Масла за коса

Здраво за лице јас го користев едноставно мачкајки го на лицето наместо крема или пак може да го комбинираш со некое друго масло и да додадеш етерично масло. Со оглед на тоа што јас го користев ладно време (во цврста состојба) го користев чисто многу мала количина на убаво исчистено благо навлажнето лице (за побрзо да се впие). Е сега, многумина велат дека е комедогено, меѓутоа од лично искуство (барем кај мене) имаше спротивен ефект и убаво ми го исчисти лицето, а и ми ја заштити кожата од ладното. Потоа може да го користиш како пилин за лице во комбинација со кокосово брашно доколку имаш многу чувствителна кожа. Барем јас го користам на овие начини. Поздрав

 

И јас ќе почнам да го користам кокосовото масло, само ме интересира колку често, бидејќи косата ја мијам преку еден ден... Дали да го употребувам пред секое миење или еднаш неделно? Да не е штетна честата употреба во мојот случај, или напротив?

 

Според мене еднаш неделно е сосема доволно. Нема потреба да се претерува. Нанеси го на благо навлажнета коса и остави да делува најмалку саат време и потоа убаво измиј ја косата со убав шампон. Може да го користиш и како серум за коса откако ќе ја измиеш и пред да ја исушиш ептен мала количина само на врвовите или пак откако ќе ја исушиш само на врвовите (избери сама). Поздрав и пиши импресии од употребата.

 

каде да купам масло од Био Космос? Арганово конкретно?

 

Здраво го има во продавниците на биокосмос го имам видено во буњаковец (ама го нема редовно) меѓутоа скоро секогаш го има во нивната продавница во зградите близу гтц каде што е тинекс кај паркингот. Поздрав

 

Како се користи бадемовото масло на сува коса или на навлажнета?

 

Здраво драга еленаели22, било кое масло како третман за коса се користи на благо навлажнета коса без разлика на видот на маслото (сепак за масло станува збор). Водата ќе спречи да маслото се врзе со маслата природно присутни во нашата коса и да ги однесе со миењето, а со тоа косата да делува посува иако не е така. Држи го најмалку саат време на косата и после измиј со убав шампон убаво. Поздрав.

 

Благодарам за советот.
Би те замолила да ми помогнеш и околу изборот на убав шампон. Косата ми е мрсна на коренот, а сува на врвовите.

 

Здраво драга, најдобро е да одбереш некој убав шампон кој нема да ја суши косата без разлика на тоа што ти е масна или пак некој благ за честа употреба. Според мене може да го пробаш шампонот на алверде со кна и маслина. Кната во шампонот убаво делува на скалпот затоа што го чисти а маслото го негува влакното. Етеричните масла во шампонот се баш пригодни за масна коса. Пробај го. Алверде има уште еден шампон специфичен за масна коса ама не ми се допаѓа многу формулата, го имам разгледано. Овој ќе ти биде супер а дава и волумен на косата. Дај ми неколку дена и ќе разгледам уште шампони (и од други марки) па ќе ти пишам доколку не се брзаш секако. Поздрав

 

Па мора да премине во течна како инаку ќе го ставиш на косата. Не губи никакво својство треба да премине во течност

 

Благодарам мила моја, ќе бидам во исчекување да ми пишеш.

 

Нова сум на форумот па незнам што направив сега,сите масла се убави имам пробано кокосово масло се препорачува за оштетена коса или врвови но секако се користи многу е добро рицинусово масло

 

Сум употребувала маслиново масло, кокосово, бадемово, кантарионово и рицинусово масло.
Најмногу сум задоволна од последното. Косата ми ја прави прекрасна, сјајна, поткрената од корен.
Ептен ми ја храни.
Од бадемовото сум најмалку задоволна.

 

1. Doctor's - масло за коса. Најчесто нанесувам од маслото по должината на косата и така преспивам, а ако ми е потребна поголема нега, ставам неколку капки и на штотуку измиена коса. Можеби не помага толку многу но и дава убав изглед и сјај на косата. При крај е и мислам дека ќе земам некое друго слично на ова (што не е природно масло).

2. За ова масло имам пишувано во темата за производи кои нема да ги купам повторно и овде ќе напишам дека го користам кога одам на пат зошто има стаклено и цврсто пакување = набрзина ќе го дотрошам за да префрлам некое од добриве во него за да имам подобра нега на косата и кога патувам.

3. Elseve - солидно масло за коса. Убаво мириса но тој мирис не се задржува.

4. Природно масло од кокос - најчесто го користам само него и само на коренот. Понекогаш и во комбинација за домашно направени маски.

5. Рицинусово масло - ова ретко го користам поединечно туку со него правам домашно подготвени маски.

 

Нема подобро масло од кокосовото,според мене. Се она што има во останатите масла, го има во него севкупно. Го користам скоро 3 години, го нанесувам пред спиење по должината на косата.
Користам и маслиново во комбинација со мед, јајце и цимет. Имам и арганово, но поретко го ставам . Порано користев рицинусово ,оеово ,невеново..... ваљда мислев секое посебно ќе си ја обави функцијата. Ама само кокосовото ме истрпи, и јас него

 

Дефинитивно бадемовото масло . Се нанесува пред туширање на сува коса и да отстои еден час.

 

Доколку сеуште се во потрага по идеалното масло за нега на кожата и косата дадете му шанса на маслото од макадамија. Еве ги бенефициите и ефектите од употребата на ова масло.

Неверојатните својства на маслото од макадамија



Помалку познато од останатите масла како арган, јојоба или кокос, маслото од макадамија има неверојатно ревитализирачко дејство не само врз кожата и косата, туку и врз целокупниот организам доколку се конзумира по внатрешен пат. Се добива од плодовите на едно дрво кое расте во Австралија и е откриено пред повеќе од 500 години од страна на аборџините.

Содржи 60% олеинска киселина, 19% палмитолеинска киселина, 2,8% линолеинска киселина, 6% омега 3 и 6 масни киселини и витамини како А, Б1 и Б2 кои се пријатели на правилната циркулација и на лимфниот систем. Ова масло одлично ја регулира и работата на тироидната жлезда, а благодарение на омега 3 и 6 масните киселини, одлично е како превенција на кардиоваскуларните болести.

Благодарение на палмитолеинската киселина која е многу слична на онаа на нашиот себум во кожата, ова масло е идеално и многу компатибилно за нега на кожата. Нашата кожа го апсорбира со неверојатна леснотија и брзина, затоа што на некој начин го препознава и успева да ја задржи нејзината природна еластичност. Особено е наменето за сува, чувствителна и дехидрирана кожа и има големо анти ејџ влијание.



Во денешнава статија ќе се задржам на употребата на ова масло за убавина на косата (со оглед на тоа што најчесто го користам за таа намена) и ќе ви објаснам како да го користите и какви ефекти дава на самата коса.

Маслото од макадамија е ектремно ефикасно и функционално кога станува збор за убавината, здравјето и негата на косата. Спас е за сува, оштетена и коса без сјај, благодарение на големиот процент на витамин Е во самото масло, кој го помага кератинот во влакното и на тој начин го забрзува обновувањето на косата и длабински ја храни косата. По употребата на ова масло косата ќе добие неверојатен сјај, станува помазна и полесна е за чешлање. Со оглед на тоа што ова масло активно и ефикасно ја ревитализира косата, таа побрзо расте и е поздрава.

Јас најчесто ова масло го користам на следниов начин: благо ја навлажнувам косата и нанесувам доволна количина за да ја покријам целата коса. На веќе намачкана коса со маслото ставам најнапред обична пластична ќеса, а врз неа пешкир. Ја држам така најмалку саат време а најмногу преку ноќ (во зависност од времето кое го имам на располагање) и потоа убаво ја измивам косата со благ органски шампон. На овој начин косата комплетно се ревилализира, исчезнува ефектот на сува и разлетана коса и добива висок сјај.



Маслото кое го гледате на сликата најчесто го земам од Рим, и освен макадамија содржи и масло од ленено семе, витамин Е и етерично масло од лимон (кои го зголемуваат ефектот на макадамијата и сјајот на косата). Наменето е само за коса. Доколку сакате да најдете чисто масло од макадамија, во тој случај се продава едно од марката bioplanète во продавниците на Биокулт, а цената ако не се лажам е некаде околу 380 денари за 100 мл. производ.

Еве го резултатот на косата по употребата како маслен третман пред шампонирање. Го нанесов на начинот на кој ви говорев погоре и го држев околу 5 часа.





Се надевам дека оваа статија ви се допадна и дека, доколку сеуште не сте го нашле идеалното масло за вашата кожа и коса, ќе му дадете шанса на маслото од макадамија. Резултатите може да ве остават без зборови.

Ве гушкам сите и до скоро читање.

Вики

 

Може некој да ми каже цена на рицинусово масло и чичково масло?

 

Здраво околу 100 до 150 денари најмногу. Не се сеќавам точно ама не се повеќе од 150 денари. Ги има во сите аптеки, во ДМ, во некои супермаркети (Рамстор, Веро). Поздрав

 

Сосема на страна од темава ама се фарбаш? Ако да, каде и со каква фарба?
Бојата ти е преубава, можам да ја замислам на сонце како изгледа.