Културното присвојување

Леле Гламке.
Црн си ко циган, или, црн како турчин. Искрено, варијантата со турчин ја знам.
Скржав како влав.
Се буни како грк во апс.
.,..
Сигурно ги има уште. Креативно народно творештво, на сметка на другиот.

 

Дали сериозно мислиш дека Македонците се чувствуваат супериорини во однос на Ромите поради боја на кожа?

Јас мислам дека е друго причината за чувство на супериорност.

Не се правам мутава, патем.

 

Кое од овие креативни народни творештва има врска со боја на кожа? А, б или в?

И ете од личн9 искуство, никогаш не сум видела пример на супериорно чувство спрема Турци. Зошто кон нив нема ксенофобија?

И до кај ќе одите со обиди да докажете дека во МК нема расизам на скроз друга тема, за да се прикаже ко нерелевантна? Ете имаше и примери за баш расизам, и тоа било ксенофобија.

 

Па по дефиниција е ксенофобија. Демек ксенофобија е ок, расизам не е?
На Зидан му викаа ваков таков, со турските фудбалери исто беше. Во фудбалот секоја етничка навреда ја сметаат за расистичка. Ние овде го тупиме за терминологија, ама не значи дека едното е ок, другото не е ок. Двете подеднакво не се ок, не гледам кај е пробемот.

 

А ова па кој го кажа?
Само не ми е јасно зошто го зборуваме во темава.

Ете се’ е ксенофобија а расизам тука нема. Шо прајме сега со културното присвојување? И тоа го нема, тоа е поентата? Дека си губиме време на нешто што е далеку оттука?

Ич не те разбирам.

Едит: за фудбалот. По социјалните мрежи на црните фудбалери им простираат слики од мајмуни. Толку.

 

Е ајде сега да не се правиме мутави, тоа се кажува во контекст на колку потемно толку полошо.Колку пати сум слушнала да кажат за некоја многу убава како за циганче, бела е, не е црна како другите и слично во тој контекст.Нема врска тоа со човекот, не мора да значи дека автоматски ги потценува црнците или ги мрази, ама таа расистичка нишка е несвесно врежана и многу луѓе не се ни свесни дека е понижувачко.

Е сега, за супериорноста, да, се согласувам со тебе, не се работи главно за бојата на кожа.

 

Не знам за вас, ама јас за еманципирани, образовани роми сум чула само убави коментари.

 

Се случува да не ме разберат.
Се сложувам со се, освен дека во конкретниов случај со девојчево, е културно присвојување. Чија култура присвојува девојче од балкан, на кое маргинализирано малцинство?

 

Првиот пасус не го негирам, прва пишав дека сме расисти кон Ромите.

Но, не мислам дека се чувствуваме супериорни поради бојата на кожата, на нашево поднебје сите се чувствуваат супериорни во однос на некој друг народ.
Затоа велам сме расисти, преку шеги и примерот кој ти го даде, но Ромите се шиканирани не поради бојата, него поради стереотипите кои ги имаме за нив (крадци, лажговци, валкани, смрдливи итн.) и тоа нема врска со бојата на кожа, него со припадноста на народот. Пријателката е како што кажав бела, додека не каже име и презиме не би ни претпоставил некој дека е Ромка, но е дискриминирана сепак.

 

Ако некој не е еманципиран или образован, не значи дека по дифолт е криминалец и треба да се зборува се' најлошо.
Демек мора да е образован за да зборуваме убаво, ако не е образован, опростени ни се навредите.
И за образовани и еманципирани роми сум слушала прегрди работи и сум видела како ги дискриминираат апсолутно беспотребно.

Од нас е постаро само сонцето

 

Маргинализирани се Ромите многу и тоа е сосема друга тема. Проблемот кај Ромите е многу подлабок, не се сведува исклучиво на дискриминација. Ама дефинитивно не се дел од темава, ако сакате да најдеме соодветна тема мислам ќе е поефективно. Културно присвојување во таа насока мислам дека нема .

 

Затоа прашав дали можеби има нешто што културно им присвојуваме.

Единствено нешто на што се сетив, е пеење неколку нивни песни, позната е доста Едерлези (Ѓурѓовден) ама некако не би рекла дека е присвоена, него едноставно е убава песна која многу ја знаат и сакаат да ја пеат, не знам дали спаѓа под терминов за присвојување.
Втора ситуација е влашката песна Mndra mja (Mandra mea) доста пеена од српски пејачи.

Никој не ги претставува песните како свои, барем не сум видела такво нешто, но се популарни и се пеат.

 

Има тема расизам, баш за ромите е почната.
Има и тема за ромите посебно https://forum.femina.mk/threads/Ромите-во-општеството.27750/page-10#post-4797396

 

Добро, и? Многу други примери спомнав. И лични, ко со јогата кај што сум се потрудила да научам повеќе. Не се важи зашто има некое територијално ограничување на нешта што треба да ме интересираат или како?
На друго место биле маргинализирани, им биле присвоени делови од културата и се проширил трендот низ цел свет. И кој тука се поистоветува со Американци(зашто и тоа беше кажано ко смешка) тој што се труди да научи нешто на темава или тој што им ги усвојува и брани мејнстрим трендовите?

 

Темава ми привлече внимание од самиот почеток, особено затоа што поимов првпат го прочитав тука.
Ја следев дискусијата пред да напишам било што и морам да кажам дека има одлични аргументи гледано од двата аспекти, па сакав само да прибележам некои со кои особено се согласувам и воедно да поставам прашања во врска со одредени нешта кои ми се нејасни, а за кои можеби би добила мислење.

Ќе почнам со следново.

Првично ова звучи како обесправени се бидејќи некој им ја одзема болката која ја доживеала нивната раса.
Па прашањето би било, како може некој да ти одеземе некое чувство кога истото во случајов е запишано и се води како историски факт дека е искусено и осетено?

Доколку некој се исмева или го продолжува истото, секако е за осуда.
Но (кога се работи за примена), ако си го присвојат идентитетот на жртва, многу е веројатно дека и во сегашноста ќе се преслика историјата. Зошто да не почнеме на пример доколку некој направи коса со суканици да гледаме на тоа како почит кон нивната култура/идентитет? Дали со ваков пристап повеќе ќе наштетиме или пак ќе почнеме да рушиме бариери меѓу себе за да докажеме дека е време да се прифатиме сите онакви какви што сме?

Да напоменам, зборувам за добивање слобода пример африканци да се фарбаат плави, европејци да носат облека со типични азиски мотиви, азијци да прават плетенки на коса. Значи секој да може да покаже прифаќање и еден вид уважување на другите раси.

Велиме расизмот двои, оддалечува, нè прави диктатори или робови.
Се прави обид за искоренување, а во друго ќоше се создаваат нови поделби и акцентирања на различноста при што потребно е секој да се држи до своето како најсигурно за никој да не се навреди.
Дали општествово можеби станува пресензитивно за овие прашања, со што наместо да се намалува таа разграниченост, се прави обратното т.е. само се зголемува меѓусебниот јаз и раздор?

Е сега, другата страна на паричката.
Употребата на било кој елемент од туѓа култура во блогерство за остварување на личен профит од истата е навистина дискутабилно. Ако веќе се употребува, нека биде со порака за да се воздигне убавината на културата од која доаѓа нештото. Значи проблемот е остварувањето профит со голем знак прашалник дали се знае симболиката и барем базичното толкување на употребениот елемент.

Се согласувам со @LivingGlam дека некогаш тоа присвојување оди до степен на комерцијализација, со што всушност се минимизира значењето, а потеклото на истото неретко може да се занемари (примерот со јогата). Конкретно ете пауер јогата која ја спомена дека всушност нема врска со вистинска јога, јас мислам дека претставува еден вид злоупотреба на индиската култура. Се користи називот јога како таков што веќе е насекаде прочуен за да се изрекламира тој тип на вежби, иако истите немаат допирна точка со она на што всушност се однесува називот. Дали можело да се осмисли друго име за тој тип вежби? Можело и требало.

Следно, колку што прочитав дефиницијата гласи:

Прашањето ми е дали се мисли на присвојување на некој елемент од страна на доминантната култура во една држава или на поширока територија? (Прашањево ми доаѓа од тоа што блогеркава колку што сфатив живее во Македонија. Тука мислам ретко имаме некој од тоа малцинство од кое е преземен елементот, па прашањето е дали станува навреда затоа што всушност е ставено на нет? Зошто ако ги немаме како малцинство во земјава, тогаш како би се сметало за навреда доколку присвојувањето се однесува само на територија на една држава?).

Исто така, да речеме (лупам од памет)јас и уште 500 000 македонци живееме во некое малечко државиче во Африка. Дали можам јас да се навредам иако сум бела раса (таму сепак сум малцинство), ако видам дека на пример некои го играат Тешкото иако не знаат како настанало и што симболизира? (Прашањево ми доаѓа поради тоа што ми е нејасно дали јас еве како припадничка на малцинска култура таму смеам да се навредам од нешто вакво или пак мора да сум припадничка на некоја од репресираните раси низ историјата за да можам да чувствувам дека некој ми краде/не разбира нешто „мое“?).

Не претпоставувам ништо, само навистина сакам да добијам некој целосен впечаток на темава.
Без трошка иронија или сарказам, би сакала да ги знам нештава.

Понатака, истовремено не гледам како јас сум виновна за репресија која била правена од некои кои случајно биле иста раса со мене, уште пред јас да постојам на светов. Не чувствувам одговорност да ги исплаќам нивните долгови со постојано внимавање дали навредувам ако носам или практикувам нешто од друга култура. Единствено што можам е барем во основа да се обидам да го сфатам, да се информирам или да упатам комплимент за нешто карактеристично што ми се допаѓа од конкретна култура кога ќе видам некој кој е со тоа потекло.

Стекнувам впечаток дека најголемиот проблем е пласирањето на интернет.
Зошто главно сè што е оставено на тацна за пошироката јавност е всушност за профит.
Оттука би значело дека ако елементот/симболот/практиката се употребува од обичен човек по дома, многу веројатно дека нема никој да биде навреден. Мислам реално, како би знаел Индиецот дека јас дома вежбам јога (освен нели ако не објавам на социјална мрежа)? Значи поентата е: 1. да не поддржам некоја која врска нема за значењето на јогата со следење на нејзин јутјуб канал или штогод; 2. да знам барем во основа за симболиката и местото од каде потекнува истата пред да ја применувам.

Ако го прашуваше Виталиј, кон мажите на кои им велиме дека не можат да одлучуваат за туѓо тело.
Тој тогаш викаше сме биле раЦисти.

Инаку ако се сеќаваш на случката кога амебовидните суштества ги нападнаа тие Кинезите на кеј минатава година во Скопје, со викање и навреди да си идат од кај што дошле, да не ни шират овде вирус.
Макар што не знам каде да го сврстам тоа, расизам, ксенофобија или прв излет надвор од пештера.

За крај се извинувам луѓе, знам дека постов е хаос.
Нешто слично ми е и во главава, зошто темава опфаќа мноооогу страни.
Читам со денови и некако цело време ми се провлекува поделено мислење.
Со оглед дека не следам блогерки, ниту пак сум баш активна на социјални мрежи, сето кажано е од мои лични согледувања на досега споделеното. А верувам дека нема потреба од било какви заострувања, зошто темава е прилично свежа за целиот свет па допрва ќе се вадат заклучоци, оформуваат ставови, редефинираат мислења. Така што никој не може да гарантира дека на една ваква гранична тема и утре ќе размислува исто. Крајно, водете се по инстинктот да не повредувате луѓе со умисла и да не се однесувате игнорантно кога некој ќе ви посочи дека е повреден, барем со сослушување, па потоа расудување дали навистина сте биле невнимателни или пак е само преголема сензитивност од другата страна.

Ви благодарам ако некој го исчита пишаново.

 

@Purplelilac Повеќето веќе го дискутиравме вчера и се исцрпи.
Ова ми привлече внимание

Да речеме дека бугарска певаљка прави концерт и назад го играат тешкото во модифицирани разголени носии и со чекори по нивно. Е така им изгледа ова на Индијанците.

Спојлер

Ајде ова е комерцијала па да го изземеме, ама и на лично ниво е навредливо кога се маскираат вака за халовин зашто им е гајле, нивно тело.

Затоа што за нив тој headdress има значење и се заслужува секој пердув со нешто што за нив значи чест. И не може да го носи секој. Овде тој контекст е изгубен и тука е таа cultural appropriation без почит.
И да, ќе имаш право да се навредиш и ти за Тешкото, ако ти значи тоа што го симболизира а тој што го присвојува нема три чисти за тоа и те игнорира ако пробаш да му објасниш. Јас би се.
И ќе ни тресне и тоа нешо на глава кај и да е, од што не сме баш најпаметни ко народ.

Ако Балканско девојче се маскира онака и и’ укажат, не значи дека ја обвинуваат за репресијата што им ја направиле други народи, туку и’ укажуваат дека начинот на кој им го користи симболот не е во ред.
Со јогата исто, не значи дека само кон Англичаните треба да бидат огорчени зашто други не ги окупирале, а подеднакво и во голема мера им го модифицираат ова наследство по свое. Многу им е гајле дали Англичанка или Македонка изложила ом тетоважа на гз на инстаграм, тетоважата ќе ги интересира.
Ете кај ги измешавме лончињата. И не мораш ни да бидеш репресиран за ти значи нешто, да го сметаш за присвојување и да сакаш да го одбраниш, само што овие примери со репресирани народи се дел од поголема сложувалка на системско замолчување.

Во принцип, некој се нашол навреден што им се злоупотребуваат симболи и наследство за мода, ти кажува што им значат тие, а ти викаш глупости, што сакам можам да си правам. Ако се обидеш да сфатиш е одма друго. Игнорантност наспрема прифаќање и поддршка.

 

Мене ова ме доболе што само го замислив Не е многу далеку од реалноста, како тргнале со песните.

 

@LivingGlam Ти благодарам на одговорот.
Токму она кое ме интересираше го имаш опфатено.

Значи битно е да се знае значењето на практиката/елементот.
Воедно да не се злоупотреби во контекст на модифицирање на како некој сака по свое.
Да не служи како еден вид подбив кон таа култура и нејзината вредност.
Исто така да не се презентира како наследство од својата.

Сосем се согласувам и со делот за игнорантноста.
Мислам дека всушност тука прифаќањето преминува веќе во присвојување.
Верувам дека уште доста примери има, но сепак ми стана појасно.

 

@LivingGlam никогаш нема да разберам како може еден човек да кажува на друг што да прави.
Не е важно за што станува збор, се подразбира дека не зборувам за свесно и намерно штетење на друг.

Во мои очи границата е онаму каде што пораката е важна.

Но, ме интересира, според тебе - каде е?
До која мера може некој да ми каже за тетоважите пример на телово, што мисли?
Дали отвараме врата за други луѓе да одлучуваат што правиме со своите тела?

 

Кажи ми за нешто што многу, премногу ти значи. Нешто Со кое се идентификуваш. За да зборуваме за конкретен пример и да сфатиш што ом или Буда некому му значи и како ќе гледа на таа тетоважа шлапната на несоодветно место.
Имаш нешто такво?