Се осеќам среќно што завршив со образование и што немам деца, зошто јака им душа на сите што треба да се мафтаат со образованиево наше утепано.
Дали може да дознаеш ако има и други деца што следат вака настава? Ако се соберете повеќе да се побуните за школото да го смени начинот. А ако ептен сите се запнете можете и медиумски да ги натерате да ја сменат онлајн наставата.
Очигледно, нивното училиште се повикува на оваа одлука,иако има соодветна ИТ опрема да се следи наставата во живо Најдобро е да разговараш со директорот и учителката. Ако не, ако има можност, смени училиште, не знам како да те посоветувам на друг начин
Не може да се повикува на оваа одлука, зашто фино си пишува дека на таков начин ќе се функционира Ако децата немаат уред. Во превод, кај Бубале сами си донеле одлука така да функционираат.
Јасно пишува ако се одлучиле да не одат со физичко присуство и ако немаат услови (децата) за онлајн следење. Овде апсолутно има место за бунење. Школото не следи соодветно протокол.
Па истото го пишав погоре, ученикот има можност и уреди за следње на онлајн настава. Ова одлука ја имаат донесено на совет, тие си знаат зошто и како. Најдобро во училиште да се разговара.
Нека разговара, ама ќе ја смотаат. Оди и во школото преку официјални канали Бубале. Со пријава за неизвршување на службена должност.. посоветувај се со некој правник, сигурно има во родителите кои се засегнати... Собери потписи на пријавата и побарај да го заведат во архива во школото. Заборавив во рок од колку дена, треба да одговорат на пријавата, ако не одговорат, имате основа за понатамошни процедури. Ама јас би ти препорачала, право во Државен инспекторат да пријавите. Пошто сигурна сум дека во школото ќе сакаат да ве моткаат.
Баш вчера во медиумите проциркулира веста колку пари вложила општината за опрема на училиштата. Кога јас можам да обезбедам оптички интернет дома, може и школото, кое е централно угледно школо, а за меил да прати сигурно може и од својот интернет наставничката. Каков протокол за безбедност има во предавање на листови? Ќе ми ги фрла од два метра? Глупости невидени. Не ми кажавте најважното што ме интересира во случајов - какви последици ќе сноси син ми заради изостаноци, зошто јас категорично одбивам да учествувам во ваква "настава"?
Син ти НЕ СМЕЕ да добие изостаноци, затоа што должноста не си ја извршиле наставниците, а не син ти. Тој чекал според распоред да има уклучување, ако нема... исто е како наставникот да не дошол во училница на физичка настава, а децата се веќе во училницата. Како ќе добијат изостаноци учениците во тој случај? Нема никаква логика.
Се сложувам со тебе, во право си. Не сум запознаета какви последици би имало детето доколку одбива да држи настава кај деца од 1-3 одд.
Со потписи со родители нема шанси, ем не се знаеме кои се онлајн ем тешко дека некој ќе се нафати, ќути си трај си се претежно луѓето... Да не навлегувам. Ќе продолжам да го уклучувам на Teams по распоред, ќе чувам скриншоти секој ден дека бил најавен тој. Пробав со арно, да ми пуштаат меил. Не можело. Материјаливе на меил ги добивам од друг родител, си работам со детето.
Не ми се верува што читам. Гледам на телевизија и интернет дечиња баз компјутер душава ми плаче Каде е државава да им обезбеди и зашто спроведуваат онлајн настава ако не можат сите да си дозволат?! Скапаници.
Абе не оставај така. И сама можеш да го направиш ова. Нека не ве товараат... Еве ако не ми веруваш мене, консултирај се со правник, да те посоветува какви чекори да преземеш. И треба јавно да се зборува за ова. Да се објавуваат школи во кои вакви работи се случуваат. Може и анонимно, може и на интернет, може и на други медиуми... Ќе се најдат така меѓу себе сите родители кои се соочуваат со исти проблеми.
И за нив треба тужба. Ем законски те обврзуваат да посетуваш основно и средно образование, ем законски вика дека е бесплатно, ем не ти обезбедуваат услови. Нема никаква правна основа така да ги остават децата кои немаат финансиски можности да обезбедат опрема.
За тие што немаат државата се “погрижи” да следат настава преку МТВ или како во случајот на Бубале со печатени материјали Иначе, денес пуштив МТВ да видам каква е “наставата”? Ја начекав за првачињата и учителкава чита стихотворба, па вика ај сега одмор од 5 минути паузирајте го видеото?! Јас колку што знам не секаде има опција да се паузира видеото? Телеком и Вип имаат, другиве не знам. А тој што има МаксТВ има и интернет... Ај ова, туку задачите ги видов, па на 49 инчен ТВ сликите едвај се гледаа, се чудам ако исти такви задачи им праќаат на децава кои следат онлајн, како преку смартфон ќе видат што има на сликата? Ептен неорганизирано, ниту претходно размислено, туку како што е обично кај нас... плукни-залепи. Колку да се каже дека се прави нешто. Инаку... не можам пак да ја најавам ќерка ми преку платформата. Вечер во 7 може, ама сега не. Значи тимс ќе биде опцијата, а за тимс веќе зборевме дека не функционира секаде исто и дека во најголем број случаи бара да се инсталира апликацијата на уред за да профункционира, а ова си бара посериозна конфигурација... А лаптопи ни за лек во државава
@♡BuBaLe♡ Поднеси на писмено претставка до државниот просветен инспекторат -Скопје. Во плик и по пошта,ќе ти одговорат,ние праќавме и ни беше одговорено,а воедно и тоа ни беше совет од просветниот инспекторат.
