Онлајн настава

Ова малце безвезе. Пола дома пола у школо

 

Според мене одлукава е ок.
Најмалите ќе можат да се описменат, а притоа да бидат колку- толку безбедни со тоа што цели училишта би се пренамениле за 3 генерации/ одделенија.

 

Во превод овие од министерство: "Не мрзи да се замараме, па еве ви една опција што прва ја смисливме. После вие правете што сакате."

Тотално неозбилно и неодговорно.

 

Не мислев на тоа дека од четврто нагоре нема да идат. Туку пола од родителиве на дечињава до трето одделение нема да ги пуштаат во школо чим пишале дека може и онлајн да следат настава а може убаво да ги распоредат низ цело школо.

 

Токму така

 

Ова им се "избрзани" одлуки и од "ракав" донесени, и тоа под временски притисок на родителите и просветарите, да кажат еве донесовме конечна одлука,а не се земени сите опции во обзир

 

Е, шо и фали на одлуката? Добро е што дадоа избор родителот да одлучи дали сака да оди детето во школо или дома онлајн да учи, полошо ќе беше да немаше избор. Јас не би пуштила мало дете во школо во пандемијава да бидам искрена.

 

Мислам дека е во ред тоа што решиле на помалите да дадат избор на родителите.
Најдобро е одлуката за своите деца да ја донесат родителите, а не министерството.

 

Владата на Република Северна Македонија на денешната 81-ва седница ги прифати препораките на Комисијата за заразни болести за организирање на наставата во основните и средните училишта согласно кои образовната програма за 2020/2021 година треба да се одвива онлајн со следните исклучоци:

1) Учениците од прво до трето одделение да посетуваат настава со физичко присуство во училница, согласно капацитетите на училиштата за спроведување на планот и протоколите на Министерството за образование и наука и со одобрување од родителите.

За учениците кои имаат хронични болести, наставата да се одвива преку далечина (он-лајн).

2) Настава со физичко присуство во училница може да се реализира во училиштата со обезбедени санитарно – хигиенски услови за одржување на општа и лична хигиена наведени во Протоколите, согласно епидемиолошката состојба во подрачјето/општината, но само доколку основачот на училиштето поднесе барање до Министерството за образование и наука со образложение за исполнетоста на критериумите и условите согласно протоколите и исклучиво по добиена согласност од страна на Владата на Република Северна Македонија, по претходно добиено позитивно мислење од Министерството за образование и наука и Комисијата за заразни болести при Министерството за здравство.

3) Во училиштата кои имаат паралелки во кои се одвива дуално образование, практичниот дел од наставата, во компаниите, да се одвива со физичко присуство на работно место, со почитување на општите протоколи за заштита и на протоколите на компаниите каде се изведува практичната настава.

Владата денеска донесе заклучок да се разгледа можноста да се обезбеди финансиска поддршка за работодавачите, преку Фондот за здравствено осигурување на Република Северна Македонија или преку нов пакет на економски мерки, за родителите на деца кои се запишани во училиште и се до 10-годишна возраст, а во моментот се ослободени од работа и работни активности преку користење на мерките донесени од страна на Владата, имајќи предвид дека истите ќе продолжат да бидат ослободени од работа и работни обврски доколку нивните деца следат настава со физичко присуство, или пак, настава преку далечина (он-лајн).

Дополнително, Владата ги задолжи Министерството за труд и социјална политика, Министерството за образование и наука и Министерството за информатичко општество и администрација, да ги разгледаат можностите да се предвиди и извршување на работа со скратено работно време или работа во смена за оваа категорија на лица кои во овој момент се ослободени од извршување на работа и работни активности со физичко присуство на работното место.

Имајќи ги предвид горенаведените заклучоци, Владата го задолжи Министерството за образование и наука, во соработка со Комисијата за заразни болести при Министерството за здравство да подготви и за наредната седница на Владата на Република Северна Македонија, што ќе се одржи во текот на оваа недела, да достави финални, усогласени планови и протоколи за одржување на наставата во основните и средните училишта во учебната 2020/2021 година (начин на организирање на наставата, електронска платформа за учење на далечина, носење на лична заштита, број на ученици во училница, број на одделенија/класови и слично, согласно трите модели за одржување на настава).

 

Може имате назад пишано, се извинувам ако се повторувам. Имам едно прашање, зошто само до трето одделение ќе може да се бира како ќе се почне школската година? Објасниа ли зошто е тоа така?

 

А за наставниците има ли нешто дека мора да извршуваат настава? А не како предходно.

 

Што и фали?

Прво, има наставници што предаваат англиски јазик 1, 3,4,6,7.. во различни одд и паралелки, и со овој начин, ќе треба да работат и онлајн со 4-9 одд, и физички да се присутни на училиште со ученици од 1-3 одд што одзема многу време.

Второ, не знам како би функционирал системов "по желба"??

Сите можат да извадат извештај од матичен дека детето има хронични заболувања(што доста често во пракса се користи овој метод/ или народски кажано - оправдание)

Па секој родител може да "ескивира" кога сака со детето, и поучени од минатите години, да ја иавести учителката 5 до 12.

А притоа учителката е должна секој ден да оди на училиште(патува со јавен превоз) а во училница да пречека неколку ученици.

Трето, ќе има ли кој да ги згрижи овие деца после 2,5 часа училишна настава?

 

1. Во моето основно од 1-3то беше една наставничка англиски, за 4то и 5то друга и од 6то до 9то други.
Ќе се организираат и да има такви, 20те часови неделни ќе си ги предадат. Во петок пример со 5то одделенци, во понеделник со 1во одделенци. Школото си е должно да си направи распоред на сите шо им одговара.

2. Зошто не секој родител сака да му оди детето во школо сега и има услови од дома да му обезбеди онлајн настава. И нормално, не се нормални услови, треба да има избор. Гледаш родители ќе потпишат дозволи за одење во школо, не е туку така. Ситуација со која првпат се справуваме е, мора да има избор. Сепак се мали деца и родителите одговараат и одлучуваат за нив. Фер е да има избор.

3. Па сите одат на работа. И тие во маркети и тие во фабрики, па и со автобуси и работат со луѓе. Така ќе одат и учителите . Можно е и другите наставници да се во школо, од таму да предаваат онлајн, не само тие од 1-3то. И така треба да биде. Треба да се вложат и да се обезбеди квалитетна настава.
Нема поента да седат дома со месеци и година да фати и пак целосна плата да земаат, а еднаш неделно домашно од троседот у дневната шо им е да праќаат. Треба да се заангажираат.

 

Си барате изговори да не работите, само толку ќе ти кажам.

 

А зошто да одзема многу време? Како работи во нормални услови? Остатокот од народот 40 саата неделно работи минимум, како е ова повеќе? Не ми кажувај пат работа - дома, зошто никому тоа во работа не му се смета

 

Видов си доедитирала за тоа со кој ќе ги чува и зема децата +.
Епа може да се направи за тие дечиња (кои сигурно ќе се во помал број, кај нас памтам целодневна едвај 20 деца одеа од 160 во генерација...), да останат да ги чуваат уште некој плус саат во помали групи од 5-7 дечиња на пример и за тоа време да пишуваат домашни, нешто да ги занимаваат...

 

Во нормални услови оди на работа, завршуваат часовите, и дома си продолжуваат со своите приватни обврски.

 

1.не се знае
2.да
3.не, се расзбира дека НЕ!
4.Ќе значи дека родителот ќе седи дома, но нема да е ослободен, што значи отказ.