Ние околу и преку 40...

Добро утро, бебе заспа јас појадувам.
Синоќа, или поарно да речам сабајлево комшиката од спроти се мафесуваше за све паре слушаше цело маало. Само молев бога мм да не чуе и да не добие некоја фикс идеја.
Познати од форумов немам, барем сеуште никој не ми се претставил ама се надевам годинава на одмор Бошка да ја запознаам па ќе ми биде контакт персона за "недајбоже".
Денес на мајка и е роденден, ќе одиме да части торта, мене ми беше во план да и уплатам маникир и педикир кај нејзината маалска козметичарка. Да се освежи малку
Колку што не ми се враќа на работа поради времето поминато со децата толку и сакам да одам за да излезам од оваа секојдневна монотонија. Битно трачевите од работа ги знам, не ме оставаат незапознаена.
Кој сака црни високи мажи еве мојов го давам поволно, ама нема враќање, кој го земе негов си е. А мене после ич никој нека не ме зима, не чинам јас.
Убав ден на сите

 

За утеха, не си сама.
На претходно работно место, фати страшна олуја, а јас истрчав надвор да ги спасам двете цеќиња.... вештачки

 

И за зафрканција ќе треба да се бранам сега, особено кога изразот никогаш не сум го користела во таква конотација
И со лешници е добар бизнисот, раѓаат бааѓи дрвцата. Сирење не јадам воопшто :/ За земјоделството овде да ви кажам...што зеленчук е тоа кога производителот за свои потреби башка си сади, од ова за пазар ни тој ни на децата не дава да јадат :/

 

За компромис сум но,не со секој.
Зошто јас го почитувам мојот дел другата страна не, но има луѓе со кој стално сме во некаков компромис.

Закони почитувам ептен сум паничарка и плашлива да не ги почитувам но се разбира жив човек и греши па и јас кршам по некој мал закон.

 

Кај мене во двор лешници дрва сами никнуваат, штета што имам мал двор и нема многу сонце

И за дај Боже
Мене во лето тоа што правела на Евгенија комшиката ми е најголем кошмар, широко отворени прозорци, ладничко време е кога е мртва тишина а јас имам 100комшии околу куќава

 

Добар ден!

Работа завршена, да станам да вежбам сега.

На тема компромиси, зависи за што. Се трудам да бидам open-minded постојано, ама ако другата личност сака да се инаети и слично, јас можам дупло повеќе инат да бидам. Мене не ми менува многу ако компромисот е наложен од некој со поголем авторитет, се додека сметам дека јас сум во право, нема шанси да попуштам. Принципи, тоа е.

Закони почитувам, од најситни работи, па до поголеми. Како во глава да ми се кодирани правилата, не ми ни паѓа на памет поинаку.

Бубале ќе најдеш друга работа наскоро!

Имајте убав ден!

 

^ Затоа е најдобро тие работи да се прават со затворени врати, прозори, завеси, ролетни.... херметички затворено Ама па оди затвори во Македонија во лето да те видам, да умреш од жешко Е затоа северот е супер Ни има потреба прозор да отвориш, а и да отвориш далеку се нема да те чујат.... Додуше, се слуша од кај комшиите горе во купатило кога се тушираат заедно што прават, ама овде никој нема срам од тие работи од оваа област. Голи си шетаат дома со ширум отворени прозори, голи се сунчаат на плажа во центар на град..... Не се замараат кој и дали и што видел.

@kravce , да поседиш малку на друго место може ќе го смениш мислењето за напуштање на мајка Македонија Овие овде многу се мераклии на се’ што не е локално и е дојдено од страна. Ова колку за инфо

Компромиси постојано правам. Не сакам да губам време и нерви во докажување и наметнување мое мислење и став и одлука. Мислам дека во компромис двајцата се ***на страна, не само едниот, и двајцата прифаќаат решение кое не им одговара. Ако на едниот му одговара, тогаш тоа не е компромис, туку наметнато решение/одлука. Закони сакам да почитувам, и ги почитувам. Од кожа се вадам кога некој намерно избегнува почитување на законот. Затоа и повеќе ми одговара ваков тип на општество и држава во целост и повеќе се најдов тука

 

Добар ден.
одамна не сум пишала.. ме мути глава денов нешто ко Иви се осеќам. Осеќам се фрустрирам. Не сум човек што чека од друг. Никогаш. Па ни на 18. Ама во фаза сум каде се чека од мене се. И ме фрустрира. не на глас кажано ама знам дека е така. И мој мој преку мој ми е. Осеќам дека со една нога влегов во промена. Без да решам без да кажам без да речам доволно е. Промените очигледно преку ноќ се дешаваат кога организмот ќе се презасити. И ок е. Ок сум со тоа. Барем најмилото ќе има корист. Енаф ис енаф.
Убав ден да имате.

 

Добар ден!!!
Станата од рано бев крвна слика да направам да видам до кај сум ,значи петка да ми пишете кој не оди на контроли не оди ама јас редовно одам ...
Дома средив вчера се денес наработа да поработиме ништо друго ново се нема ...
За компромис сум и јас не сум човек што се инаети ,или држи лутина но секој е приказна за себе..
Бубале не се грижи се ќе најдеш ти работа друга..
Убав ден да имаме!!!

 

@green.eyes гуглс визер флајтс они мераклии за туѓо, ја мераклика за нивно, таман
Не знаев дека ќе дојде ден зборот мераклика да го користам

итсаџоук

 

Сакам закони. Ги обожавам. Сакам и подзаконски акти. Сакам да наоѓам неусогласеност помеѓу нив, да се изненадувам од предвидливоста на законодавецот, да се нервирам од глупите одредби, да дискутирам и да се расправам.
Сакам втори мислења. Кај правниците важи она quot capita, tot sentae. И многу го сакам тоа. Сакам постари правници, кои резонираат. Сакам кога разговарам за членови и по членови. Сакам реченици од типот, шо мислиш за член 159? - Па точка 4 од членот не е баш добра, кога ќе ја видиш алинејата 1 од следниот член.

Како мало дете се радувам кога треба да читам нов закон. Ме нервира кога не можам да ги најдам сите подзаконски акти. Коса ми крева од лошо повикување на некоја одредба. Или лошо толкување.

Компромиси мразам. Сакам европско право, не англосаксонско. Сакам се да е напишано и да има уредено веќе. Таму нема компромиси. Јас викам добро, кога знам дека сум у право и не се убедувам за субејктивни мислења. Ама кога е објективно, кажувам став и прекинувам и веќе не се замарам и не правам компромис. терам по мое. Кога е субјективно попуштам секогаш.

Се гледа колку сакам закони? Омилена книга ми е Закони од Платон. И Држава ја сакам. Ако некој сака да ми купи поклон за роденден, ете тие две книги дајте ми ги. Аристотел ме научи да го сакам општественото уредување.

Среќа што го работам тоа што го сакам.

 

Добро утро,
Леле да ви кажам колку ми е слабичко детево, а колку е силна Инаку има 2,5 години. Пробавме и на сила(после 1ч.молење) и почнува да плаче и така го повраќа. За во сокче не сум знаела дека може или така во чаша за "на здравје" ама верувајте толку е итрица и инает што кога ќе проба само знае што е, и не сака и така нема да ја испие цела доза.
Чепчиња ставаме наизменично, ама морам со мм, вчера ем го криев ама претпостави и се вртеше низ креветот и се дере на цел глас. Од една страна ми се плаче, а од друга кога ќе ка видиме со мм како спие со раката врз цуцлата во уста(за да не и дадеѓе сируп) се смееме ко луди.
Ме измори овие 3 дена. И се разлигави многу, а и голем инает е. И викам само оздрави и после ќе јадеш по газот од мене за ова што ми правиш

Бубаче мила, знам сега не мислиш така , ама секое лошо е за добро. Ќе биде нешто подобро од ова, така требало да биде. Сега малку опушти се , оти се ти се собра годинава. Те

Луѓе, фала ви многу за советите, знам ве "утепав" со моите постови деновиве, ама многу тешко било ова мајчинството.

Убав ден

 

Добро утро куклички
Мене веќе ден ми е . Од 05:15 сум станата . Изгледав две -три епизоди од турска серија , па зедов да ве читам . Многу страни ми се собрале . Ама ве исчитав .

Нека завршат веќе лошите работи. Ич не сакам да слушам за болни дечиња . Ептен сочувствувам . @flower30 .

Маже сабајле пред да оди на работи отиде у двор да ми набере капини . Ми ја донесе чинијата со капинки, ама го вратив. Викам џабе си берел ако не си сликал од кај береш. Како ќе се пофалам на феминИ колку ме гледаш . Што да прави "куртиот" отиде и сликаше. Добро е што ни се ептен во двор , инаку не ќе да ме
тинтреше до толку .

Ај да се завоЧеме

 

Има ли потешко од мајчинство?

 

Аман бубче човекот кај што ти набрал и ти донел уште си го пратила да се сликаимаш стварно прекраден сопруг чувај те се сакај те се за секогаш.

 

Добро утро!

Денов со будење и гушкање ми почна..ама не од мм туку од другиот омилен маж во мојот живот-синко...

Денот кај мајка ќе се врви...така падна договор вчера...

@flower30 мораш малку макар и погрубо ,сосила...ако не спаѓа со чепчиња мора сируп...пробај со шприц..не запамтив како го даваш...
Моите пијат без проблем ама имало моменти кога не сакале...стегам раце ,нозе и во аглите од устата пополека вбризгувам..
Јас сум "лоша" мајка кога се работи за нивното здравје..
Подобро тоа малку да плаче, без разлика дали е сируп,инекција или вакцина,отколку јас не дај боже од полошо покасно да плачам...

Бубале,некогаш една врата се затвара за подобра да се отвори...

 

Најдела па зајдела вика мајка ми .
П.с не го измачив до толку де .
У двор ни се ,две мин работа .
Инаку ,како ќе се пофалеФ ?!

 

Ма ти само фали се, обожавам да те читам и на здравје да ти е

 

@LiliBoz Силна си ти мајче.