Девојки, а дали сте ја пробале новата од Гарние без амонијак? Што мислите за неа, дали паѓа брзо бојата исто како и другите фарби од Гарние?
А која би ми ја препорачала Трендафилке? Гледам ја фалат кене ама не ми се даваат толку пари бидејќи ми требаат 2 фарби- долга ми е косата. Имам користено Палете, Аура, Гарние обична и од сите ми паѓаше брзо бојата. А еволушн беше убава ама во лето многу ми пожолтуваше, така да стварно сум во дилема.
^^ И јас си имам проблем со фарбите, сакав истото да те прашам. Аура ми ја прави жолта - лимонова, Палете ми ја суши премногу, Гарние паѓа брзо бојата, исто и Лонда, значи убави нијанси вади, ама траат една недела , а Кене ми е и мене скапичка, 300 ден. фарба па и хидроген, а јас се фарбам на 20 дена, ... Последните две фарби што ги ставив ми се на Субрина, и задоволна сум, не сосема сега, ама им давам 8/10, барем бојата трае 15 дена, ако ништо друго. Не знам што друго да пробам, од очај ќе почнам да се фарбам со се поникакви и победни, штом земав Субрина, веројатно следува Танеа, па некоја од оние бугарските Арома, можеби ќе имам повеќе среќа, па ќе ти кажам секако. Ти што користиш најчесто?
Викаш Субрина а ? Се немам фарбано со неа, ама сепак е словенска, би требало да е добра незнам Ако не ти е долга косата пробај со еволушн околу 180 е без хидроген ама убави плави нијанси вади. Јас немам плава коса, како што напишав во друга тема ваква ми е бојата- можеби една нијанса посветла ама мене од еволушн летото ми стануваше жолта како изгорена. А танеа нема шанси, ужас е фарбата- баба ми се фарба со неа "поприродна нијанса" здравје . Последниве 2 пати се фарбам со една бугарска фарба ја барав на нет да ти ја покажам црвено пакување е со пченица на неа. Околу 80ден е, ставам 2 фарби- бев скептик си викам нема шанси да е добра, бидејќи е толку ефтина ама да ти кажам повеќе траеше бојата отколку сите фарби што ги спомнав претходно. И косата не ми беше сува ама и ставам еден куп работи за заштита. Како и да е сеуште не можам да кажам дека сум ја нашла идеалната фарба за коса (сакам ем ефтина, ем убава да е )
Јас се фарбам со Субрина и можам да кажам дека сум задоволна,односно во однос на квалитет ја ставам тука некаде со Еволушн.Порано се фарбав со Еволушн,ама откога си ја загрешив нијансата се префрлив на Субрина и засега не планирам да ја сменувам.Не дека е идеална,ама не сакам да експериментирам со нијансите,некако сегашнава ми е погодена,па барем засега нема потреба од менување.
Рената. а која нијанса ја користиш, баш прееска гледав Субрина, 8 ми се виде убава светло плава ама се плашам да не ми испадне многу светла. Можеш ли да ми препорачаш која нијанса е за мене. Бојата на коса ми е приближно како таа од сликата.
Првин да кажам дека ја користам Subrina Professional,вака изгледа Имам најсветло,платинеста нијанса и ја користам 30/3.А за твојава нијанса стварно појма немам,најубаво во каталог да си видиш.
Фала во секој случај баш ќе видам утре во каталог. Плачам за фарбање а сеуште се мислам дали да ја сменам фарбата. Оваа професионал колку ја купуваш? И како платинасто плава а аватарот , баш те замислував онака смеѓа
А каде ги има овие Субрина Професионал, мене би ми одговарала баш таква нијанса , ама не сум ги сретнала без хидроген досега, по маркетите гледам од другите субрина само
Тоа не е фарба, тоа е колор шампон. Ти врши работа само привремено. А инаку, јас кога почнав да се фарбам - пробав и Палет, и Гарние и Лореал - секако најубава ми беше од Лореал, ама и цената им е „убава“ Палет многу ми ја сушат косата, Гарние фарбите ми се добри, ама колор шампонот ми е уште подобар. Обично користам кафеава нијанса, мене природната боја ми е „кафеникаква“ па сакав да имам некоја изразено кафеава боја. Не темна колку чоколада, малку посветла, ама проблемот кај мене е тоа што имам некој црвеникав сјај на косата без разлика со каква боја се фарбам. Не знам дали е до влакното или до фарбата. Ама во секој случај, колор шампонот ми е фантастичен затоа што ми дава неверојатен сјај на косата и бојата ми трае. Додуша, веќе пет месеци немам ставено ништо на косава, ја враќам природната боја, малку ми е шаренка косата, ама не се забележува толку многу.
Јас се фарбам со Гарние 111 , убава е бојата ама бргу паѓа. Денес сите фарби бргу паѓаат затоа што сега не ставаат јаки хемикалии како порано, и произвотелите се обврзани да користат само одредени средства во фарбите што не се штетни. Порано се фарбав со Колестон , ама сега неможам да ја најдам.
^^И мајка ми ги сака Колестон, ама и таа не може да ги најде. Имам слушнато дека Игора Ројал фарбите се најслични на нив. Дали некој има искуство со нив?
Или garnier или keune, ама сега мелце ми е на пауза косата од фарбање,си ја исфарбав како природната така да имам во план да се шатирам
Мене ми е дефинитивно нај ЛОРЕАЛ, моментално оваа ја користам http://www.loreal-paris.co.uk/hair-colo ... gloss.aspx Долго издржува, сјајот ви останува и после неколку миења, не смрди, напротив убаво мириса, и една туба ми е доволна за цела коса, а косата ми е подолга. Е сега поскапи се, ама се исплати мислам.
А каде ја купуваше фарбата Колестон ? Јас долго ја користев и бев презадоволна од неа ..Ми ја набавуваа пријатели од Хрватска , но тие сега не живеат таму. Ако некој знае каде ја има нека пише .Поздрав до тебе Иренна
Ја купував во Тинекс па ја снема, после ја најдов на една тезга на Зелено Пазарче , ама и таму ја снема и од тогаш користам Гарние. Инаку слушнав дека некое фризерско студио станало застапник за Колестон, ама ептен биле скапи фарбите и неможело само фарба да купиш туку мора и кај нив да се фарбаш. Ќе се распрашам како се вика тоа студио, ако најдам кое е ќе пишам. Поздрав
Прочитав некој пишал за фарбите на гарние без амонијак...може малце инфо плус?!Сакам да ја осветлам косата,ама под услов за месец,помалку од месец навистина да ми падне,дали е возможно со ова?!И каде може да најдам и колку чини?!
