Онлајн полагање испити и колоквиуми 2020 - За или против?

Компјутерски беше тестот?
Кај нас ќе било на лист и усно, камерата поставена на одредена далечина и совршено да се гледа листот, рацете и се друго околу нас. Од кога ќе го завршиме тестот, истата секунда да сме го сликале и да сме го прателе по меил на професорот. Не е возможно да се препише, плус сите се гледаат на еден екран, не е како на пример во амфи, проф се свртел на лево - тие од десно препишуваат..
Додуша секаде има такви кои што можат да се снајдат, ама во глобала потешко е вака да се препише според мене. За тоа е океј, ама има многу други работи кои не се во ред. Прво се збореше дека ќе било со две камери, едната пред нас, другата зад нас, кај да им најдам две камери ако морам на крај да го сликам тестот со таа од телефон? Ептен е зафркнато.

 

Сериозна си дека ни оди во прилог? И после имало неписмени доктори, адвокати, економисти... е од ваквите што се радуваат што ќе успеат да извадат 10 со препишување си патиме.

 

Компјутерски беше да. И јас прашав дали ќе биде со две камери и такви работи. Веќе двајца професори одговорија дека не е хумано и не можат од нас да бараат такво нешто. Некој едвај лаптоп или компјутер ќе најде, некои што имаат само телефон ќе мораат на телефон да полагаат. Воопшто не уклучивме никаква камера додека полагавме. Така ќе било и по други два предмети за кои имаме разговарано со професори.

 

Да сериозна сум. Ако некој решил да препише пак ќе го направи тоа. Ми оди во прилог бидејќи и онака не ќе можев овој семестар да учам како порано и да бидам присутна на факултет. Вака барем ми е олеснето. И во оваа ситуација секако е подобро онлајн отколку да го изгубиме семестарот или да стагнираат работите.

 

Не се согласувам дека подобро е сега да полагаме онлајн и да се утепаме препишувајќи отколку да почекаме да се стабилизира ситуацијата па макар и во август полагале. А и што е толку битно присуството на факс кога можеш да седнеш и дома да научиш.

 

Денес и ние имавме колоквиум онлајн и не се приклучив иако можев поголем дел од колоквиумот да го решам со гледање од тетратки или било какви други манипулации. Дали ќе се исконтролирам да не препишам доколку ми фалат прашање-две за положување? Нема. Ќе препишам и ќе си го лажам паметот дека добро сум направила, се друго сум знаела. Мислам никој не би се довел во таква ситуација да падне за малце а притоа да има начин како да најде одговор. А да не зборам па цел колоквиум да го препишеш..
Ама кога ќе одиш на факултет да полагаш, ако тие две прашања не ги знаеш, нема начин како да ги одговориш. Немаш тетратки при раце, немаш интернет, телефон. Имаш постојана контрола во живо од професори, не преку камера.

 

Јас реално ќе имам грижа на совест да препишам, и тоа ненаученото, односно препишаното, да ми се одрази во иднина во работата, и да го ставам на ризик нечие здравје и живот. И сум против ова, бидејќи немаат сите грижа на совест, ќе си препишат, и некој невин човек, некогаш ќе има лоши последици поради тоа.

 

Ама никој не ве тера да препишувате. Замислете дека сте во амфи и дека не можете лево-десно.

Плус ако е само опција, не е задолжително, ќе си полагате после вонреднава. Даваат повеќе опции, ко што сфатив јас.

 

Битно е. Поени се добива и од тоа. А на нашиот факултет и онака повеќето работи си функционираат електронски. Вежби, семинарски, истражувања. Можеби полагањава не се реални и фер. Но никогаш не може ништо да функционира 100% како што треба. И во живо се препишува и со камери и со 300 чуда може да се најде начин. Сега ќе се препишува повеќе од вообичаено, но сепак постојат и други како тебе кои и покрај отворената шанса нема да препишат. Еве ни ги објавија и резултатите, има студенти кои одговориле само на 5-6 прашања од вкупно 20. Не искористиле сите шанса. Имам колеги кои освоија максимум поени, препишуваа бидејќи сме блиски го знам тоа. Јас немав максимум поени, повеќето ги одговарав бидејќи ги знаев, некои ги пребарав и ете пак имам згрешено 5-6.

 

Имам поделени мислења и сега ќе ви кажам и зошто.
Сум за, затоа што како што учиш материјал - така и чистиш, не се натрупува. Но, од друга страна имаме доволно време за да стасаме и цел материјал да научиме.
За тие што се на клиника, конкретно од медицински факултет е неизводливо да се има онлајн, но ние што немаме контакт со пациенти и учиме ткива не беше проблем.
Ама сепак, техничкиот аспект да го земеме во предвид. Отпаѓа идејата,
само сакав едно да напоменам. Онлајн испитот нема да го уништи образованието затоа што сум сведок на луѓе што препишувале и во амфитеатар и сведок на луѓе што имаат сѐ положено иако мислат дека некои работи се во сосема трет органски систем. А, да не зборам како се полага со врски...
Нема што повеќе да уништи онлајн испитот од она што имаме крш систем.

 

Јас кај што учев тие што беа вонредно запишани имаа опција преку скајп да полагаат бидејќи голем дел беа времено или трајно иселени по светов..
Па баш и немаше место за паника.. дури некои и послаби оцени вадеа преку скајп, немаа од кај да препишат а испитот беше целосно усно и се снимаше..
Ама за тоа бара време, ако посветат на секој студент по 30мин кај им е крајот

 

Леле колкава паника се крева за он лајн полагањето , како што прочитав погоре значи може да се извадат и максимум поени ,а може и нешто да се згреши ,ако немаш учено не ќе знаеш и од кај да препишеш , што значи нема да бидеш без никакво знаење .И друго станува збор само за овој семестар ,а не за цело студирање ,така да со добиени 4-5 оценки полабаво ништо нема да промени, а кај нас на факултет во секој семестар имам по еден предмет каде се дозволува оригинал учебник да го носиш на испит свесно професорот ти дозволува исто како да сум дома и си полагам , па и тогаш имаше многу паднати колеги .Затоа не паничете за еден семестар зошто сите знаеме полесно е на два дела да полагаме отколку цел испит и тоа не се знае кога .

 

Ќе се испрепише се и после на испит дрва.
Ни сум за ни сум против. Колку имам причини за толку имам и за против. Најубаво на факс и полагање, ама нема шанси со состојбава. Не може да праеме колоквиум со пет предавања, ама ајде. На мојот универзитет веќе има одлука и ќе се полага.

 

На кој факултет има одлука ? Кај нас ако ги поминеш двата колоквиуми нема испит

 

Кај нас нема да се одржуваат колоквиумските недели, директно ќе сме оделе на испит.

 

На друг универзитет сум јас. Не сум на УКИМ.

 

Абе не. Убаво си пиша М.
Заостанатите колоквиуми ќе се полагаат во испитни сесии.

 

Аааа, јас сфатив дека нема да имало колок. недели, и дека се ќе ни биде на испит idk...

 

По ова што го читам сфаќам дека технички е тешко изводливо за секој студент. На пример МОН да дели опрема на сите да се снабдени ај би било добро и фер се околу онлајн полагањава.
Инаку немам ништо против овој вид на полагање доколку полагачите се придржуваат кон тоа да биде фер полагањето и без препишување. Ама како што веќе прочитавме кај нас без препишување онлајн полагањево би се спровело прилично тешко.

 

Јас сум ЗА да се полага онлајн, барем предметите од запишаните летни семестри. Оние кои се против имаат секако можност да си ги преполагаат предметите во наредните сесии.