Коронавирус: Состојбата во Македонија и светот

Министерството за здравство информира, согласно податоците од Институтот за јавно здравје:

Во последните 24 часа се направени 4.438 тестирања, а регистрирани се 1.302 нови случаи на КОВИД-19 во:

Скопје – 523, Битола – 119, Куманово – 87, Прилеп – 55, Охрид – 54, Тетово – 51, Велес – 47, Гостивар – 38, Штип- 34, Кочани – 31, Кавадарци – 30, Берово – 27, Струмица и Кичево по – 25, Гевгелија – 24, Струга – 22, Неготино – 17, Ресен -14, Дебар – 11, Свети Николе и Радовиш по -10, Пробиштип – 8, Крива Паланка и Валандово по – 7, Делчево и Виница по – 5, Македонски Брод – 4, Демир Хисар – 3, Крушево, Богданци, Демир Капија и Дојран по – 2, Кратово – 1.

Регистрирани се 626 оздравени пациенти од:

Скопје – 312, Прилеп – 77, Велес – 33, Куманово – 31, Гостивар – 26, Битола – 22, Кавадарци – 19, Тетово – 18, Штип – 15, Неготино и Гевгелија по – 12, Кочани – 9, Струмиица – 7, Крива Паланка, Радовиш, Пробиштип и Демир Капија по – 4, Богданци – 3, Кичево, Свети Николе, Берово, Крушево и Демир Хисар по – 2, Делчево, Ресен, Виница и Кратово по – 1.

Пријавени се вкупно 51 починати лица: 20 од Скопје (87г , 81г , 80г , 80г , 79г ,79г, 76г , 73г , 71г , 69г, 68г, 68г, 62г, 62г 60г, 56г, 55г, 53г, 51г, 47г ), по 5 починати пациенти од Прилеп (84г, 82г, 77г, 72г, 72г) и Струмица (84г, 81г, 77г, 76г, 70), по 3 починати пациенти од Куманово (52г, 52г, 32г) и Кочани (63г, 61г, 46г), по 2 починати пациенти од Тетово (69г и 55г), Гостивар (83г, 57г), Кавадарци (77г и 74г) и Охрид (77г и 66г), и по 1 починат пациент од Битола (73г), Неготино (68г), Гевгелија (76г), Радовиш (77г), Делчево (79г), Виница (74г) и Валандово (58г). Пеесет пациенти се починати во болнички услови, а еден пациент е починат дома.

 

Повторно рекорден црн биланс

 

Дали некој знае како одредуваат решенија за самоизолација при потврден позитивен корона тест. Дали на сите членови кои живеат на иста адреса по дифол им даваат или прават анкета кој бил во ризик и контакт.

 

На сите што живеат на истата адреса, зашто нормално си биле во контакт со лицето.2 недели е за тие што биле во контакт, 10-20 дена за заразениот, зависно колку ќе одреди матичен.

 

Да ама ако живееме во различни станови а се водиме на иста адреса, има ли начин како да го докажеме тоа и пред која институција

 

Тоа не знам, ќе зборувате со докторите од цјз кои ќе ви се јават и веројатно ќе ви кажат точно.

 

Ме прашаа со кого живеам, и врз основ на тоа пуштија. Да речев дека сум сама, само јас ќе добиев решение. Иначе се водам на адреса кај што живее брат ми, ми ја запишаа новата адреса на која го извадија решението, го пријавив маж ми дека е со мене, него решение на адреса кај мајка му пуштија, иако по лична карта има друга адреса.
Не се знае кој пие кој плаќа.

 

Починал Анѓелко Ѓорчев после 11 дена во кома.

 

Нека почива во мир. Врвен доктор и голем Македонец. Имаше услови и знаење да работи секаде низ светот, но остана да служи на својот македонски народ и својата татковина. Нека му е лесна земјата! Вечнаја памјат!

 

Денес 19 годишна девојка од Битола починала со симптоми на ковид..
Страшно е ова..

 

Наместо 12.000 евра, пациентите кои се лекуваат од коронавирус во „Жан Митрев“ ќе плаќаат од 6.000 до 8.000 евра

Клиничката болница Жан Митрев ги намали цените за лекување на пациенти со Ковид-19.

Од болницата утрово соопштија дека одлуката е донесена согласно состанокот одржан со министерот за здравство, Венко Филипче, а со цел да излезат во пресрет на што поголем број граѓани.

„Досега пациентите плаќаа 12.000 евра, а од сега за пациенти кои ќе се лекуваат на полунинтензивна нега, лечењето во треање до 10 дена ќе чини 6.000 евра; за пациентите на кои им е потребно интензивно лекување, односно се преземени во сериозна здравствена состојба од други институции каде што биле претходно хоспитализирани, цената за максимум 10-дневно лекување ќе изнесува 8.000 евра. Една хемофилтрација претходно чинеше 4.000 евра, сега со намалување од 10%,ќе чини 3.600 евра. Оваа метода на лекување се применува по согласност од страна на семејството на пациентот“, информираат од Клиниката.

Имајќи ги предвид можните сериозни постковид последици т.е. можните компликации по прележана инфекција од вирусот, за сите пациенти кои се лекувале во нивниот ковид-центар, одобруваат 50 проценти намалување на цената на услугите за МР на срце и КТ на белите дробови.

Во моментов во болницата „Жан Митрев“ се хоспитализирани околу 100 тешко болни пациенти од кои 40 на респираторна поддршка.

„За негата на овие пациенти се грижи комплетниот лекарски тим кој како и сите здравствени работници во државава е веќе преморен. Во процесот на нега во нашата болница се вклучени и дел волонтери од немедицинскиот персонал, со цел да им помогнат на своите колеги. Сепак, за да помогнеме секаде каде што е потребно и можеме, еден од нашите лекари ќе биде прераспределен согласно барањата на Министерот за здравство. Оваа пригода ја користиме за да апелираме до пошироката јавност и да ги повикаме сите оние кои се чувствуваат способни да помогнат и би сакале да волонтираат, да се пријават. Ќе бидат соодветно едуцирани и вклучени во нашите процеси. Искрено се надеваме дека наскоро на пандемијата ќе ѝ дојде крајот, а во меѓувреме потребно е сите да останеме максимално дисциплинирани, посветени и да се вложиме како поединцни во справувањето со последиците за доброто на сите“, се наведува во соопштението.

©Makfax.com.mk

 

Од Битолската болница за „Макфакс“ велат дека пациентката била со Даунов синдром и била донесена во болницата со тешка клиничка слика. И покрај обидите на лекарите да ја реанимираат, пацинетката ја изгубила битката со болеста.

„Пациентка беше донесена со екстремно тешка слика со симптоми на Ковид-19 и за жал почина пред да и биде земен брис, така што оваа пациентка не се води како почината од Ковид-19, затоа што немаше тест кој ќе потврди дали била позитивна на вирусот. Во болницата престојуваше неколку часа и за тој период лекарите направија се за да ја спасат. И покрај повеќето обиди за реанимација, оваа девојка ја загуби битката со животот“ изјави директорката на битолската болница, Билјана Гагачовска.

Гагачовска додаде дека нема информации дали некој од семејството на девојката бил позитивен на коронавурсот.


©Makfax.com.mk

 

Е сега е таман.. ја зголемија платата за 250 ден. и таман ќе биде сега ќе можеме да се лечиме во Жан. Сполај му за добринава.

 

Луѓево не барале лекарска помош, како да бараат кога ги враќаат безразлика што во полусвесна состојба одат. И ќе имало нов коктел од лекови кој ги користел Трамп, достапни ќе бидат 1500 парчиња кој кризниот штаб ќе одлучува за кого ќе бидат користени. Не мора да ни кажете знаеме за кого ќе бидат за обичниов народ сигурно не.

 

stvarno 'namalil' cenite ..ko ke dodades + hemofiltracija i snimki se na se 10% ke se fati .. a nemaat nekoi lekovi ko onie regeneron pa da reces aj tolku skapo

ama bitno volonteri bara ...ako nekoj volonter se zarazi go sleduva li besplatno lecenje kaj nego ili ke si plati po "namaleni ceni"

 

Лекари во Јапонија денеска објавија дека успешно ја извршиле првата трансплантација на ткиво на белите дробови од жив донор на пациент што имал сериозно оштетување на белите дробови предизвикано од Ковид-19.

Примателот е жена од западниот регион Кансај, а таа закрепнува по речиси 11 часа долгата операција извршена во средата, соопшти универзитетската болница во Кјото, од каде што додаваат дека нејзините сопруг и син, кои се донори на дел од своите белодробни крила, се во стабилна состојба, објави агенцијата АП.

Универзитетот додаде дека ова е прва трансплантација во историјата на ткиво на бели дробови од жив донор на пациент со оштетување од Ковид-19.

Трансплантациите од донори кај кои е прогласена мозочна смрт се ретки, а живите донори се пореална опција за пациентите, се додава во соопштението.

„Ние демонстриравме дека сега имаме можност за трансплантација на бели дробови од живи донори. Мислам дека ова е третман што им дава надеж на пациентите со сериозно оштетување на белите дробови од Ковид-19“, рече докторот Хироши Дате.

©Makfax.com.mk

 

Жан барем намали малку, колку да се рече де, ама оние од Систина не се одважија ни на збор да намалат ич, ама не се тие виновни што нашава државичка ги оставила да бидат ратни профитери.
Година и кусур хара вирусов кај нас, а на министерот вчера му текна да разговара со приватните болници и да бара намалување, ама ете се измачи човекот а тие не му го уважија зборот во нормална држава немаше да се дозволи тоа, ама во што сме ние нормална држава па.

Ни полициски не' не оправа, ни смешки карантин од три дена како лани, за овој народ само локдаун, ама заборавив сиромашна ни е државата, а големците да трошат на храна по 14 000 евра за неколку месеци, од државна каса, е за тоа имаме де

 

Мислам дека ова е добар предлог.Британија со една доза ја намали смртноста за 90%
ама со его трипот на Филипче тешко.

 

Само таткото на дм доби решение, ние не добивме, од цјз ни рекоа по можност седете дома.

 

Уште еден смртен случај...

Зборете ми како е тешко да се почитуваат мерки.
Не можеле дома да седат, не можеле маски да носат, не можеле да не се дружат...

Не знам како народов не сфати дека колку подисциплинирани бидеме побрзо ќе заврши лудилово.