќи ги земјите од Европската Унија, Норвешка и Исланд, Обединетото Кралство и шест земји сегашни и потенцијални ЕУ-кандидати, во кои, освен Република Северна Македонија, директна набавка на лекот може да направат и Албанија, Србија, Црна Гора, Босна и Херцеговина и Косово.

Veklury („ремдесивир“) е лек за третман на пациенти со Ковид-19, на кои им е потребна кислородна поддршка, а постапката за директна нарачка на лекот може да почне уште веднаш.

Ова е шеста успешно имлементирана заедничка постапка за набавка. Заедничката набавка е инструмент на Европската Комисија од почетокот на годината, со кој на земјите им се обезбеди и дополнителен пристап до лична заштитна, респиратори, тестови и друга неопходна медицинска опрема.

Инаку, Република Северна Македонија преку Клиничката студија на Светската здравствена организација веќе го има лекот „ремдесивир“, а со ова ќе се обезбедат дополнителни количини од него.



©Makfax.com.mk

 

Oд Македонија поризично подрачје не постои
Инаку, маска и дистанца и немаш мака.

Тоа се прави во Вонредна состојба. Тогаш имаше и Техничка Влада. Во таа ситуација се носат Уредби со правна сила на Закони. Сега сите тие Уредби мора Собранието да ги потврди.
Пошто сега имаме Собрание, немаме Вонредна и Техничка, Владата предлага, Собранието усвојува.
Затоа мора да се прават законски измени.
Ова ти е едно 100 пати обајснето уште пролетта

 

За препораки не треба закон, тоа не би требала јас да морам да ти го објаснувам.

 

Во Хрватска денес 748 новозаразени, а починале 4. Тестирани се 6446.

 

Јас ти одговорив за делот во кој се однесува на донесувањето откако има Влада.
Инаку препорака е да не се прават семејни прослави, а се прават.