Онлајн полагање испити и колоквиуми 2020 - За или против?

До сега имавме два онлајн колоквиуми. Првиот не го ни рачунам затоа што не беше скоро па никако поврзан со материјалот што го учиме затоа што професорката не знаела како да го изведе тестот онлајн. Прашањата беа со одговори од типот АБЦД.
Вториот колоквиум беше поделен на дел со АБЦД, и дел со есејски прашања. Немаше место за препишување со листови или со телефони затоа шо мораше да ја покажеме собата на камера, ама затоа во нов таб на гугл сите си ги бараа одговорите. Бевме цело време со вклучени камери и микрофони, па директ во уше се слушаа звуци како секој колега куца на тастатурата. Концентрација 0. Препишување на сите страни, освен секако, ние глупите шо учиме.
Според мене онлајн методите на полагање се хаос и нема простор за добри резултати за оние што се трудат.

 

Не дека некој нешто којзнае колку ке научи од онлајн предавањава.Ама ај колку да ја поминеме учебната година.

 

Најдобро решение

 

Дечки да прашам нешто.
Утре треба да полагаме колоквиум писмено на една платформа.
Дали досега тие што полагавте писмено ви беше уклучена камера? Дали смее професорот да ме снима без претходно да ме извести за тоа и без јас да дадам согласност? Зашто ништо не ни кажа околу ова. Што ако мора да снима а некој има статичен компјутер без камера?

 

Почнавте со полагање ??На кој факултет си ??

 

Јас сум скоро пред дипломирање на УКИМ, а не живеам во Македонија. Така што онлајн полагање и тоа како ми оди во прилог.
Секако не ме интересира дали колегите ќе препишуваат или не, секој си учи за себе (колку и да е клише ова).

 

Професорот те гледа на камера, а ти се снимаат дејствијата на екранот што ги правиш.

 

Јас сум студент на УГД и мене ми остана за полагање само дипломска,има ли некој во слична ситуација, може ли тоа некако онлајн да се реализира?

 

Имав полагано усно еден колоквиум. Али да бидам искрена, немав убаво научено па ја отворив скриптата на пола монитор и читав.

 

За УГД конкретно не можам да ти дадам одговор, меѓутоа познавам луѓе што дипломираа онлајн на УКИМ. Исто и јас треба да магистрирам сесијава и ќе биде онлајн. Е сега, секој универзитет си има своја политика, значи најдобро е да зборуваш со менторот за дипломската (ако имаш избрано ментор) или да контактираш некој од стручната служба.

 

Што мислите, ќе почнуваме пак на факултет во Мај? Има ли некакво известување? Можеби е оф топик, ама не најдов посоодветна тема.

 

Мислам дека не. Прво треба да се укине полицискиов час, вонредната состојба, па после следиме ние.

 

Никој не може да предвиди, ама би требало јуни крајот, дај боже да е така да не се изгуби многу, бидејќи мене ова онлине полагање ми е безвезе...ако ништо друго до септември да се надеваме дека ќе биде во краен случај, ама пак никој ништо со сигурност не може да каже, се може во една секунда да се смени

 

Тешко, самиот распоред од деканат барем кај нас е до јуни ако не се лажам со онлајн предавања. Крај на мај можеби, ама пак со голема претпазливост.

 

Мислам дека барем уште мај ќе е построго, а се надевам јунска сесија да се одржи да исчистам неколку испити, да сум до август по чил.
Ризично е отварање школи, премногу луѓе и во училни и по автобуси, подобро вака, за од септември да е по нормала. А и помина веќе семестарот, уште некои 2 недели предавање доаѓа кај мене на факс и иде 2 колоквиумска.

 

Имаше прес денес министерот, ама искрено ништо не ми е јасно во врска со сесијата и како ќе се одржи. Изгледа онлајн ќе бидат испитите или погрешно сум разбрала????

 

Јас сум на Угд 4та година последен семестар и прв колоквиум полагавме онлине, а средината на мај ќе полагаме втор колоквиум исто онлине на камера, министерот колку што слушнав рече дека и испити и дипломски можат да се полагаат онлине, на угд веќе има сесија дополнителна и се полага онлине.