Па они се најзатекната институција, секоја година се изненадени И да се дополнам, не знам дали имаме тука ученици/родители со кои некој разговарал за тоа што се потешкотиите? Наставниците некој ги има анкетирано воопшто? Јас проблемите ги знам од што имам блиски кои ми пренесуваат, но за воопшто било што да се решава треба да се идентификуваат проблемите прво, а кај нас се сомневам и тоа дека е направено. Ако е, тогаш барем за тоа браво да кажеме.
Ќерка ми заврши 8мо одделение, проблемот беше што од 12 предмети, само еден наставник им држеше редовно предавања. Останатите не се појавија воопшто, освен што им испраќаа материјали за учење, домашни и тестови - кои дома ги решаваа без уклучена камера и микрофон. Во превод, воопшто не работеа.
Апсолутно ми е јасно. И сега нема механизам како ова вие да го пренесете на релевантни институции, ни па нешто ќе се преземе ако реагирате освен што ќе си го навлечете гневот на наставниците. Нема систем на санкции пред се. А верувам и наставниците кои се трудат се соочуваат со потешкотии. Јас знам за праќање материјали на ФБ и Вибер, тоа е катастрофа. На толку алатки денес навистина зборува за компјутерската неписменост генерално. Што ако родителите не сакаат да користат социјални мрежи?
Да ве известам дека добив 8000,00 ден -плата за месец јуни,пола осигурана Ако и ова продолжи вака од септември напуштам работа под итно. Сеа газдава ни дава по час, два колку да имаме.
Од МОН рекоа дека секоја општина сама треба да организира начин на спроведување онлајн настава, од општината до секое училиште испратија допис дека самото треба да организира онлајн настава, училиштето ни кажа секој сам да ја осмисли онлајн наставата, и така... Па добивме oд држење часови на zoom, преку споделување видео содржини и онлајн вежби, до напатствија од типот- за овој месец еве ви ги содржините па вие читајте си низ учебникот кога сакате, на крај ќе ви пратам тест. Без јасно усогласен став и обуки ништо не правиме... Периодов (15 јули-15 август) користиме колективен годишен одмор, за време на годишен одмор законски не смее да бара некој од нас било каква работна ангажираност. Можеби почнале со обуки за некоја платформа, ама на ниво на обучувачи кои по враќање на работа ќе треба да не обучат и нас поединечно. Беше направена анкета за тоа дали и колку располагаме и ние и учениците со компјутери и пристап до интернет, ама освен анкета ништо друго немаше. Има некои најави дека ќе ни дадат службени лаптопи, а исто ќе добијат и учениците кои немаат, ама останува да видиме. За волја на вистината, и не сум должна од свој џеб да купувам средство за работа.
Секако дека не си. Тоа исто како да си метало-стругар, и фирмата да ти побара струг од 1000 евра да купиш
исто, со мала разлика што 12 од 12 не држеа предавање само се праќаа материјали и тетсови се држеа во одредено закажано време. точно, зошто би купувала, треба да обезбедат.. А што мислите за она пола пола да одат децата? да има по 10-12 деца во одделени, едни една недела, другите друга недела??? @LollySky ?? би можело нешто такво да се организира?
Не знам колку ќе можат да ги допазат на одмори, по ходници, па јадењето, па во вц, па по двор.. Треба цело време да има некој до нив присутен и да ги потсетува. Малите оти се мали, поголемите, оти мислат дека се големи (за основно зборувам). Така мислам...
И останатите што не се појавиле, а им праќале материјали на децата си ја завршиле работата, според МОН. Можам да ви пратам допис од МОН каде што за одржана настава се смета и онаа како горе наведената. Во случајов најмногу потфрлија институциите. Немаше никаков план или упатство како да се изведува онлајн наставата. Сите ние што држевме часови преку zoom или microsoft teams, го правевме тоа самоволно. За начинот на изведување на наставата немаше никаква контрола и заинтересираност, ни од МОН ни од БРО.
Епа затоа сега би било разумно, да ја бојкотираме сите наставата... и родителите, и наставниците, додека власта (која и да биде), не си го реши проблемот соодветно. Ние ги бираме, ние можеме да ги смениме.
@andrejko82 , неизводливо е од причина што ние како наставници сме истите, на пример ако закачиме вирус од едно дете, ќе го разнесеме во сите одделенија каде предаваме, па другата недела на тие деца што не биле претходната недела, и така... Не може да се запази хигиената до степен на потполна дезинфекција на училници, ходници, тоалети, кваки на врати, клупи, столчиња, спортска опрема... Знаејќи ги нашиве деца, повеќето од нив носат униформа само на час, на одмори се соблекуваат, па истото ќе го прават и со маските, ќе ги носат пред нас а само што ќе бидат без надзор ќе ги тргаат. Се гушкаат, бакнуваат, си позајмуваат училишен прибор, играат надвор, кога не ги пуштаме надвор беснеат низ училница... Ако часовите се скратени и без одмори, би добиле непрекинат час што трае три саати, се менуваат само предавачите. Во тој случај невозможно е да се задржи вниманието и концентрацијата на учениците, со класична настава веќе се уморни на последните часови, а не пак ако немаат одмори. Мене би ми било многу полесно да држам часови на училиште, ќе можам индивидуално да гледам кој што работи и колку сфатил, дали сам пишува вежби и домашно, препишува или родителите му пишуваат и сл. Ама од епидемиолошки аспект, побезбедно е онлајн настава, ама вистинска ефективна онлајн настава а не импровизација колку да се каже дека имало настава.
Од фебруар/март изигрувам наставник ( 3.одд оосновна) само ни испратат наставна програма за одреден ден, листови за принтање и ти снаоѓај се. Ај јас што се впрегнав, бев дома, па си го организирав времето секој ден за да учиме, а да одам на работа плус, многу тешко. Знам многу деца коишто пропуштиле многу, едноставно родителите не можеле да ги натераат редовно да пишуваат и следат програма, или не сакале, или од други причини, сметам дека децата изгубиле. А како ќе е тек со првачиња годинава? Воопшто ме сакам ни да помислам како тие и нивните родители ќе влезат во шема. Од друга страна во странство практикуваат хоумскулинг, може и ние да ги гледаме бенифитите од тоа, секој родител се посветува најдобро што може, за своето дете работиш, тоа ми мене и беше мислата цело време мада ми беше и фрустрирачки секој ден да глумам наставник, додека тој што треба да му е наставник од дома само стисне "испрати фајл". И ова ми доаѓаше наметнато, друго да е избор и самата да се оддлучев за хоумскулинг. Ако би било овака како што поминавме последните месеци, тогаш одговорот би бил: Не, не сум за онлајн настава.
- Кој ќе ги чува децата ако не одат на школо? - Ако имам две деца на возраст од 7 и 9 год, значи ли тоа дека ќе ми требаат два лаптопи за да можат децата да пратат настава? - Дали родителите ќе земаат пола плата на наставник?
За да вооппто почне да се планира задолжителна онлајн настава МОРА на СЕКОЕ дете па и на наставниците да им се обезбеди техничка опрема(лаптоп и интернет)И техничка подршка за да се снајдат на тие платформи.Е тек тогаш може да се зборува за онлајн настава. Се друго ќе биде импровизација и хаос поголем од ланскиот. А тоа е нормално неизводливо во нашата сиромашна земја која наместо во образованието инвестира во кампањи и повеќе се грижи за угостителите отколку за учениците.
Не мора лаптоп, може и од телефон да се следат предавања и да се полага, конкретно еве на Microsoft teams платформата. Пола студенти така полагаа. Не е ништо невозможно. А телефон денес и деца од 4г имаат, не па деца во школите. Со многу ретки исклучоци.
Затоа наставниците ќе мораат да предаваат. Нема изговор за тоа да не се вклучат и да не одржат час. Не ми е гајле што им рекол МОН, нивната задача е да одржуваат часови. Ако не им се допаѓа идејата, нема ни плата да земаат. Реков, пролетва толериравме, оти ај, ново им е, 'збунети' се. Сега нема простор за 'збунети'. Ако не предава, го пријавувам, и го посочувам на групниот чат конкретниот наставник дека не работи со децата и за ку*о здравје зема плата. Не дозволувајте да ви префрлаат обврски кои не се ваши, ами нивни. Плус платени се со наши пари да го работат тоа.
