Нема боледување од приватни болници Ограничување на правата на приватните здравствени установи кои немаат договор со Фондот. Нема да се признава терапијата и боледувањата што лекарите им ја пропишуваат на пациентите. Така стои во измените на Законот за здравствено осигурување кои се објавени во Службен весник. Доколку пациент бил на операција во болница која не работи со Фондот, матичниот лекар нема да го пополни боледувањето бидејќи лекарот нема факсимил. За дел од приватните болници што ги контактираше Сител ова е бркање на пациентите од нивните ординации. Велат дека со тоа го ограничуваат нивното право на избор и болните ќе бидат принудени терапијата што ќе им ја пропишат да ја купат приватно, или пак, да одат во јавните здравствени установи. Прашуваат, зошто да нема право на боледување пациент кој одлучил операцијата на колк да му ја прават во приватна болница. Според информации на Сител најверојатно од овие законски ограничувања со посебен правилник ќе бидат изземени породилните боледувања бидејќи многу жени за породување ги бираат приватните наместо државните установи. За здравствените власти, пак, ова е средување на нелојалната конкуренција. Од Министерството за здравство велат дека установите кои немаат договор со Фондот не подлежат на никакви инспекции и никој не ги контролира што и како пропишале, за разлика од останатите каде често им доаѓа фондовска инспекција. извор: Сител телевизија
Уште една глупост на денешната ни власт. Уште да ни каже од каде да дишеме воздух за да за нив има повеќе
јас се шокирав кога прочитав. Се само за да го уназадат човека. Треба да одам на Клиника да ми закажат интервенција за 10 месеци и да умрам до тогаш??? А истата интервенција во Систина или ремедика ми ја прават за 5 дена и ми спасуваат живот, ама нема боледување. Катастрофа.
Глупост невидена! Денес го носев малиот на преглед во приватна специјалистичка ординација, зав ршивме работа за 20 мин место за 3 часа колку што најмалку ни треба на Клиника, и кога отидов кај матичната по рецепти вели дека не смее да ни напише рецепи по препорака на специјалист кој нема договор со фондот... И сега? Да чекам на Клиника со болно дете 3 саати? А бе се на полошо прават... P.s. Мислев да не гласам на избори, ама морам некако да и кажам на власта дека прави ужасни потези со вакви глупави одлуки кои не чепкаат во најважното...
Се повеќе се сведува на приватно, не само болниците. Ова за боледувањето е глупост, демек за да не оди народот по приватни туку по државни ако сака рецепти и боледувања! Ам ако имам пари ќе одам во приватна болница, ќе завршам работа, ќе ми посветат внимание како што треба! Човек кога оди на болница оди зашто има мака и сака да зарши работа на време, ама во државниве дали можиш да чекаш... Ем е катастрофа, ем се тресат глупости со уште поглупави закони или што и да се..
Ова е нешто најкатастрофално што воопшто можеле да измислат, прво е нечовечкки а второ се коси со со уставот и е против уставно, само се чудам до каде со глупостиве ке се оди.
Здраво, има ли некој поново инфо дали следува боледување од матичен лекар доколку операција се врши во приватна болница.
Здраво, дали случајно некој знае дали има промени во врска со ова, т.е. ако приватен специјалист предложил боледување тоа да се прифати и отвори од матичниот лекар?
