Коронавирус – образование за време на пандемија

Па за џабе потрошени пари се бе.
Го спомнав ова уште пред месеци... парите за режии можат да ги искористат да им купат компјутери на наставниците кои немаат.

Побарајте, ќе ве поддржиме.

 

Ама побарано е, и за децата и за наставниците/професорите уште во Август месец кога се знаеше дека ќе се работи онлајн на национална платформа.

Нит децата добија, нит наставниците.
Се снаоѓаме кој како знае и умее

 

Колеги и колешки, дали одржувате лабораториски вежби со присуство на факултет?

 

Само 1 катедра засега држи така вежби за која знам и уште по некои во другите години ко шо слушнав.
Повеќето се онлајн.

 

Јас имам комбинација, онлајн и со физичко присуство(на клиники). Гледаме да бидат шо е можно повеќе со физичко, бидејќи еве искрено од презентации хирургија и акушерство не се учи. Сите протоколи се почитуваат, маски, дистанца, помали групи на студенти и сл.

 

Еден апдејт од мене.

Нашето школо кубури со донации од таблети за децава. Секој ден по некое детенце плус се приклучува на онлајн наставата. Тоа е добро. Јас зајмив лаптоп од другарка. Тимс го научив, ама децата и родителите не, и сеуште нерви кинам, секој трет час ми е пропаднат во објаснување како се праќа домашно или како се решава квиз

Министерката нѐ распушти да работиме од дома за да не се греело, но ги заборава колегите и дечињата од 1во до 3то. Зарем тие не се луѓе? Тие нека си донесат греалка од дома како ние што си донесовме лаптопи

Предавам на околу 200 дечиња. Од нив 86 ми се пријавени со принтани материјали Немам никаков контакт од нив, постојано праќам материјали, а ништо не добивам назад. Како ли ќе ги оценам. Или да не ги оценам?
Или да ги викам во училиште како што смисли министерката со по 10 во училница за да ги испрашам ко на испит... И веројатно со моја греалка? А ако не дојдат?

И после министерката се пофали дека онлајн наставата успешно ја следеле 80% ученици. Многу ме интересира како таа размислува за останатите 20% Веројатно сеедно ѝ е. Нејзината мисија за онлајнот е завршена, сега е преокупирана да ни воведе да учиме за родова еднаквост и лгтб

 

Се согласувам дека вежбите се неопходни, и мојот факултет не смее да трпи уште еден семестар без пракса но со оглед на ситуацијата сметам дека треба друг план да се направи и дека со овие бројки, преголем е ризикот за лаб вежби (или било какви вежби) со физичко присуство.

 

Не е проблемот во одржувањето на вежбите, туку проблемот е во ЈСП. На факс не можеме да се заразиме бидејќи се почитуваат мерките, што не важи и за ЈСП.

 

Ние само по еден предмет имаме со присуство засега, со другите два не сме почнале, ама изгледа тие ќе се онлајн.
Овие што ги држиме на факс моментално се малце поспецифични лаб. методи и не би имало смисла да се држат онлајн,

За ЈСП...вчера во 50ка беше ужас кога влегов. Ама не знам кого да окривам стварно. Јас одам некаде, секој оди некаде зошто треба, не е никој поединечно одговорен за гужвата. А како да одиш пешки на загаденово, ем ладно?

 

Просториите не се огромни, пак сме сите тука, луфтрање на ладново нема да се случи а во просторијата сме по 3 часа.
Инаку, што ако некој колега испадне позитивен? Дали цела група би биле во изолација? Исто така позитивниот минимум 2 термина од лаб (по предмет) би пропуштил а отсуство од лаб како што знам не е дозволено. Цел семестар ќе му пропадне?

 

Ние сме поделени во групи од неколку студенти и е безбедно. Тоа е пропуст штом не ве делат, но пак ќе кажам доколку носите маски и не се доближувате еден до друг ризикот за зараза е многу мал. При употреба на приборот, микроскопи и сл. вршиме дезинфекција и стварно сум задоволна во тој поглед.

Ако некој испадне позитивен би требало сите да одат во изолација, но не знам точно дали е така. Се надевам дека би имале разбирање професорите кон оние кои нема да ги завршат сите вежби.

 

И ние сме во помали групи, ама не правиме дезинфекција после секоја употреба на материјали. Исто во некои моменти мора да сме "збиени" доколку ни демонстрираат нешто, да видиме. Башка на паузите сите сме пак тука, кој јаде кој пие..не знам стварно, еве и со новиве бројки мислам дека не е зафрканција работава.

 

Бројкиве како што растат гледам да излегувам помалку, јас не ни одам на факс. Се уклучувам само онлајн, а немам ни некоја голема корист од вежби/предавања, како и да е сама ќе си учам.
Знањето ќе си се надогради, јас дали ќе стигнам до дома здрава не се знае!

 

Јас не излегувам од дома, освен за вежби кога треба да идам. Буквално секој втор од моја околина е болен, не ми се ризикува ама воопшто. А за вежбиве немам избор, не знаеш само дали поголем ризик е патот до таму и дома или самите вежби..

 

Нели ви се задолжителни вежбите?

 

Ни се, но јас не одам кога треба со физичко присуство само онлајн се пуштам.

 

Се согласувам, некако ситуацијата излегува надвор од контрола со шо секако се зголемува ризикот од експозиција и инфекција. Маската, односно маските бидејќи на факс во принцип носам две маски една хируршка и над неа N95, не ги вадам се додека дома не стигнам, носам и очила. Хируршкото одело после секои вежби оди на перење веднаш, а воедно користам патики шо ги носам само на вежби. Не дека нема ризик ама еве колку толку се трудам да го минимизирам. За разлика од минатите години, фондот на вежби е значително редуциран, да не зборувам и за спремноста на асистентите, така да сепак значително се губи и се избегнува непотребно одење на факс. Иако, еве, зошто мораше во МОН да се носат документи за стипендии, секој ден имаше гужви пред деканат, кога фино, лепо можат факултетите тоа директно да го средат со МОН.

Минатиот семестар бидејќи речиси го преседовме дома, некако излегов од колосек со вежбите, предавањата и општо учењето. Бев навикнат на една рутина и таа комплетно ми се промени. Многу ми е јасно дека е пандемија, дека треба да се навикнеме на нов начин на живот, меѓутоа со онлајн предавањата и вежбите излегува како да сум homeschooled каде учителот сум јас. Купувам книги, учам, одам полагам и толку. Зошто плаќавме семестар? За да гледам како некој врти презентација? Не дека предавањата во живо се разликуваа многу од овие, ама пак сега немам ни волја да ги слушам. Единствена светла точка ми беа вежбите.

 

Како мислиш, министерката нè распушти да работиме од дома
Тоа е само најава. Одлука се уште нема.
Од дома ли работиш online?

 

Фигуративно беше кажано, но сепак директорот не пушти од дома да работиме. Но каде и да е сите ќе почнат од дома.