Коронавирус: Состојбата во Македонија и светот

Во последните 24 часа се направени 7.647 тестирања, а регистрирани се 378 нови случаи на КОВИД-19: Скопје – 118, Тетово – 114, Гостивар – 51, Кичево – 20, Куманово - 18, Струмица – 16, Битола и Охрид – по 9, Кавадарци – 6, Велес – 4, Кочани – 3, Струга и Радовиш – по 2, Прилеп, Штип, Ресен, Берово, Виница и Македонски Брод – по 1.

Регистрирани сe 25 оздравени пациенти од: Скопје – 11, Тетово – 7, Куманово – 4, Битола, Гостивар и Кавадарци – по 1.

Пријавено е едно починато лице од Скопје (71г), починатo во болнички услови.

 

Владата на вечерашната седница ги донесе следните одлуки со цел спречување на ширењето на новиот бран КОВИД-19.
Апелираме до граѓаните крајно внимателно да ги почитуваат постоечките и новите мерки:

- До 15 август, сите угостителски објекти регистрирани за прослави смеат да работат на затворено, само со почитување на КОВИД-19 мерките, со исполнетост до 40% од капацитетот и најмногу 250 гости, согласно постојните протоколи кои се во сила.
- За ноќните клубови (дискотеки), кабареа, барови останува забраната за работа во затворениот дел од објектот, освен во отворениот дел (тераси) со 50% од капацитетот на просторот и ограничен број на посетители до најмногу 1.000 посетители, согласно постојните протоколи.

- Од 15 август целосно се забранува работа и организација на секаков вид настани на затворено во сите угостителски објекти (и во кафетереии), вклучително и прослави во угостителски објекти регистрирани за прослави или друг тип објекти од затворен тип.
- Од 15 август се воведува задолжителна потврда за извршена имунизација, најмалку прва доза, со задолжителна редарска служба заради контрола на приложување доказ за вакцинација при влез во секаков вид на објект, вклучително и во угостителски објекти, каде има повеќе од 30 присутни лица, за било каков настан (прослава, концерт, семинар, обука, работилница, конференција, културни или спортски настани).
- Приложувањето и поседувањето потврда за извршена имунизација – најмалку прва доза вакцина, се однесува на лица над 18 годишна возраст.

Се задолжуваат надлежните инспекциски служби во претстојниот период да ги интензивираат контролите со цел стриктна примена и почитување на превентивните препораки, времените мерки и наредените мерки по однос на КОВИД-19.

https://mk.tv21.tv/vladata-ja-odrzh...rechuvane-na-shirene-na-nov-bran-na-kovid-19/

 

И на работа значи

 

Според ова, и за во КАМ ќе треба

Сигурно ќе кажат подетално од утре

 

Не ни треба да влеземе во Еу, да почнеме да се понашаме европски
Не очекував дека толку рано ќе донесат ваква храбра одлука. Се надевам ќе вроди со плод. Иако оваа мерка ги исклучува тазе прележаните што според сите истражувања и статистики се подобро заштитени од вакцинираните и тоа не е во ред.

 

Јас прележав во декември, уште имам антитела, бремена сум, не се вакцинирам засега. Како ќе влезам во болница каде што секако има повеќе од 30 луѓе? Малку им треба појаснување на меркиве, за кого се и за каде се ќе важи. Вака испаѓа сакам да влезам во автобус а не сум вакцинирана, ама изгледа има повеќе од 30 луѓе, ќе го чекам наредниот што ќе има 25 луѓе внатре.

 

Оф, мори мајко! Европска одлука!? Храбра одлука!?
Во Северна Кореа имаат поголема слобода од нашиве "европејци"!!!!

 

Во Северна Кореа ги убиваат заразените. Затоа нема Ковид таму

 

Знам. Затоа и ја направив паралелата Поголема "демократија" имаат од европејциве.

 

Веќе ништо не ме изненадува.

 

Мерката за вакцинација ич не е разбирлива. Значи ако сум на семинар со 10 луѓе, не мора да имам сертификат за вакцинација?
И зошто пишува вклучително и угостителски објекти? Нели затворени ќе се?

 

Треба да важи и прележувањето до 6 месеци, нема логика вака.
Нека воведат потврди, сум за, ама на тие да има повеќе опции, доказ за вакцина или доказ за прележаност преку позитивен тест или испитани антитела.Пошто пак нема логика да имаш антитела до плафон ама да не ти важат зашто немаш ни позитивен пцр ни вакцина.

 

Зар верувате дека ова ќе се спроведе???
Колку што се спроведе се до денес,колку што проверуваат редарите дали се носат маски,инспекторите дали фирмите го спроведуваат законот,толку и во иднина ќе се проверува вакцинален статус .Шкртнале тие нешто како и секогаш ради реда,абе ајде од сто души на работа што влегле во еден ден едвај десет ако имаа маски.Почнав да се прашувам дали со мене нешто не е во ред ,или со повеќето,зошто очигледно за нив завршила пандемијата .А докторка ми вика полно ние одделението....

 

Од 16,ама ПАЗИ од 16,а до тогаш капут,бравокога ќе заминат што ли ќе правиме без генијалциве,тешко на народот

 

Што правиме со потврда за прележан ковид? Колку само се трудат да ја наметнат вакцината по секоја цена, чудо едно.

 

Смејурии
Колку се целосно вакцинирани кај нас? 400-500 илјади? Уште милион за да се вакцинираат сите. А ние колку вакцини имаме? Или тоа не е битно? Донеси забрана, па луѓево нек се заколат меѓу себе кој попрво да фати врски!
Идиоти

 

Види стварно
4 пати го препрочитувам и ништо не разбирам

 

Ќе се штанцаат потврди на големо.

 

Не бе, боље да не преземат ништо и да се растерети пензискиот фонд. Меркава е нејасна, недоволно добро обмислена, дискриминира прележани и луѓе што не смеат да се вакцинираат од медицински причини. Ама таа демократија што ти ја бараш не донесе овде. И видовме колку прекрасно се справивме.
За невакцинираните поради свој избор ич не ми е жал. Со одлуката да не се вакцинираат избираат и да не можат да одат во гужви. Пак е нивен избор.
И слободно нека се преселат во Кореа ако е таму подобро.

 

Ако влезете меѓу првите 30 не ви треба вакцина.