За основно/средно незнам како функционира ама кога се факултетите во прашање факт е дека се прават големи злоупотреби и препишување. Јасно е дека контролата не е иста како полагање со физичко присуство. Сите што ги знам а се заглавени со години со студиите, сега баш се активирани и полагаат. Не би рекла дека е случајно туку користат можност да положат некој предмет плус без многу учење. Подобро во мирување да ја ставеа оваа година за сите отколку да произлегуваат такви кадри. Не е фер према тие кои поштено си положиле.
Мислиш дека онлајн ако се полага полесно се полагаат испитите? Хах! Исто тие, ако учиш ќе положиш ако не нема. Малце е полабаво ама сепак се зависи и од тежината на предметот и од професорот како си го цени предметот. Кај нас колоквиумите/испитите се со физичко присуство, освен 2 предмети шо полагавме онлајн од кој едниот информатика.
Преголеми злоупотреби се прават, колку и да е го прават да изгледа полагањето „строго“ во ниту еден случај е може да се спореди со она физички. Што и да направат, пак може да се најде начин за злоупотреба. Да и во амфи може да се препише, но таму препишуваат мал број на студенти, не секој е толку храбар да препише и да ризикува неполагање 3 сесии, за разлика од онлајн каде што ретко има такви снакции, контролата е помала и нормално кога „мачката не е тука, глувците оро играат“. Точно е дека тие што се заглавени со години, сега се активирани, во ниту еден момент не велам дека е случајно. Како и сите други и тие сакаат да искористат бенифиција да положат полесно одреден предмет (и за онлајн полагање треба да имаш учено, но сепак со помалку учење се положува). Се' ова ни го доуништува и тој не толку квалитетен кадар што го имаме. Последиците ќе ги гледаме допрва. А сето ова се случува бидејќи цел е да се положи и заврши, а не да се научи. *Чест на исклучоци кои секогаш учат за знаење и положуваат без поголеми злоупотреби.
Aко се полага чесно не е лесно но проблемот е што наоѓаат начин полесно да препишат и да положат без да научат. Не е исто да седнеш во амфитеатар каде секој шум е очигледен. Во живо ретко кој се обидуваше да препише. Никој нема да ми докаже дека некои по 7 години заглавени што се баш сега се активирани и многу учат. Јасно е дека ја злоупотребуваат ситуацијата за да положат барем по некој предмет.
Ве молам за помош некој постручен што може да ми помогне. Имаме проблем ностоп на часовите се исклучуваат микрофоните на сите деца а денес најново почна некој да не исфрла од митингот. Дали може некој знае како може да се види кој го прави тоа ? Инаку се работи за деца од 2 одд.
Веројатно некои од децата си имаат добра занимација, па кликаат mute all, а сега поново remove from the meeting, па така детето ви е исфрлено од часот. Многу поретко се случува самата платофрма да исфрли, тоа е или при преголема посетеност (лани ова време беше тој проблем, сега го зголемија сите платформи лимитот) или некогаш до интернетот, ама ако се случува почесто прво микрофони, сега ова, до соучениците е. Не знам дали може да види некој, евентуално само тој што закажува час, т.е. наставникот/наставничката.
Не постои опција да се види кој ве исфрлил од час, за жал. Но, оној кој го закажал часот може да ги направи сите учесници - "attendees", со што ќе им оневозможи да си ги исклучуваат микрофоните меѓусебе и да се отстрануваат од час.
Чекајте малку! А како може учениците меѓу себе да си ги исклучуваат микрофоните и да се исфрлаат од час? Ми се има случено да ме исфрлат од час но не учениците туку самата апликација го прави тоа. Доколку грешам поправетеме.
Ако зборуваме за Теамс, секако дека може. Секој што е улога на презентер на час, може да исклучи/вклучи микрофон на останатите и да ги исфрли од час.
Да, некогаш е самата апликација, но тоа е ретко. На тимс може секој што е во состанокот да исклучува микрофон, да те исфрли од состанок.
Доколку професор заболи од корона за време на сесија, дали се дава продолжување на датумите за полагање кај него? Ако некој има слични искуства нека сподели.
Ја читам од почеток темава и гледам дека сум била една од ретките што се залагаше за онлајн настава. Ама не ви сметаше оти беше онлајн, а? Или ви сметаше?... многу? Годинава актуелен е отпорот за новиот закон за образование. Ќе ви смета наредната пролет? Шо мислите?
Мене сѐ уште ми пречи онлајн наставата. Не се сеќавам ни дека сум се изјаснила некогаш во темава, ама сега кажувам дека многу сакам детето да може да ми посетува настава во училница. Како прваче многу пропушти со овој начин на настава.
Чекај, а нели првачињата беа со физичко присуство? Само на барање на родители се воведуваше онлајн настава? Зошто не си го пуштила со физичко присуство?
Па не е баш така. Некои многу добро си ја искористија ситуацијата, да не речам злоупотребија, што уште повеќе ми пречи. Јас сум против онлајн настава, односно нека се има право на избор додека трае пандемијава.
Кај нас беше по барање на наставничката. Терам процес против ова. Моето одеше со физичко присуство до ноември. Оттогаш не ни се понуди таква опција и оваа година ја прогласувам за утната.
