Ментално здравје - реалност, мода или пропаганда?

Ама го има ова во воведот, не е темата за тешки дијагнози, туку за функционални личности со полесно дијагнози. Тој што има тешка депресија треба да се лекува на психијатар.

 

Како глуп психолог шо онака влегол во државна квота на психологија , мислам дека темава може само да наштети на луѓе кои се борат со ментални болести, со оглед на тоа на каде се води муабетов и замолувам да се разгледа дали да се зачисти или заклучи. @RainBow @theowndemon

 

За читнување - Body keeps the score.
На кратко, постои концепт каде што се случуваат структурни промени во мозокот при поголеми трауми или повтпрувани трауми. Затоа кажав, одговорот на една личност кон безопасни секојдневни ситуација може драстично да се разликува од она што е се рачуна за нормално. Кај некои де, не кај сите. Ама и тие некои не се мала бројка.

И уште нешто. Мислам дека забораваме кај живееме. Не сме во Америка каде што културата на луѓето станува која ментална болест ја имаат. Не треба влијанието на тие трендови да ни го диригира размислувањето. Бидејќи ние сме многу далеку од тој тек на настани, мислам, кај нас во помалите градови уште се кријат дека одат на психолог.

 

Ќе се надоврзам на ова, ќе ги скокнам ти вака, ти онака страните.
Перспективите ви се различни. Пинат пишува од земја кајшто веројатно се лепат дијагнози без критериум. И апчиња богами. Баш е епидемија. Дали на психолошки состојби, дали на дијагнози, не знам. Ти пишуваш од земја кајшто доминантно (не велам ти, Петранка, Станка) се лечат од матичен или сами, со дијазепам или лексилиум (за кои јас знам дека не се најсоодветна терапија) и кајшто општо нема доктори. Јас пишувам од земја кајшто слушам дека немало доволно детски психијатри. И тоа што мене ме загрижува е како стигнавме и каде одиме со ваков тренд ли е, епидемија ли е, да недостасуваат детски психијатри.

 

Она зборува дека псиxијатар и психолог се шарлатани. Ако сака од Тунгузија нека пишува.

 

Не, само психолог, не сите, но најголемиот дел.

 

Ти зборуваш на темава како јас која немам родено да зборувам за пороѓај како е. Некои теми ако не си ги осетила не треба да се зборуват.

 

Баш ме занима ако не дај Боже станеш анксиозна кај кој ќе бараш чаре?

Уствари ти не си размазена, анкс не можеш да добиеш

 

Нека се затвори бе Нена, баш ми е гајле, сакав, отворив, си кажав мислење. Бре!

 

И за лесни дијагнози или што и да е што некому лошо му влијае на менталното здравје треба да се разговара, а не да се потиснува, па и исмејува како да е помалку важно. Зошто од полесно може да стане потешко. Затоа треба да се праат ствари што ќе помагаат околу лесните дијагнози, јас лично си ги споделив моите и тебе ти беа наивни.
Треба да се нормализира разговор за ментално здравје, кое патем опфаќа широк спектар на нешта.
Ако немаш депресија, а ти е тешко, не треба да ти е незгодно да се пожалиш, само за да не ти кажат едно банално "ништо не ти е, brush it off".

 

А зошто мислиш дека психолог е шарлатан, психијатар не?
Има нестручни и во двете области, океј, ама баш ме интересира врз база на што го викаш ова?
Кај нас богами и фалат асални психолози/психијатри. Тој завршил факултет, освен што не препишува апчиња горе доле го знае истото што и психијатрот, не дека завршил курс па практикува терапија.

 

Ама не знам што сакаш да дискутираме, дали постојат ментални болести? Дека не може да се докажат?

 

А да не лежи па овде проблемот, или еден од главните проблеми да речеме?
Чекај не ја отварај тек таа врата...

 

Оти психијатар е лекар, завршил медицина. Другиов читал, не дочитал, ќе повторам, чест на исклучоци. Одговорноста му е поголема на психијатарот, ама што се однесува до мене скептична сум и за едниот и за другиот. Жан Митрев кога можеше толку глупости да покрива, што остана за нешто многу понедефинирано од кардиологија. Да не се правиме луди, знаеме како функционира здравството, особено па приватното.

 

На медицина за психологија ич не се учи. Нема тоа никаква врска, башка психологија трае четири години колку што знам, па лиценца да земат и не е тоа туку така учено недоучено. Не знам зошто имаш толкава скептичност, не е ова продавање магла туку се базира на истражувања и факти, наука е.

 

Ниту еднаш не реков дека не постојат, за тоа дали баш толку јасно можат да се докажат не верувам, ама еве ти си психолог па ќе речам ок, еве ги сликите, така е.

Темата е дека има многу луѓе кои се дијагностицирани или самодијагностицирани од мода. Кои се причините? Бизнис? Продажба на лекови? Транс движење? Веројатно комбинација.

Ајде по 100ти пат за да запаметиме: ментални болести постојат, јеееееее!

 

Сите од моја генерација кои станаа психолози беа потпросечни ученици. Толку.

 

Хелоооууу

Се извинувам што се убацувам вака.. тука ли се пријавуваат психолози за тепање?
Еве не знам кај терам во животов па ако може некој да ми каже зошто сум учела психологија.

Членката што ја отвори темата ако сака дискусија за ПСИХОЛОШКИ теми не треба да ги напаѓа психолозите кои пишуваат во темата и да ги омаловажува заради некое нејзино лично искуство кое било лошо. Не треба да се генерализира, ниту да се шпекулира со тоа колку од нив работат професионално а колку не.

Ако сакаш дијалог на некоја тема, треба и да слушаш, не само да те слушаат.
Инаку е монолог!

Еве како психолог јас слободно можам да кажам дека ја разбирам сепак форумџиката што ја отвори темава и позицијата од каде доаѓа или околностите кои ја довеле до ваквите ставови.

И ги пропознавам во нејзините ставови добрите поенти и прашањата кои вредат да се постават за тема.

Се согласувам со неа дека:

Треба да се дискутира за менталното здравје, без да се става акцент на психичките растројства и болести, зошто фали такво нешто на форумов, нема доволно дискусии за превенција.

Треба да се зборува и за техниките за одржување на менталното здравје, предизвикот како да се чува м. здравје кога сме преоптеретени со обврски и егзистенционални проблеми.

Треба да се преиспитуваат начините со кои се третираат психичките проблеми како употребата на одредени психотерапевтски техники, лекови и колку е се во дадени случаи оправдани, корисни и ефикасни.

Треба да се разговара за тоа која е целта на психотерапијата и да се информираат правилно луѓето што можеби имаат потреба од неа, што може да очекуваат да добијат, што нема да можат да добијат за да имаат реална претстава што е психотерапија, да донесат правилна одлука за своето здравје, како и да се заштитат од измамници и профитери (моментот со зависност од туѓа поткрепа, надрилекари и сл).

И конечно треба да се зборува за поширокиот контекст, односно како да се одржи менталното здравје во модерното општество. Ова е нешто што беше начнато низ темава од некои членки, зошто се менуваат и времињата и светот во кој постоиме.

Ментално здравје е широка тема.
Битна тема.

Треба да се зборува за да се шири свеста кај луѓето и да им се помогне.

Ама се губите во небитни препирки.
Го губите фокусот.

И малку се зборуваше на психолошките теми досега.
Премалку и недоволно според моите забележувања, а знам и дека според другите психолози.
Не е тоа никаков тренд.
Се подигнува нивото на свесност за нив, затоа се поприсутни во медиумите овие теми.
Се појавува се поголема потреба од психолошка помош, затоа се дискутира за нив.

 

И уште нешто.

Менталното здравје е реалност. Исто како физичкото здравје.
Всушност, постои взаемно зависна врска помеѓу нив.
Не можат едно без друго.

Небитно е дали ќе верувате дека постои или не, дали сакате да верувате во психолошките појави, или не сакате.

Како луѓе имате психички аспект од своето битие.
Ваше е како ќе се однесувате кон него.

Само немојте да се чудите кога „наеднаш“ ќе се случи некој психички проблем.
Тогаш ќе морате да го адресирате, сакале или не сакале.

 

Можеби тоа било во твојата околина, не викам не. Ама и успехот во средно не е гаранција за успех на факултет и работа. Ехее колку такви примери има...

Од мода кај нас нема. Кај нас - Мк. Ама погрешно дијагностицирани дали од неслушање на пациентот, дали од мрза, дали од нестручност има.