Мрсна коса

И мене ми се мрси многу косата и затоа ја мијам на два дена , пробав секакви шампони од скапи до ефтини , е сега малку ми помогна користењето на шампонот од лук од Афродита , тој ја суши косата , не ја мрси , исто помага и од коприва од Илирија шампонот , пробајте не губите ништо .

 

И јас имам мрсна коса. Не сакам да ја мијам секој ден затоа што е штетно и за косата, и за скаплот и плус мама вика ако излезам веднаш после миење, ќе сум настинела, познати ви се сигурно тие муабети од мајките и бабите (не велам дека нема вистина во нив). Ја мијам од 2 до 3 пати неделно, а во меѓувреме за да не се познава дека ми е мрсна користам бебешка пудра. Е сега што е штосот со пудрата: ако ставиш малку нема да има некој си ефект, а ако ставиш многу нема да биде воопшто мрсна косата и ако имаш кафена или црна коса се познава белата пудра. Епа јас нанесувам убаво на скалпот и тријам тријам подолго време, ја пафкам косата со рацете, ја челам убаво цело време со претходно навлажнет чешел (чешелот се прави лом од пудрата, особено ако е четка за коса) и главата надолу за да падне пудрата, зашто не е целта пудрата да остане на косата. Пудрата ја впива маснотијата на косата и го остава чисто влакното и веќе не ви треба на глава, што значи останува убаво да ја истресете косата од пудрата. Малку е мачно и одзема време, мене ми треба пола саат за оваа работа.

 

За тој пола час ќе ја измиеш, исушиш, исфенираш и испеглаш косата. Бонус: ќе биде чиста и убаво ќе мириса за разлика од коса нашлакана со пудра.

Јас го имам истиот проблем па ја мијам косата секој втор ден зимата а секој ден летото. Не можам да излезам од дома со мрска коса, ми се чини дека сите гледаат во мене.

 

Знам дека можеш да ја измиеш за тоа време, но мене ми е целта да не ја мијам секој ден, како и што напишав погоре, затоа што е штетно и за влакното и за скалпот, а и тука е ризикот од настинки
А и од пудрата убаво мириса, ќе заборавев да напоменам. Бебешката козметика најнежно и најубаво мириса, според мене

 

Здраво една моја другарка го има истиот проблем (јас имам нормална накај сува коса), експериментиравме доста и еве ви неколку совети кои се лично пробани и истестирани: 1. никако миење секој ден затоа што на тој начин се добива спроетивен ефект, се стимулира кожата да лачи повеќе масти. Подобро е да се остави некој ден (знам дека неможе да поднесете ама верувајте ми природните масла од косата служат и како заштита); 2. Шампони без силикони, верувајте ми силиконите присутни во шампонот ја влошуваат состојбата на масната коса, 3. Никако шампони за масна коса: и овој совет е испробан. Шампоните за масна коса многу често се доста агресивни (чест на исклучоците) и го влошуваат проблемот наместо да го ублажат, пробајте добро избалансиран шампон за нормална коса кој во својот состав содржи коприва или етерично масло од розмарин или чајно дрво; 4. Од време на време доколу се фарбате темно или пак и да не се фарбате пробајте да нанесете на косата кна (црна, црвена или безбојна). Таа има способност да ја чисти кожата на главата; 5. балзам за коса ептен минимално значи една капка и тоа на врвовите на косата никако блиску до темето, држете го само 1 минута и убаво исплакнете и не употребувајте силиконски капки (причина силикони); Ако ми текне уште нешто ќе направам едит.
Ова функционираше за неа се надевам и дека и за некоја од вас ќе биде исто.
Поздрав
ах еве ми текна уште едно нешто го правам и јас што имам нормална коса затоа што дава прекрасен сјај. Веќе го споменав во еден друг пост и ќе го препишам и овде.
500 ml дестилирана вода (или ако немате дестилирана зовријте 500 мл обична вода од чешма и оставете да се олади) со една лажица јаболков оцет и од 7 до 10 капки етерично масло од лаванда (лично мој фаворит помеѓу етеричните масла). Со оваа течност ја измивам косата после шампонирањето (и после балзамот) и не ја одмивам. Кога косата ќе се исуши мирисот на оцетот испарува а оној на лавандата сеуште се чувствува. Косата не само што свети туку има и одличен мирис. Може да употребувате и етерично масло од розмарин или чајно дрво или лимон или пак комбинација
еве уште еден совет ми текна кога говорев за етеричните масла може да ги додадете и за време на миењето во самиот шампон. Една капка етерично маско во малку шампон на раката (количината која обично ја нанесувате за миење на косата) или пак растворете ја истата количина во една пластична чашка со малку вода и додајте го етеричното масло кое дури и за време на миењето ќе биде од корист за вашата коса.
Уште еднаш поздрав

 

Head&Shoulders shampoo 400ml Citrus Fresh. Доколку е сеуште во продажба. Дава одлични резултати.

 

никогаш во животот не сум имала мрсна коса ја мијам само еднаш во неделата.Но слушнав дека треба да се стави бебешка пудр'а на главата

 

Devojki go ima nekoj probano samponot na Lush za mrsna kosa?

 

јас мисалм дека нема врска тоа со косата дали да ја миеш на 2 дена ...зошто сум пробала и по 1 недела да не ја мијам да видам што ке се случи но ништо нема ефекти...штом ја измијам одма после 2 саати шишките почнуваат да ми се мрсаат..чарее мислам дека нема ...мислам дека е до лојните жлезди...до хоромни ..барем кај мене ..кај др незнам

 

Што ли не пробав секави шампони , витамини , маски и пак ништо таква ми е косата и тоа е .Го прифатив веке , ја мијам на 2 ден и така

 

Со поретко миење верувајте дека помага , али треба време и трпение. И јас имам мрсна коса , и таман цела зима ја навикнувам на поретко миење , доаѓа лето и џабе е целиот напор... Не ми се мрси али потта си го прави своето. Шампон од коприва или камилица помага , а друго решение не верувам дека има

 

Јас мислам дека нема лек за мрсна коса, ако коренот е таков нема што да се прави. Секоја втора жена го има тој проблем останатите се со скроз сува коса значи пак е до коренот. И мене ми се мрси сешто имам пробано ама не вреди. 2 дена е добра третиот мора мора да се мие и тоа е, немојте да се замарате не се секирајте се надевам ке дојде модерна доба во која косата мрсна кее дел од тоа па така крај на проблемите со мрсна коса

 

Косата не ми беше баш мрсна до пред година дена отприлика. Од тогаш нагло се смени, почна многу да ми се мрси и морам да ја мијам на два дена. Можеби бидејќи ми порасна прилично долга, па затоа се мрси, не знам Како и да е, користам Шаума, понова врста е овој, во светло розево пакување, пишува дека е за мрсна коса со суви врвови. Добар е засега, го бива
Пред неколку години низ маркети гледав едно масло од бреза на Докторс, пишуваше дека се користи за мрсна коса, се масира скалпот, па се мие. Одамна веќе го немам видено никаде, а би сакала да го пробам. Некој да не го видел случајно?

 

Абе колку и да е мрсна остајте ја само мијте ја на една недела еднаш и има резултати послушајте ме.
Сите другарки ми велат браво како ја одржуваш до половината косата и ич не ти е мрсна.
И само од коприва и кокос шампон.
Позслушајте ме дава резултати ова.
Поздрав

 

Се согласувам и јас сум пробала косата да ја држам по 1 недела така да не ја гибам,и потоа пак истото со све пробав не бидува така да се откажувам,дали е здраво или не ќе ја мијам колку е потребно а кога можам ќе ја носам фатена ништо страшно...

 

Можете се и сешто да првите од надвор, проблемот лежи внатре во организмот. Почнете да пиете Мерц таблети или нешто слично, резултатите ќе ви бидат видливи веќе на пола шишенце.

 

Мене само корените ми се мрсат, надолу ми е сува и поради тоа не се познава многу кога ми е мрсна. Пробував многу шапони за мрсна коса и ниту еден не ми помогна. Од тој од коприва дури и првут имав после третото миење. Видов еден шампон од жен шен за коса со мрсни корени и суви врвови, па планирам да го порачам. Важно е косата да не се мие пречесто, 2 пати неделно е сосема доволно и најважно да си фатите ред кои денови да ја миете и да се придржувате до тие денови, на пример во четврток (за преку викенд) и во недела (за во текот на неделата)

 

Мој совет: пред да го купиш шампонот контролирај ја декларацијата на состојки. Не се ослонувај многу на маркетингот. За да не пишувам цели реферати овде, еве ти линк од две статии кои ќе ти бидат од помош при изборот: за состојки во шампон http://biodevojka.blogspot.com/2015/02/blog-post_12.html и за масна коса http://biodevojka.blogspot.com/2015/02/blog-post_23.html. Потоа ти сама одбери што ќе купиш. Поздрав

 

Resenie e botoksot za kosa,porano ja miev sekoj vtor den sega posle botoksot ednas nedelno,fenomenalen e