Не.. Сеуште мака мачам со мастењето на косата, ја мијам секој ден за да ми биде чиста и свежа но ако ја оставам преку еден ден веќе почнува да ми се масти. Некој ќе рече затоа ти се масти така ти е навикната - Не! Додека траеше карантинот ја миев 2 пати неделно, буквално масло ми течеше Нема што не пробав во последниов период, сите шампони наменети за масна коса,ќе ги набројам: Eucerin DermiCapilare Gel shampoo Ziaja Lavander Loreal Elvive Extraordinary clay Syoss Pure Volume Pantene Aqua Light H&S Lemon fresh Потоа се префрлив на бебешките без сулфати Babylove Malven extract Hipp Johnson's Ништо не помага. Само од бебешките без сулфати го видов спасот колку толку. Првиот ден кога ќе ја измијам косата ми е лесна и лелеава, мириса преубаво.. Ама другиот ден пак иста приказна, од страните кај ушите замастена. Иначе имам средно густа права коса, должина до половина, не ја пеглам често, не знам во што е проблемот..
За мрсна коса спас ми беше шампонот на Lush jumping juniper. Пробај го, мислам и ти ќе бидеш задоволна како што се и повеќето на форумов
Штом гарантираш го земам, се надевам ќе помогне.. Стигната сум до таа точка што да ми речат стави мокрача помага ќе го направам тоа
Сум пробала ама мислам дека уште полошо ми беше.. Ми спласнуваше косата во текот на денот, како безживотно делуваше едноставно си ја осеќав дека не ми е свежа
Јас секој ден ја мијам косата. Прво зошто ми е кратка и не можам ни во реп да ја фатам, второ зошто не сакам мрсна да излегувам никако.. Имам пробувано со бебешка пудра ама пошто темна коса колку и да тријам секогаш бело ми се познава. Сувиот шампон исто. Купив еден од Балеа за џабе го купив. Јас не знам како е повеќе од 48h да не ми е измиена косата. Помагајте..
Ехх, остај тоа како си се осеќала хахах, се шалам. Кога ќе ја нанесеш бебшката пудра протрија со крпа и мене баш уште повеќе волумен ми добива косата, навистина е лошо секој ден миење на косата...
Од балеа и мене не ми се погоди. Од Batista ми беше ок ама не можеш да ја осеќаш свежа како тазе измиена.
Не ја фаќај. Секојдневното миење е огромна грешка.Пробај да намалиш на 2 пати неделно. Смени шампон. Ако не ти одговара сув шампон од Балеа,земи од друга марка.
Јас 24 саати што ја немам измиено ми е масло а камо ли 2 пати неделно. Хигиената ми е на високо ниво и никогаш не би одела со толку мрсна коса на улица. Прочитав горе за тврдите шампони на Lush и ќе се обидам со нив, ама додека траеше карантинпв пробав барем на 2-3 дена да ја мијам и немаше никаква разлика. После 20h веќе е мрсна.
Ист случај сум и јас. Од денес за утре веќе е измастена како цела недела да не е миена. Со тврдиот шампон на Lush - Jumping Juniper некако ми издржуваше до од прилика два ипол дена, меѓутоа е преагресивен (SLS како состојка му е на главна прва позиција), и ми го пресушуваше скалпот до степен да ми предизвикуваше неиздржливо чешање и првут, па морав напоредно да ја мијам, еднаш со него, еднаш со кој било друг течен шампон. И онака беше скап, од пред некој месец уште повеќе ги поскапеа продуктите на Lush и чисто од инает за цената не го купив пак, а потрошив веќе 2-3 такви шампончиња и сигурно ќе го купев пак. Со ниеден друг течен и/или сув за жал не успеав да најдам решение за претераното мастење, едноставно скалпот екстремно многу ми се масти и тоа е тоа, не ми има помогнато ниту нечепкање на косата, ниту оставање на повеќе денови измеѓу миење, баш ништо.
Не,буквално ни регенератор не и ставам, ептен некогаш на врвовите иначе и така ми е мека и кратка и лесно се расчешлува, не ја ни фарбам. Исто. И јас имам пробувано да ја оставам неколку денови но безуспешно. Ти благодарам на инфото за шампоните на Lush. Слушнав и други искуства каде им се појавил првут и многу го исушил скалпот. Епа, изгледа ни останува секој ден да си ја миеме косата до крајот на животот.. *или додека не ни испопаѓа*
Еден од најголемите проб за мрсна коса е честото миење, прочитав и сфакам дека сите секој ден ја миете пробајте барем 2 пати во неделата да ја миете, нормално нема да видите промени уште првата недела, но за месец дена ке забележетеи 2 пати во неделата е многу миење на коса после 2 месеци можете да намалите и на еднаш во неделатаистио проб го имав и јас пред една год. Ако премногу ви е мрсна измијте ја и сплетете ја во плетенки, врзете реп или нес сл. Така нема да ви се познава дека ви е мрсна. И рацете подалеку од косата
Имаше период (испитна сесија) кога пробав да ја мијам два пати неделно, па потоа и еднаш и можам да кажам дека воопшто немаше подобрување после. А го практикував тоа повеќе од месец со сигирност. Доколку скалпот се масти не може многу да се промени тоа. Јас лично не би се шетала со мрсна коса само за да не ја измијам. И не се лажете, се познава мрсна коса, без разлика дали е во реп или пуштена.
Мене на жештиниве многу ми смета кога косата ми е мрсна и се осеќам кога мириса на испотено. Не можам да ја оставам и таква да легнам да спијам на перница, ја мијам. 2-3 дена ми издржува преку сила, обично на третиот ден ја мијам и ми се фаќа 2 пати неделно отприлика. Немам конкретен совет, едноставно се навикнав така и одамна веќе не се мијам преку ден зашто навистина не можам да се дувам со фен и да се фенирам на секое, а од природно сушење коса ми се прави мигрена. Денот по миење ми е добра, после тоа ставам сув шампон и изгледа пристојно, па веќе следното утро се мијам зашто не можам да ја поднесам таква. Многу ми помогна тоа што ја скратив косата ептен, затоа што имам тенко влакно (но густа коса) и тоа што самата тежина на косата си влечеше надолу ич не ми одеше во прилог и косата ми беше масна уште наредниот ден по миење. Кога ја скратив се растерети и во зима немам проблем со прекумерно мрсење, ама сега во лето ми смета па не ја оставам мрсна, не се осеќам убаво. Мрсно си е мрсно, се познава и мене ми смета. Не сум за миење секој ден, но и не ми се допаѓа ни да ја оставам косата нечиста и да легнам да спијам или да вежбам таква и да се запотам уште толку.
И мене брзо ми се мрси. Сум пробала со не толку често миење, не помогна. И со разни шампони. Џабе. Навикнав. Такво влакно право, тенко имам и се мрси одма. Првиот ден е океј, вториот некако гурам и вечерта ја мијам. Ја мијам вторник, четврток и недела вечер. Правам некогаш отстапки секако ако испадне некој настан и слично. Обратно од @Mishela кога ја скратив косата лани, кај шо ми беше права и кратка и уште замрсена, на ништо не личев. Вака долга кога ми е, ќе ставам некоја панделка на глава, па ќе го замаскирам тоа коренот и долниот дел таман чист личи и терам некако. Највеќе такви венчиња/машни ми помагаат. У зима капа, права ствар. Исто и виткана кога ја носам, е тогаш не ми се мрси баш баш. Најубава ми е така. Ми смета мрсна и не можам да ја држам долго толку. Се е до влакното и типот на косата. Ние со права коса највеќе мака имаме со мрсење коса.
