Личности на кои сè им пречи и постојано „плукаат“ по сите

Имам таква личност дома, мојата мајка, секогаш секој и е крив за нејзините проблеми, љубомори и плука по кој стигне кој што е подобар од неа, јас како нејзино дете сум скроз поразличен и во минатото сум имал многу расправии со неа поради тоа што е таква, единствен лек е едноставно да се игнорираат таквите луѓе и тоа е тоа.

 

Прво мислев дека само луѓето со проблем со себе вака се однесуваат.
Сега се почесто среќавам луѓе што вака се однесуваат намерно, дури и глумат. Се со цел за да избегнат одговорност, работа, да си свиркаат и уживкаат ама да не испаднат во очите на другите дека не им се работи и дека самите се криви, туку дека нешто надвор од нив е проблемот.
Така само една иста плоча вртат дека нештата не функционираат зошто криви се другите, криви се тие до нив, над нив, под нив, крив е системот, крива е државата.
Они не се.

Смислена и намерна глума!

 

Особи кон 30 години и нагоре:
Несреќни се и секаде црно им се гледа, злобни, па бараат и најмал начин да унесреќат некој друг, глупави зашто не знаат да филтрираат информации, ниту да канализираат емоции.
Ако се помлади, може само минуваат низ фаза, ама инаку е секогаш ко што пишав.

 

Нема врска тоа со годините,и помлади од 30,рани 20ти можат да бидат вакви,но постари од 35,па и постари од 40,мислам дека се комплекси и љубомора во прашање.Имав колешка на работа,три деца,мажена,секогаш на други и послаби лечеше комплекси,и беше цинична,а имаше околу 40-41 година.Неисполнети од внатре...

 

Дали е ова тема отворена за мене како дежурен фемина мрчатор?

 

Во последно време забележувам многу фрустрирани ,неисполнети,полни со комплекси луѓе.Да се плашиш да кажиш шега,се сфаќаат лично, се нешто повредени.На социјални мрежи забележувам и на најубава вест,најубав совет,веднаш дежурни мрчатори,луѓе кои контрираат.
Кога ќе наидам ретко на ,,нормална,,особа,која спонтано се смее,не е зајадлива,ми доаѓа силно да ја гушнам.
Дојде време да се воведе задолжителна посета на психолог.

 

Контрираат затоа што мора да лечат комплекси, а дома не можат. Си пишува човекот дека продава домашно сирење и господата душебрижници одма го напаѓаат дека скапо е. Во продавница било поевтино. А бе бате.... Не е исто сирењето со тоа во продавница. Домашното секогаш е поскапо. А ти сигурно со прст не си мрднал во животот за да заработиш.

За вчерашното убиство во Стајковци, имаше коментар дека двајцата браќа ја работеле снаата. Ѓубриња ненормални. За почината жена пишуваат глупости.

 

Не може да судиш според социјални медиуми... На социјални медиуми се култивираат негативните чувства и ги гледаш само видливите примери. Некои дури се и свесно направени... Згора на тоа, алгоритмот е така направен што ги умножува примерите кои се најчесто и имаш зачестување на тоа што најмногу тригерува емоции...Задоволен човек секако нема да коментира на негативна вест или да си го „кали“ гневот... И како што рече има „дежурни мрчатори“, тие не ја прават „нормалата“, ама ги „контаминираат“ другите со негативни емоции и ја зголемуваат видливоста на негативни емоции...Дополнително, класиичните медиуми „манипулираат“ со негативни чувства и се надополнуваат на социјалните. Колку позитивни вести има дневно воопшто? Таму, се накаде на крајот на информативните емисии, во секунди се мерат, како куриозитет., и тоа е прашање дали ги има... И потоа,ја имаш твојата „перцепција“ ( и на многу други) која вели дека луѓето се ГЛАВНО зајадливи, негативно настроени... Тоа е цел круг медиуми - социјални медиуми - перцепција - општо мислење, кое постојано се репродуцира.

 

Aко е поефтино во продавница нека си купат, исто и за овошје/зеленчук им било скапо, нека си насадат, не знаат колку вложиле земјоделците за тоа, ќе купат прекупувано прскано со пестициди, ама за инат од комшијата земјоделец нема.

Имаше пред некој ден пишано една за слабеење на 60 годишна жена поради здраствени причини, ми се згади од коментарите.
Секаде ги има таквите, човек да не пише кој си има мака, се зафркаваат на маката.
Што да се очекува од такви кога гледам и во групите за храна за јадење пишуваат безобразни работи.

 

Кажува жена физиотерапевт,демонстрира за да биде појасно,како седат мажите расчекорено,по дома во кафуле,дека тоа не е добро за кичмата... Коментари,курво,наказо,ваква,потаква.Кажувам најпроста шега,притоа со внимание ,да не задира во интима,Наместо да се насмевне враќа кавгаџиски.Се сведов на разговори ,леле денес ,топло,ладно,колку се јагодите на пазар?Озбилно обавезно да се воведе задолжителна посета на психолог,исто како матичен лекар да има .

 

Во право си ,ама јас не се чувствувам добро што тоа го има и надвор од социјални мрежи,меѓу колеги ,комшии.Нема никаква спонтаност,да ти е страв обичен разговор да направиш.

 

Биди ти спонтаната, биди позитивно настроена, фати се за нешто што ТИ би сакала да го правиш како муабет и би те направила задоволна, би ти било интересно кај тој муабет.. Ќе се најде некој, или пак, насочи го муабетот во насока во која ти сакаш кај овие „зајадлививе“, покажи им со зборови или постапки дека може поинаку. Зајадливите луѓе, во принцип, се огорчени и несреќни, но, и тие сакаат да слушнат нешто интересно, позитивно, откако ќе се „испукаат“, мене ми успева, еве пробај и ти. Да, треба поголем напор отколку да сме на авто-пилот и постојано да се вртиме во кругот на „негативните емоции“ , примери, светот е пред распаѓање, ништо не чини, итн.. Ако не успеваш со НИВ, обиди се кај трети луѓе...Така ќе имаш контрола , барем до извесен степен.

 

Се трудам тоест јас по природа сум насмеана,сакам да се шегувам и сакам луѓе што се шегуваат .Ама скоро имав баш таква ситуација,на проста шега внимателно одбрана ми се врати со лутина,до не зборење .Притоа се извинив ,а немаше причина, ,појаснував што сакаше авторот да каже .Па не сум јас психоаналитичар ,за да можам да извлечам,проценам, какви некој фрустрации од детство носи?Се чувствувам збунето,ќе станам формална,ама тоа не сум јас.

 

Одлично. Не мора да си психоаналитичар и не треба. Следниот пат зајадливиов ќе сфати дека не може со тебе да си го кали гневот, нема да го „играш“ едноставно додека е на автопилот... Идејата е да не го „одржуваш“, тој нечиј гнев , и ти да бидеш негова жртва и да не го пренесуваш на други... Колку повеќе луѓе како тебе толку ќе има помалку „мотиви„ за огорчени „испади“, и толку помал простор за негативните емоции... Можам да разберам дека и ти некогаш негативно, ќе реагираш, никој не е просветлен„ секако, но имај го само ова на ум. Всушност и затоа ти реплицирам, со најдобри намери, да те направам свесна дека не мора да си жртва на огорченоста, зајадливоста, цинизмот, фрустрациите... Еве ти биди таа што некому ќе му го направиш денот подобар, повесел, поспокоен... Секогаш има некој што тоа ќе го види и ќе го цени.

 

Постојано се трудам,сакам околу мене пријатна атмосфера.Затоа ме нервира на насмевка да ти се возврати со бес ,фрустрација.
Не велам дека сите луѓе се такви,ама во последно ги има се повеќе.
Еве хипотетичка ситуација .И викам на шега на колешка ќе ти ја купам оваа маица на поклон,хипотетички со некоја смешна илустрација е маицата. А таа ми возвраќа бесно ,за тебе таква да си купиш! Јас не знам дека неа всушност и смета што маицата е кафеава ,а неа како мала мајка и ја тепала со дрвена лажица и мрази кафеава боја.И таа колешка си е секогаш таква,за се нешто ,колку и јас да се трудам да ја насмеам.
И еве таа од другиот реален пример после шегата не контактира со мене,само службено.А шегата слично на примерот од горе.Џабе и извинување и дообјаснување.Буквално за ништо.

 

@Dilajla123, звучи клише ама зашто се замараш со нив? Уште и да се трудиш да им објаснуваш што ти била поентата. Не си должна. Кој како сфати - сфати, тоа си е негово. Дај сеа ако не да пазиме и како дишеме, абе ајде. Мрчаторите остај ги, колку поише внимание им даваме, они толку се појаки.

Само игнорот е казна за нив.
Лошото е што знаат како да те испровоцираат и кај да удрат па знам дека некад не може човек да се воздржи а, да не врати ама најпаметно би било да се игнорира и најздраво за психа, да не им се дава значење, секако кој колку може.

Со небитни луѓе на социјалните мрежи не вреди да се докажувате, одамна е познато дека таму секаква багра е собрана од најмладо до најстаро и колку влагаш во конфронтација со нив и се докажуваш само себе сѝ човек си штети, спуштајќи се на нивно ниво, и труејќи се со нивните токсини.

@Vikktorr убаво збориш, мудро и на место ама што сме дужни ние да изиграваме нивни аниматори на некој начин и да ги занимаваме, просветлуваме, демек ќе ги опраиме така? Такви си се одредени луѓе створени и не е можно да се сменат, најнапред тие кои и не сакаат воопшто да слушнат за тоа и си држат до своето нели убедени дека нивното најправилно е.
Па така, мислам дека треба да си на дистанца и да пробаш да не те допираат нивните зборови, посебно ако се работи за тотално небитни личности.

 

Да, и јас сум забележал дека има луѓе што се на „врв срце“, на “раб на нерви“ и цела релација ја фрлаат во ѓубре поради некаква ситница...Ова е знак на траума и незрелост, или неспособност да се справат со фрустрациите (И ова денес е општествено охрабрено. Денес сите се во право! Некогаш било срамота така да реагираш.) А, дали се, сега повеќе не знам, но има такви луѓе... Ако некој е толку трауматизиран поради тоа што го „тепале со кафена , дрвена лажица“ единствено што можеш е да си го прилагодиш хуморот кон таа и таа конкретна личност. Не можеш да се дружиш со некого кој се лути за такво нешто... Избирај друг колега за дружење и внимавај. Не секој има смисла за хумор, како твојата смисла за хумор, иако твојата намера била добра...

 

Не си должен, туку си ја повраќаш контролата за себе, за другите, па и за тој „зајадливиот“, не си „жртва“ на нивните фрустрации. Ако ти подеднакво се однесуваш на тој начин, со иста мера и повеќе, на некој начин неговата фрустрација победува и ти само ја продолжуваш низата и општата фрустрација... Лесно е да вратиш, ама ова е само „замка“. и лажна контрола.. Разбирам дека има и екстремни случаи па некого треба да му го покажеш местото каде му е, ама и ТОГАШ можеш на културен начин. И ова е добра вежба, се учи.

 

Епа тоа, се повеќе ги има во опкружување и се повеќе се дистанцирам.Ти благодарам на советот!

 

И на дистанцирањето ќе ти најдат маани. Си гледаш твоја работа, ама таквите искомплексирани ќе речат: не правиш муабет - дигната си; не ги прашуваш за нивни ствари - гајле ти е за нив, а поради тоа си злобна; ги оставаш да зборуваат на одредена тема - само они се борат за нешто бидејќи они зборат, а ти ќутиш; ако прозбориш, а не го повториш истото што го кажале - автоматски не се сложуваш со нив, итн, итн, итн.