Коронавирус: Состојбата во Македонија и светот

Доста е што не беа способни тендер за вакцини да направат.
Доста е што од донации се вакцинираме.
Доста е што премиерот рече дека нема да купува кинески вакцини оти бил ЕУ ориентиран, за на крај и он да се вакцинира со кинеска.
Доста е што туѓ премиер ни дозволи да имаме вакцини, оти нашиот на моторче се возеше додека имаше по 20 мртви на ден.
Доста е сега бранот е во голема мера оти немаше вакцини на време.

И никој друг освен владата не е виновна за ова. Не се граѓаните. Луѓето се такви какви што се, приглупи, недоучени... Ама власта треба да знае да менаџира оти смртта, крвта и болките по најблиските се на нивна душа и нивните полтрони кои сите заедно не знаеја како да не бидеме во земјите со највеќе умрени од ковид.

Гревот е на нивна душа, до седмо колено да им се враќа за секоја душа што умре од нивните неурманотежени мерки.

 

Го знам муабетов, плус дека работници од фирмава наполниле вакцинален пункт од кога дознале. Ќе сфатам и испаничени и антиваксери ќе сфатам, ама некој што ќе се вакцинира за бонус нема. Кој став го имаат луѓето во државава, сите ќе се продадат за 500 денари месечно ако има кој да даде. Тажни сме..

 

Кај нас во фирма од кога почна лани во септември/октомври незнам кој бран почнаа и колеги да заболуваат. Сакале нејкеле фирма со 100 вработени сме јасно беше дека ќе не стигне.
Сите што прележаа беа во изолација/боловање дома.
Како и за секоја друга болест.
Меѓу другото ни воведоа пцр тестирање на вработените еднаш неделно на сметка на фирмата. Тестирањата траеа до летово.
Никој не беше избркан ниту казнен зошто заболел.

Што друго треба да направат газдите?

 

Тоа е супер.Јас каде што работам имаме колешка моментално заболена од ковид и газдите рекоа вие немате ништо не ви е.И неа и кажале да каже дека е со лесни симптоми за да се врати за 10 дена.

 

За вакви треба инспекција и да ги казнат Господ да не ги опраи !!
Освен да разговарате со газдата или колешката да ви излезе во пресрет и самоиницијативно да седи дома на боледување не гледам друго чаре.

Стварно бе стоки сме, не викам дека власта не потклекнува во справувањето со ситуацијата ама деф најголема вина гледам во народот.
Стварно треба да им помре се најблиско на ваквиве нон -шалантни говеда!

 

На секој еден Македонец, треба надзор од по еден цајкан или инспектор.

Кај мене у маало, растурија свадба, се смири, овие од ДИ заминаа, свадбарите продолжија.
Пак се вратија од ДИ ( некој дојавил) пак се смири музика и све, по извесно време, абе пак продужија со свадбата.

 

Нешто со бројкиве каснат.
Или не можат да се пребројат или треба да ги наштимаат

 

За селективноста на мерки се согласувам ептен. Јас пред некој ден се туфкав како ќе влезам по млеко до ДМ бидејќи само babylove пие малава, а не сум вакцинирана сеуште па ја пратив мајка ми. Никој не и побарал ништо во Палма мол, исто и во Рем не бараат.
Истото е и за локали, ресторани. Нашиве ги сокинаа со казни и затворање, а албанските се нонстоп полни ни мерки ни бутур.
Затоа и никој не е вакциниран од кај нас македонското население, сите што ги знам се полни со револт

 

11.000 заразени има во моментов.
Пролетва, во најголемиот пик имаше 20.000 случаи кои беа активни.
Со ова темпо, не само што ќе го стигнеме тој врв, туку и ќе го заминеме за некоја недела.
... се разбира, ако не се запре сега.

Значи, запрете!

 

Министерството за здравство информира, согласно податоците од Институтот за јавно здравје:

Во последните 24 часа се направени 7.084 тестирањe, а регистрирани се 1.210 нови случаи на КОВИД-19:

Скопје – 464, Тетово – 177, Гостивар – 112, Куманово – 98, Струмица – 55, Кичево – 48, Битола – 32, Струга – 29,Кавадарци – 26, Радовиш – 15, Велес – 14, Кочани, Гевгелија и Ресен – по 13, Прилеп – 12, Делчево и Кратово – по 11, Македонски Брод – 10, Свети Николе – 9, Дебар и Виница – по 7, Неготино – 6, Берово – 5, Штип, Валандово и Богданци – по 4, Македонска Каменица – 3, Охрид , Крива Паланка и Пехчево – по 2, Демир Хисар и Демир Капија – по 1.

Регистрирани сe 451 оздравени пациенти од: Скопје – 133, Гостивар – 78, Тетово – 51, Струмица – 40, Куманово – 36, Кичево – 32, Дебар – 13, Велес – 10, Битола и Ресен – по 8, Кавадарци – 7, Штип – 6, Радовиш, Кочани и Берово – по 5, Прилеп и Свети Николе – по 3, Виница и Охрид – по 2, Гевгелија, Валандово, Пехчево и Демир Капија – по 1.

Пријавени се 32 починати лица: 8 починати лица од Скопје (52г,54г,58г, 61г,67г,68г, 75г, и 77г), по 6 починати лица од Гостивар (45г,47г ,48г,61г,67г и 74г), и Тетово (54г,57г, 60г,72г,74г и 78г), 3 од Куманово (52г,71г и 79г), 2 од Кичево (47г и 71г), по едно починато лице од Штип (56г), Кочани (67г), Берово (74г), Охрид (50г), Валандово (58г), Струга (64) и Делчево (32г).

Од вкупно пријавените, едно лице е починато во домашни, а останатите 31 лице се починати во болнички услови.

 

Ајде!
И официјално се враќаме во клупите

Нека ни е со среќа на сите.

Гушка за сите ученици и студенти
Создадете преубави спомени нареднава учебна година

 

@Vanilla15
Истото ми го кажуваат,а и лично се уверив денес.

Сега?
Касно е Вајлд сега,отиде возот у провалија.
Школите со овие бројки сега,нема шанси да работат.
Им упропастија мирен почеток на децата и студентите.
Џабе фантазираат со паметот.

 

Никогаш не е касно!
Поарно сега, отколку за 5 недели со 50.000 активни случаи.

Не смеете да се откажувате така лесно.

 

Бар на една страна да си конзистентна.

Ако не смее 30 невакцинирани да се ви еден простор, зошо 30 ученици смеат да се цел ден заедно?
На 10 септември ќе биде хаосот. Господ нека е на помош, кога владата ни е луда.

 

Да додадам:

Децата мораат да одат на школо, ние не мораме да одиме по кафичи и по свадби.

* Исто како што возрасните мораат да одат на работа.

 

Skopje Airport handled 192.638 passengers in July marking its busiest month since October 2019. During the first seven months of the year, Skopje Airport welcomed 567.360 travellers through its doors, which is down 56.4% on the same period during the pre-pandemic 2019. The airport maintained its position as the third busiest in the former Yugoslavia, behind Belgrade and Pristina, but ahead of Split and Zagreb. Between January and July, Wizz Air accounted for 62.6% of Skopje’s capacity, followed by Turkish Airlines with 10.8% and Austrian with 8.1% of all seats.
https://www.exyuaviation.com/2021/08/skopje-sees-busiest-month-since-october.html?m=1