Коронавирус – образование за време на пандемија

Нас ни ги откажаа вежбите.

 

Добро е. Јас не сум за воопшто да нема испитна , барем да се одложи на некое време , сега е баш пикот што дојде многу покасно од што мислевме. На нашиот факултет 90% закажувале онлајн. Јас чекам за уште некој предмет официјална информација.

 

На нашиот факултет, ние студентите креиравме анкета за гласање викендов, дали да се одржат вежбите или не.
80% од гласовите беа за не, ја проследивме анкетата до професорите. Вежбите ми немаа никаква смисла. Станува збор за вежби кои се одржуваат по 2 часа, најмалку 10тина дена, а според нив треба само 2 дена да одржиме. И? Која е поентата? Да се каже дека вежбите се одржани?

Факултетот да “излезе во пресрет“, им овозможи на студентите кои што гласале дека сакаат, да можат да одат.

Не е решен проблемот со тоа што таму ќе бидеме со маски.

Исто направивме и за испитната сесија анкета, дека сакаме писмениот дел да се спроведе онлајн, а усниот доколку се појават услови да е со физичко присуство. Што дури сметам и дека тоа е возможно да се спроведе онлајн. Ќе видиме што ќе ни одговорат.

Ама додека молчиме, исто како да сме го прифатиле тоа што ни го кажуваат.

 

И кај нас се повеќето онлајн, освен некои што едноставно не можат да се полагаат онлајн. До душа ете хемија ќе го полагаме на факс, а теорија е, можеби може и онлајн, ама сепак, само неколку предмети ни се со физичко присуство.

 

Мене ме фаќа паника зошто нема добра организација и структура. Работава е плукни па залепи. Еве го први дојде уште немам списоци, а рекоа ќе објават до крај на мај.

 

И мене исто оваа ме плаши.

 

Иста приказна и кај нас, немаме никаков распоред.

Ја прочитавте новата информација за студентските домови?

 

^ Ајдее и сега студентиве што треба да патуваат да се снаоѓаат како знаат и умеат за да дојдат на испити.

 

Нас ни пишаа да си ги носиме индексите за потпис во терминот на вежби.
Не ми се верува значи.

 

Ozbilno? Nas nisto ne ni kazhaa..

* Izvinete za latinica, ne mi raboti na pc fontot.

 

До потпис им е дојдено? Срамота.

Минатата година студирав на УГД, не е лошо електронскиот систем каков што е таму да го прифати и УКИМ. Кое олеснување е само!!

 

Да, сега не известија.
Катастрофа...

 

Веќе нема никаква смисла да се полага физички со 89 нови случаи и растечка бројка.


Студентите немаат превоз до Скопје (или градот во кој што студираат)
Студентите немаат каде да престојуваат за време на испитите
Студентите и професорите од цела држава НЕ ТРЕБА да се групираат во затворени простории, а чекање во групи за да се влезе во училна секако е групирање ПО ХОДНИЦИ

Пандемија е, нека се скрати нешто од материјалот за полагање, не е тоа најбитно нешто на планетава во моментов.
Треба да изнајдеме решение како да не го изгубиме семестарот и да ги положиме испитите, притоа да не се изложуваме на вирусот.
Такво време дојде...

 

Јас стварно не знам како планираат да го изведат полагањето со физичко присуство кога има ваков огромен раст на бројката на новозаразени. Еве јас студирам на Економски и голем дел од предметите ќе се полагаат со физичко присуство поради големиот број на студенти. Прочитав дека студентските домови нема да ги отворат. Како ќе полагаат тие студенти што се од други градови? Кој ќе им ги покрие трошоците кои во никој случај не се мали, плус тука е и проблемот со гужвата што ќе биде во автобусите. Испитната ни почнува задутре а сеуште нема никакви информации. Па како треба тие луѓе да се снајдат? Зарем секој ден ќе одат натаму-наваму за да можат да присуствуваат на полагање и во меѓувреме ставајќи се на ризик дека ќе бидат заразени. Не викам дека треба скроз да се откажат полагањава ама барем нека се одложат за некој период кога ќе има ПОНОРМАЛНИ и ПОМАЛЦЕ РИЗИЧНИ услови.

 

Решенија во цела Европа има, само кај нас единственото решение што е од нивна страна е полагање со физичко присуство. Да не се наруши угледот на факултетот де.

Па колегите од Скопје што ми се ќе имаат проблеми да стигнат до факултетот, а не јас што сум 150км оддалечена.

Како и да е, дупка во образованието има, и тоа голема. Не знам колку сте задоволни и од начинот на тоа како професорите се грижеа за нас, ама јас не можам да кажам ништо позитивно. Цел април стоматолозите не работеа, со што беа толку зафатени за да не ни одржуваат предавања?

 

Кај би можеле да се обратиме за да не се полага со физичко присуство? Нема смисла ова веќе...

 

Дискутирај со колегите, со координаторите. Обидете се да направите анкета за тоа што мислат и останатите колеги од твојата генерација, а и постарите и пратете ја кај професорите.
На Google Docs има можност за правење на анкета, со креирање на прашања.

 

Состојбава е веќе загрижувачка, а факултетиве (барем мојот) си ќутат и немаат намера да преземат нешто. Сега прочитав и за студентските домови, раазбирам дека и нивното отварање претставува ризик, но воедно дали размислиле дека има студенти што немаат друг избор освен да престојуваат во дом или да патуваат секој ден понеколку саати. Да не зборувам за тоа што меѓуградските линии се редуцирани и дека трошокот за такво нешто ќе биде дупло поголем. Јас секако не престојувам во дом, ќе се снајдам за испитнава, но мене исто така патувањето од станот до факс ми е 20+ мин. во еден правец, со градски автобус. Да не зборувам за тоа што ќе ги доведам во ризик и цимерките и родителите, а најпрво и самата себе која имам проблеми со дишните патишта. Кој ќе ми гарантира мене за моето здравје и за здравјето на тие околу мене? А сигурна сум дека има и други студенти што се во полоша состојба од мене. Не можеа ли да организираат онлајн полагања за сите факултети, па уште и задолжителни вежби ставиле. Многу сум изреволтирана од околинава во која живееме, а уште повеќе од ваква држава на која најважни и се изборите, а како луѓето ќе се изборат со оваа ситуација е најмалце битно.

 

За кафичите и за кладилниците нема гајле, ама студентските домови да не се отвараат никако а? Побитно е некој да се коцка изгледа, од образованието и сместувањето кое следува со него.

 

***Oд УСС-УКИМ***
​

Почитувани студенти,

Според најновите информации студентските домови нема да се отворат.

Продолжува очајната комуникација на МОН во однос на прашања кои се од есенцијално значење за студентите. Потребно беше навремено и официјално известување до сите студенти од страна на Министерството.

УСС-УКИМ во меѓувреме презема два чекори како би се олеснила ситуацијата за студентите кои студираат надвор од местото на живеење:
1. Ваучерите за сместување и партиципација мора да се реализираат што побрзо;
2. Поднесовме дополнително барање за ваучери за превоз за студентите кои студираат надвор од местото на живеење.

Во врска со испитната сесија сите информации можете да ги добиете од вашите колеги во факултетските студентски собранија. Согласно моменталните важечки прописи, испитите можат да се организираат и со физичко присуство и онлајн. Автономија во однос на ова прашање имаат професорите, кои заедно со студентите треба да го изнајдат најсоодветниот начин за реализирање на испитот.

УСС-УКИМ на следната Ректорска управа ќе поднесе барање за продолжување на сите рокови за запишување на семестарот, полагање на испитите и флексибилност при уписот на условните предмети. Очекувањата се дека барањето ќе биде одобрено, па ниту еден студент нема да биде оштетен доколку поради објективни или субјективни причини не полага во јунската испитна сесија. Сесии ќе има доволно, ќе сториме се за студентите да можат да ги полагаат предметите и после септемврискиот рок.