Цццццц.... Каде им се родителите?!? Дали свесно ги ставаат децата во оган и на тапет?! Чиста "злоупотреба" на наивни дечиња, за остварување на некои "свои" цели... Јас пак не можам да сфатам како, и врз кој основ МОН "потклекнува" на "протестиве" на средношколциве?!
Лани матурирав, а никад не сум слушнала за овој сојуз на Средношколци. Или сум стара или е формиран годинава заедно со факултетскине собранија можеби? После изјавата на Заев дека сите во тие студентски собранија се НЕГОВИ ЛУЃЕ и се КОНТРОЛИРА тој, сигурна сум дека ова е сосема исто. Им дале насоки да протестираат таму партиски мини полтрончиња, па да се видат со сите од влада и да биде како еве ние работиме, ги слушаме младите. Сакале да одат во школо како не, кога одев во школо поготово 3та и 4та само 7-10 души редовно одевме на настава и седевме на 7-8ми час од 30+. Повеќето дома викаа дека се у школо, а се шлаеја со дечковци или по кафиња од јутра до сутра дремеа. Сега одеднаш им се приоде во школо на сите. Туку така им диригира партијата. Провидно е. Срамота за дечињата што ги користат за ова. Сигурно им се братчиња мали на овие шо протестираат.
Малите деца беа со родителите што штрајкуваа за физичко присуство во училиштата,а не со средношколците,имаше мајки со деца колку што видов на тв. И се мислам ниту ќе има квалитетна онлајн настава,ниту пак ќе тргнат децава и од 1 ви октомври во школо. Тешко на сите со ваков образовен систем
Лелеее циркузи...30 деца се собрале, еден клас и ова го нарекуваат протест. Ако на некој му се учи ќе си учи и од дома и во школо. Кога бев средно, особено 3та и 4та година материјалот сама си го учев дома бидејќи од една страна школските не беа сериозни и часовите беа како на пазар да сме и од друга страна професорите "губеа" желба да предават бидејќи сме биле немирни. Се разбира, изговори еден куп како и сега. После голем одмор сите на кафенца од јутра до сутра или на мотор со дечковците па сега им се учело бе. Смешки
Обраќање на министерката за образование и наука Мила Царовска до наставниците пред почетокот на учебната 2020/21 година Драги наставници, Сите ние оваа учебна година се наоѓаме пред голем предизвик, а тоа е како да го заштитиме јавното здравје, но истовремено и да го започнеме образовниот процес. Секој наставник, ученик, студент има свои лични желби и размислувања како треба да изгледа оваа учебна година и тоа е разбирливо и оправдано. Сепак, врвниот приоритет на Владата е да го заштити здравјето на децата, нивните родители и наставниците истовремено обезбедувајќи ефикасен образовен процес. Ова воопшто не е лесно да се постигне и тешко дека постои идеален модел кој ги гарантира двете. Сепак, лично сум убедена дека комбинираниот модел на настава е најдоброто решение во овие компликувани услови. За реализација на овој модел, веќе се подготвени и усвоени протоколи за учење со физичко присуство, а во тек е и изработка на единствена национална платформа за учење на далечина. Верувам дека до 1 октомври ќе бидеме целосно подготвени за почеток и реализација на ваквата настава. И покрај тоа што работиме во услови на голема криза, нашето внимание мора да остане насочено кон градење на современ образовен систем. Систем кој ќе создаде прогресивни идни генерации за да ја движат државата напред. Затоа, од вас просветните работници очекувам да го дадете својот максимум во пренесувањето на знаењето на учениците. Образованието го менува животот на секој човек, тоа е основа за креирање можности и личен развој. Децата е важно да одат во училиште за да стекнат соодветно образование, но еднакво важно е да ги научат и основните животни вредности. На децата им треба квалитетно образование кое ќе им помогне целосно да го искористат својот потенцијал и да ги зголемат шансите да станат среќни, здрави, успешни и корисни членови на општеството. На децата им треба квалитетно образование што ќе им помогне да се развијат во учтиви, самоуверени, критични и добро интегрирани личности во општеството. Иднината на секое општество зависи од децата. Тие се идните работници, родители, наставници, доктори и политичари. Тие доаѓаат на наше место. Ако ние денес не им обезбедиме основа за здрав и продуктивен живот, тогаш ја ставаме нашата иднина, просперитетот и безбедноста во ризик. Затоа не смееме да чекаме. Не смееме да си дозволиме залудно да потрошиме ниту еден час од работно време наменето за школување и воспитување на децата. Не смееме да си дозволиме залудно да потрошиме ниту еден денар од парите наменети за образованието. Секој час и секој денар да го посветиме на подобро и поквалитетно образование. Јас верувам во еднаквоста и се борам за неа. Секое девојче и момче каде и да живее, мора да има еднакво право и пристап до квалитетно образование. За ова ќе се борам во мојот мандат. Ве охрабрувам да се приклучите и да ме поддржите во процесите коишто ни престојат. Мојата заложба како министерка во четиригодишниот мандат ќе биде: суштински реформи во основното образовние, јакнење на средните стручни училишта, подобрување на оценките на меѓународните тестирања коишто ќе станат наша национална гордост и враќање на достоинството на просветните работници и нивна лична мотивација. Со секој од вас планирам лично да се сретнам, запознаам и разговарам. Патот заедничи ќе го трасираме и изодиме. Нема да биде лесно, но сигурна сум дека со посветена работа, ќе создадеме образование со коешто сите ќе се гордееме. Да го дадеме максимумот од себе за нашите деца. За иднината на државата.
Овој Сојуз врска си нема со тој првобитниот од пред 5 години, кога масовно протестираше и бојкотираше цело Скопје, се гледа дека ова е некое фиктивно тело за некоја цел, па уште одма прием кај Венко, абе 2 месеца кампувавме пред МОН па ни остана екстерното а не па Грујчо да не прими
https://www.instagram.com/p/CEoZJmin-Md/?igshid=xz458iftk5rn Погледнете го ова. Ај сеа да ве видам со глупиве протести!
Ako kje bidi vakva nastavata kako shto pisha chlenot @Ahoy i jas sum za. No ako e kako shto beshe, ne doagja vo obzir da sum za.
Без разлика дали има корона или нема и без разлика дали ќе има онлајн или физичка настава, тие школи треба да се средат и доведат до некоја нормална состојба, а не да се помириме дека ете, такви се условите, нема друго чаре. Ако е така и куп деца немаат свој лаптоп па според тоа би требало физичко. А решението е државата да обезбеди средтсва за тие деца нели?
ОПШТИНА БИТОЛА ИЗДВОИ 120.000 ЕВРА ЗА КОМПУТЕРИ И ИНТЕРНЕТ ЗА ОНЛАЈН НАСТАВА ВО СИТЕ ОСНОВНИ И СРЕДНИ УЧИЛИШТА
Може. Во Министерство за образование, Во Државен инспекторат за образование - попрецизно. Уште да завршат каде што треба парите, а не во нечии џебови... и тамам ќе биде.
Во средните училишта низ Скопје се спроведува анкета која ќе покаже колку деца немаат електронски уреди како таблети и компјутери за да следат онлајн настава. Градоначалникот Петре Шилегов, вели дека за било што, градот може да нема пари – но средства за обезбедување на опрема за учениците, ќе најдат. „Ќе најдеме средства. Многу е важно за што ги трошите јавните пари. Ние во Скопје имаме околу 24 илјади средношколци. Не се сите социјално загрозени. Ете да се 10 проценти. За мене, непоимливо е да не можеме да помогнеме на 2.000 семејства за своите деца да набават доволно квалитетни средства, за детето да ја следи наставата. За било што може да нема пари, за тоа мора да има пари“, рече Шилегов. Резултатите од анкетата треба да бидат готови во скоро време, бидејќи наставата во училиштата треба да започне на 1 октомври. „Во моментов се одвива анкетата која се спроведува низ средните училишта, во смисла за утврдување на социјалниот статус на учениците и неможноста да се следи онлајн настава. Откако ќе ја имаме таа анализа, градот ќе изнајде начин како да помогне на тие лица, тие дечиња кои што се од социјално-загрозени семејства, да дојдат до доволно квалитетна електронска настава“, додаде Шилегов. ©Makfax.com.mk
Сега наидов на вест дека Семос уште крај на март понудил бесплатни обуки за наставниците за полесно да се вклучат во онлајн наставата. И покрај тоа, наставничкиот кадар воопшто не се снајде, секоја чест на ретки исклучоци. Полесно беше да се кука дека ги фатило неспремни и дека не се обучени. Сега повторно ако биде онлајн наставата како во почетокот е стварно срамота. Секој наставник сам требаше да се спреми.
