МАКЕДОНСКИ ИДОЛ

Македонски Идол е името под кое за прв пат во македонска продукција ќе се одржува најгледаното музичко шоу во светот Идол. Македонија конечно ја доби лиценцата за продуцирање на шоуто кое секоја недела привлекува милиони гледачи пред малите екрани.

Кон крајот на летото започнуваат аудициите низ повеќето градови на земјата. Младите музички таленти конечно ќе ја добијат вистинската шанса да се покажат пред публиката. Тричленото жири кое ќе одлучува кој ќе влезе во полуфинале, се уште се држи во тајност.

Гласовите на гледачите ќе одлучуваат секоја недела кој кандидат ќе ќе отпадне, а кој ќе продолжи во големото финале и ќе биде првиот Македонски Идол.

Иако досега неколку наши пејачи учествуваа во ова шоу во соседните земји, сепак ова е прва вистинска шанса македонските таленти да се пријават на Македонски Идол.

Пред неколку години младата Ноне Неделковска влегува во финалето на српскиот Идол, а лани Мјузик Идол во Бугарија го одбележаа нашите машки вокали Бојан Стојков, Александар Тарабунов и Дарко Илиевски.

Шоуто Поп Идол прв пат се емитуваше на 5 октомври 2001 година и е дело на контроверзниот британски телевизиски и музички продуцент Сајмон Ковел.

Шоуто набрзо станува едно од најгледаните во светот, а верзии на Идол се создаваат во 42 земји низ целиот свет. Кели Кларксон, Џенифер Хадсон, Адам Ламберт сега светски познати благодарение на Американскиот Идол.

македонски идол има секоја сабота во 20 часот

 

Веќе постои оваа тема Македонски музички идол. Пред да отвориш нова тема, пребарај по форумот со опцијата Напредно пребарување.