Опаѓање на косата

И јас го напраев рецепто со ракија,лук и мед само што не ми е јасно дали треба да чекам 2 недели па потоа да се мачкам или како?

 

Нека си останат, нема потреба да ги вадиш.

 

Јас во шампон имам ставено лук и кога ја мијам со него ептен убава ми е косава сјајна и со волумен,а за тоа дали влијае за опаѓањето незнам бидејќи не го користам толку често.Сега ако може некој да ме советува колку често би требало да се користи тој шампон да не е премногу јак за косата ? (Бидејки има навистина јак мирис и долго време е отстоен лукот во него )

 

Како што веќе претходно пишав, го направив рецептот од ракија, лук и мед. Денес прв пат ставив (си усмрдувам сега се по дома ), иако не поминаа 2 недели туку 12 дена. Си купив шампон од коприва од Алкалоид и ставив и во него лук, па со него после ќе ја измијам косата (иако лукот не стоеше 2 недели, туку помалку). Ставам од рецептот и од шампонот порано зашто сметам дека 2-3 дена нема нешто многу да сменат, и така лукот ќе си остане во шампонот и во ракијата. Ја мијам косата на 3-4 дена и планирам секој пат да ставам. Па по некое време се надевам ќе ви пишам позитивни критики

 

Значи,ако ви паѓа краток период на пр. 1-2 сезони добро.Ама ако паѓањето не престанува и е константно треба да си направите крвна слика и ако не е баш ок испитување на хормони(Tsh,t4..)

 

Мене ми паѓа константно веќе добри 4-5 години и многу ми се има изретчено. Сум правела и хормонски тест и се е ок. Сум пробала разни препарати, по препорака на матичниот лекар, по препорака на дерматолог, и по препорака на дерматолог од д-р Анчевски. Се тоа имало ефект еден период, но после како косата да ми се навикнува на влијанието на препаратот и повторно се од почеток. Ништо не губам ако го пробам и ова

 

И мене многу ми паѓаше косата и пробував еден куп работи.
Иако бев скептична, пробав Рецепт-шампон и лосион против опаѓање. Кај мене има резултати (да не се урочам ), намалено ми е опаѓањето. Пробај, ништо не те кошта.

 

Мене цела коса ми испопаѓа

 

Го користев тој некое време и кај мене ама баш никакви резултати не даде, како ни оној на фитовал. Џабе ми беа.

 

Косава едно време многу ми опаѓаше.Мене искрено не ми помогнаа некои шампони и такви ствари,туку почесто миење.Бидејки нели кога косата е нечиста повеќе опаѓа.А си користам и Бекутан со камилица и сега за сега сум задоволна

 

можи некој повеке да ми објасни за наследното опаѓање на косата дали тоа е од страна на таткото акое тој ќелав ке бидам и јас или од срана на мајката или и од двете страни е исто и дали ако дедо ми е ќелав по татко ми ке бидам и јас ве молам ако некој е запознаен со овај проблем нека ми одговори

 

101hair.mk

НАСЛЕДНО ГУБЕЊЕ НА КОСА КАЈ ЖЕНИ

Иако се смета дека опаѓањето на косата е претежен проблем кај мажите, се покажа дека тој податок не е точен и на големо разочарување веќе и кај жените опаѓањето на косата е зачестено.

40% од жените имаат видливо проретчување на косата до 40-тата година, според Американската Академија за Дерматологија. Губењето на косата кај жените е вознемирувачко и деструктивно за емоционалното здравје и за самодовербата.

За жал, општеството ги принуди жените да страдаат во тишина!
Генерално е прифатено дека мажите поминуваат низ тој процес на ќелавење.

За уште поголемо жалење е што и медицинската заедница обрнува малку внимание на проблемот со губење на косата кај жени. Поради тоа што губењето на косата не е состојба загрозувачка по живот, докторите често ги занемаруваат поплаките на жените за интензивно опаѓањето на косата и во основа им објаснуваат дека * не е страшен проблем* или дека * ќе треба да се навикнат да живеат со тоа*.
Секако овие доктори не земаат во предвид дека психолошката штета предизвикана од губењето на косата и чувството на изгубена привлечност е деструктивно и фрустрирачко како и било која сериозна болест, и дека всушност може да биде емоционална основа која директно може да го афектира физичкото здравје.

Американската Асоцијација за проблеми со губење на коса ( American Hair Loss Association) препознава дека опаѓањето на косата кај жени е сериозна состојба која им го менува животот на жените и не смее да се игнорира повеќе.

Андрогената алопеција, нарекувана машка или женска наследна ќелавост до последните неколку декади беше само делумно проучена и разбрана. Многу долго научниците веруваа дека причината за опаѓањето на косата е предоминацијата на машкиот полов хормон, тестостерон, кој и жените нормално го имаат во минимални количини. Но, додека трстостеронот е јадрото на процесот на ќелавење, дихидротестостеронот сега се смета за главниот виновник.
ДХТ (дихидротестостернонот) се создава од тестостеронот со помош на ензимот 5-алфа редуктаза. Научниците сметаат дека нивото на ДХТ кој се врзува на рецепторите на фоликулите на влакното на скалпот е пресудно за опаѓање на косата. ДХТ ги минијатуризира фоликулите на влакното и оневозможува формирање на здраво и квалитетно влакно. Косата ослабнува и со текот на времето трајно се губи.

Овој хормонален процес на конверзија на тестостеронот во ДХТ, кој ги оштетува фоликулите на влакното, се случува и кај мажите и кај жените.

Во нормална состојба, жените имаат само мал фргамент од нивото на тестостерон кој го имаат мажите. Но и ниски нивоа на ДХТ може да го предизвика опаѓањето на косата кај жени. Тука во игра влегува генетската предизпозиција која се манифестира преку осетливоста на фоликулите на валкнтото на ДХТ поточно на бројот на рецептори за ДХТ. Гените се пресудни во најголем број случаи за појава на ќелавење кај жени.

Исто така нормални нивоа на ДХТ можат да предизвикаат опаѓање и кога имате тип на хемија на телото која е преосетлива и на нормални нивоа на супстанци, вклучително и хормони.

Секако кога нивоата на тестостерон ќе се покачат ДХТ се покачува и е уште поголем проблем. ДХТ нивоата можат да бидат покачени но да бидат и во рамките на она што докторите го сметаа за нормални гранци на тестовите, но и тие нивоа можат да бидат доволно високи за да предизвикаат проблем со опаѓање на косата кај жени.

Многу битно е да се нагласи дека хормоните функционираат најдобро кога се во деликатен баланс, па машките хормони и не мора да бидат покачени за да предизвикаат проблем кај жените. Нивните спротивни хормони, женските хормони, може да бидат снижени и тогаш доминантно дејство имаат машките хормони меѓу кои и ДХТ. Таков дисбаланс исто така предизвикува проблеми а еден од нив и губење на косата.
Полицистични јајници, одредени контрацептиви, бременост и менопауза може да бидат причина да почне проблемот со косата.

Опаѓањето на косата може да биде предизвикано и од дисбаланс на тироидни хормони, бременост, заболувања, одредени лекарства кои може да влијаат на фазите на раст и опаѓање на влакното.
Всушност и не се јавува секогаш интензивно опаѓање на косата туку дуфизно слабеење на косата на целата глава изразено во одредени зони повеќе.

Хормоните се циклични. Нивоата на женските хормони се намалуваат како што се ближи менопаузата и после неа. Цикличната природа на нашата коса и хормоните е една од причините поради која опаѓањето на косата може да се зголеми за кратко време дури и кога имате долгорочно намалување на губењето на косата ( и долгорочно зголемување на растот на косата) додека сте на третман кој го контролира опаѓањето на косата.

Всушност и не се јавува секогаш интензивно опаѓање на косата туку дуфизно слабеење на косата на целата глава изразено во одредени зони повеќе.

Разбирањето на причините кои доведуваат до опаѓање на косата кај жени е предуслов за успешно планирање на третамнот и ефикасно постигнување на резултати.

Третамните за стопирање на губењето на косата во центарот за проблеми и нега на коса 101 ХЕАР КЕАР се насочени кон блокада на дејството на *виновникот* за опаѓањето, ДХТ. Производи со хербални екстракти кои имаат регулаторно дејство на ДХТ се неопходни. Понекогаш се потребни фитоестрогени кои ќе ја помогнат активноста на женските хормони кои се природна заштита на косата. На тој начин суптилно се помага во нормализирање на деликатните нивоа на хормони на ниво на скалпот, без никакви системски нус појави. Топичен третман, само на кожата на главата е секогаш подобар и посигурен избор кај жени. Правилниот избор на производи е основа за да се продолжи со планирање на биостимулацијата за повторен раст на косата.
Колку порано се почнува со третман толку се подобри резултатите. Долгогодишното траење на проблемот со косата доведува до трајно уништување на корените и неможност за повторен раст на косата.

Навремено почнување со биостимулативни третмани овозможува оптимален раст и максимални ефекти за згуснување на косата.


Ама не значи дека кај тебе е наследно, може е сезнско , или некој друг проблем ...

 

neznam i jas kakvo e samo znam deka nemie bujna kakva sto mi bese prorecena mie a imam samo 19godini si vikam kelava da ne ostanam krvta ja roveriv ok mie se

 

Нема да останеш келава не се секирај , може ти е проретчена од третирање на коса (пегли ,фен ) .Има и сезонско паѓање кое е нормално и се обновуваат влакната .

Разлистај ја темата има многу совети за да спречиш опаѓање пробај некој од нив(чичиково масло , шампон од коприва со ампули , разни други шампони , стариот лек со лук ) , и пиј б- комплекс .
Биди стрплива . Ако сакаш може и да испиташ хормони , и да не има пореметување на тироидната жлезда. Само не паничи и не си стварај стресови . И не ја држи долго време немиена така повеќе паѓа .

 

дали некој го има користено “КОЊСКИ ШАМПОН“ , имам слушнато дека помагал против опаѓање на косата, и забрзување на растот .Ќе сака ли некој што го користел да ми каже нешто за шампонот, дали го има во македонија , колку чини и ефектите од користење ....фала мн

 

Го немам користено, ама планирам наредно да си го купам. И јас имам слушнато дека е добар против опаѓање и исто потикнува и раст на косата.
Го има во Тетово, го имам приметено во една локална парфимерија, 700 денари му беше цената. Сега незнам дали го има во Скопје и во другите градови.

Има и тема на форумов за овој шампон
kosa/konjski-sampon-za-ubava-i-zdrava-kosa-t15276/

 

а ке можеш да ми кажеш кај го има во Тетово поточно во која парфимерија , пошто многу сум загрижена за косава мислам ако не преземам нешто поскоро ке си ја изгубам косата, толку многу ми паѓа и ми се оретчи што ме фати страв .

 

Парфимеријата се вика ВЕРСАЧЕ.
Ако си загрижена прочитај во темава има добри предлози од девојки со истиов проблем кои предлагаат некои решенија што на нив им помогнале.
Има рецепти за подготвување некои лосиони, потоа да се стави лук во шампон....предлози од некои шампони кои помагаат...
Јас конкретно сега го користам АЛПЕЦИН шампонот ( а имам и јас мнгуо препарати користено). Имав и јас проблем со опаѓање

 

Иначе фала ти многу, сега ги разгледав сите коментари, тој шампон АЛПЕЦИН го неам користено а многу други што ги има тука предложено ги имам користено и ништо не ми помага.Кај мене не е генетски паѓањето на коса, а немам ни некој си проблем, имам одено на лекар ми препишувале мн. шампони како и лосиони , но не помагаат.Имам многу тенко влакно и многу бавно ми расне косата, сеа гледам тука во коментарите за овој алпецин шампон може да пробам и со него .Но како и да е мора коњскиот шампон да го пробам , ништо нема да изгубам , кога веке почнав со се и сешто и од ова да пробам

 

Незнам дали некоја ги споменала, има едни таблети, италијански на природна база од фабриката ESI, јас ги имам купувано во Зегин, околу 300 денари и има подобрување во поглед на намалено опаѓање на косата, а и имам забележано дека ја прават косата некако поквалитетна, посјајна