Коронавирус: Состојбата во Македонија и светот

Во меѓувреме ти одговорила Камелија горе-доле се што и јас би имала да кажам на прашањево.

А инаку во однос на другиве работи што ги зборуваш, да се потсетиме како беше во март во Италија, Шпанија, Англија, излгеда кратко ни трае меморијата. Кога биле толку преполни болниците, да луѓе буквално се гушат за воздух и толку нагло да им прогресираат симптоми? За сметка на тие искуства, останатите успеавме да спречиме брзо ширење во првиот бран, ама ова сега што се случува кај нас на сам почеток на есенскиот бран е неспоредливо посериозно од почетокот на пандемијата. И рачунај трансмисијата веќе е огромна, тек ќе станува поладно, позагадено, ќе се изнапикаме по затворени простори.

Не можеш да кажеш дека треба да се помириме со смртта, затоа што ова е нешто што може да се минимизира и спречи, е ама не зависи од поединци, туку од однесувањето на колективот.
Стратегијата на државата е таа што е, капацитети и ресурсите се ограничени, додади на тоа дека генерално се нема дисциплина и општи познавања од биологија, па сите си бараат утеха во некои нивни интерпретации на целава ситуација. Затоа е вака. Фактот што сите веќе познаваме повеќе луѓе во наш поблизок круг што се заболени, дел со потешки симптоми или починати, веќе зборува многу за распространетоста на вирусот.

И јас сум за животот да продолжи релативно нормално, од март до сега не се осеќам дека сум се пикнала во зајачка дупка, ама почитувам мерки и наоѓам начин да се прилагодам, да работам, да функционирам и да терам живот во овие услови што ги наложува ситуацијата.

Трендот со вадење теории на заговор не е од сега, откако скоро секој на планетава има неограничен пристап до информации постојано нешто такво струи низ етерот. Ама ако порано многу ми било гајле дали поедина група мисли дека земјата е рамна и ја носат 4 китови на грб, сега ова веќе се одразува на сите. Од дезинформации и слободни интерпретации ситуацијата буквално излегува од контрола.

 

Повторно почнаа журки?

 

Тука никогаш не прекинаа....

 

10 се за асиптоматските.

 

На моето решение пишува 15.

 

Да не ме сфатиш погрешно, во здравството нема потреба од среќа, така МОРА да биде. Уставот ни го гарантира тоа.

 

Ако не е тајна од кога е издадено твоето решение? Бидејќи во моето решение пишува 10 дена за асимптоматски и 20 со симптоми.

 

Да не цитирам секого поединечно, јас со изолација од 10.10, на решението пишува 10 дена за асимптоматски позитивни, 20 дена за позитивни со симптоми. 14 дена е самоизолацијата, значи за оние кои имале контакт со заболен.
За полицискиот час, јас сум апсолутно за, посебно рестриктивни мерки за тие под 18 години и за пензионери. Тинејџери и нивни родители свака ви част, чопоративно, без маски, нон стоп. Пензионери со носовите надвор од маските во деновите во кои имаат бесплатна вожња, ги запоседнуваат автобусите и парковите и пазарите, просто не разбирам. Ако ти си старо аро и смртта не те плаши, или ништо не те плаши, дозволи ми и мене да стигнам до пензија. Одам на работа пеш, 9 километри скоро, само затоа што не можам да се буткам со себичњаци (освен бојкотот кон Јсп). Ако нема полициски, не знам друго решение.

 

Статистиката е пропратен елемент на се научно на светов, него статистиката не му била релевантна.
Па ти ако знаеш статистика ќе знаеш да извадиш статистички податок од расположливиот, обработен за да добиеш слика за фактичката состојба, а не да викаш - бројките се минимум три пати поголеми. Но шит Шерлок!
Фати земи едуцирај се, прочитај основи на статистика, па дојди тука да пишуваш.

 

Нели денеска рекоа ќе имаат состанок со комисијата,има некој нови мерки или слабо?

 

Што е лажна информација во мојот пост? Претпоставка според официјална статистика.
Многу знаеш какво познавање имам од статистика. Ќе ти помогнам, од биостатистика имам многу поголемо познавање од тебе. На што наведов некој да настрада? Што треба да климаме со главите на твоите постови. Дискусија хелоу.

 

Не е дискусија, инсинуираш дека е "лажна" статистиката, а тоа не е ок.

Не можеш да очекуваш, да речеме, денес умреле 5 позитивни, и за секој еден да разглабаат зошто, како умрел, имал или немал хронични заболувања, каков му бил наодот итн.
Има и починати за кои не е докажано дека се ковид, оти им испаѓа нег. наодот, а симптоми и кл.слика (посебно пневмонијата што ја прави ковид). Па тие не влегуваат во таа статистика.

Значи се бафташ со број кој не значи ништо сам по себе, 1000 пати тоа се збореше, ниту е тајна некаква ниту заговор, како што асимптоматските ги бројат во позитивни, па после во "излекувани", така и сите починати со позитивен наод ги бројат во оваа, необработена бројка, и тоа пак не е некоја тајна или не знам што.

Не Филипче, стотици експерти од цел свет, објаснуваат едно исто, и пак се враќаме некој да тресне - ама и тие од самоубиство ги бројат.
Да, ги бројат, тоа не значи дека не се знае дека умрел што се упуцал у глава, туку тој дел не е моја и твоја работа, туку на оние кои сега и допрва работат на студии поврзани со ковидот.

А дека такви "случајни" се минорен број, во споредба со останативе кои не умираат од друго, туку баш баш се гушат до смрт од ковид, и тоа е вистина, ама таква што не ти одговара и не ни ја сметаш за важна.

 

Ај малку четиво да се разбие дебатата за бројки. Бројки се бројат на крај.
https://off.net.mk/zhivot-i-zabava/...-da-ne-go-izgubime-zdraviot-razum-na-selanite

Ај да се обидеме да не го губиме разумот. Јас искрено не знам кој што брои и колку брои, битно е да се заштитиме самите себе (вклучително и нашите семејства) и да делуваме во склад со тоа. Секој со својот разум.

 

@Lilit А кого тоа членката доведува до заблуда? Темата да ја читаат 50-100 луѓе од кои 50 веќе го поминале или се моментално заразени а другите 50 ги почитуваат 3те основни мерки. Што правиме со другите 1500000+?
Пишав и претходно одете на профилот на Филипче вадете си ја нервозата за неговата изјава денес.
Мене повеќе би ме загрижиле тие 200-300000(колкав и да е бројот што му ја слушнале/прочитале) и ќе си ја протолкуваат изјавата како здрав/а сум јас нема што да се замарам.

 

Камелија ај да не се правиме на Тошо. Кога има починато младо лице, сите пишуваат и прашуваат дали имало хронични болести и коморбидитети. А верувам дека и ти истото се прашуваш, може не на форум, ама по дома и те како. Стравот го прави своето и мое право и на сите е право да се знае, затоа што е пандемија и затоа што директно не афектира нас, со цел колку можеме самите да се заштитиме. И во овие сензитивни денови, не би сакала дополнителен стрес. Тоа што се е вброено во таа статистика, за мене не е правилно и точка. Друг не мора да се согласи на моето мислење. Нас ни се влева страв од енормната бројка на починати, а тој страв сигурно не носи позитивни последици. Понатака што бројат како бројат е вон моја моќ и јас тука не можам да влијаам нималце. Дали сомнежот е човечка особина или не? Извини што сум монструм, со оглед дека си формирам некоја надеж дека можеби нештата не се толку црни како што се проектираат во јавност.

 

А како вие ги замислувате тие коморбидитети, па се тешите со нив? Што мислите тоа се луѓе легнати на постела и им нема спас? Еве ви кажувам за луѓе што ги знам(знаев лично) од 50-60 години, витални, секој ден на работа, со терапија за висок крвен притисок, умираат од ковид за неколку дена. Да, за неколку дена. Како не ја сфаќате сериозноста, ја незнам. Познавате некој на таа возраст што не е со таква терапија? Јас не познавам. И сега што го убило таквиот човек? Коморбидитетот кој го има цела скоро нација и со кој некои живеат со години? Ок е да се тешиме и да се трудиме да не се стресираме, ама на реалноста треба да и се погледне во очи и да се превземе одговорност! Баба ми е 80 години, од нејзини 40 години е со терапии за крвен притисок, со инсулини и триста чуда и еве уште живее. Е така ќе живееа и голем дел од оние 900 да не беше Ковид. Али нема везе, вие само продолжете да ја релативизрате ситуацијата и правете свои статистики.

 

Ептен на место мислење.
Тоа се тешат дека се здрави, реално не знам сосема здрав човек. Да не збориме дека секој има тивки воспаленија и процеси што не му се дијагностицирани, а знаат да бидат опасни во комбинации со други влијанија или болести. Одамна е јасно дека за тешење се користат тие страничните болести.

 

Ме бендиса напишаново. Вистинската борба треба да биде борба за здравје, а не борба против болести. Вируси, бактерии, епидемии, пандемии имало и ќе има. Човештвото "растело" со нив. А факт е дека денес колку едно општество е поразвиено и побогато, толку повеќе има граѓани со хронични болести, кои државата ги опскрбува со потребни терапии и лекарства за да ги држат болестите под контрола. Ама за создавање здрави животни навики и здрав однос кон природата кои во голема мера би превенирале болести никој никаде ни збор, ни пари дава.
Модерното време ги јаде своите деца, за жал.

 

@BoaVista Oдговорноста моја завршува со носење на маска. Ниту го донесов, ниту сум го раширила. Одговорноста ќе си ја бараш кај браќана од Кина, што на неколку години пуштаат по некој вирус да се шири низ светот. А најголемата одговорност кај нас, ја има власта која патем треба малку повеќе да се ангажира за ситуацијата. И не ја ни жалам власта, затоа што таа е носител на закони, а истите за некои се мајка, за некои маќеа. На крајот од денот, тоа што се пишува на форумов не ја менува фактичката ситуација. Вирусот ќе се шири и ќе зема се поголем замав, за жал.

 

Па не завршува само со носење маска. Избегнување на групирање, седење дома со симптоми, тестирање ако се појават симптоми, реално споделување на контакти од заразените итн итн. Долга е листата. И не пишав јас дека е твоја одговорноста. Одговорноста, за жал е колективна, сите треба да придонесеме за да не се шири вирусот. Да беше само до еден, ќе се решеше до сега. Потребна е колективна свест од сите нас. За да се заштитиме сите, а пред се ранливите категории.