Како се употребува? За постигнување на добри резултати, пожелна е редовна употреба на Чичковото масло и тоа по секое миење на косата. Најпрво косата се мие со благ шампон, а потоа се суши со помош на пешкир, за да остане малку влажна. Оваа влажност е потребна за да ја заштити косата од ширење на маслото по целата површина, па така косата нема за брзо време да стане масна. Маслото се нанесува на корените од косата и благо се масира кожата. За редовна нега на косата маслото може да се користи како “пакување” за косата. Се нанесува на косата и кожата на главата со благо масирање и се остава да стои 1 час, а потоа се мие со благ шампон.
девојки ме интересира дали некоја од вас има одено кај др ваис или кај др анчевски?? дали помагаат во врска со косата или лажи пари се?? ве молам за искреност , ме интересира ваше мислење или искусто мн ми опага косата и ми се изретчи па морам да барам помош поздрав
Уф, јас мислам дека пола коса ми останува на чешелот после миење. Ама, бидејќи ми паѓа секогаш ова време, во есен, не сум баш насекирана. После некое време се забележуваат кратки и мали влакненца како стрчат на главата, што значи косата се обновува. Сум слушнала и дека ампулите на Виши (Vichy) доста ефикасни, само се доста скапи. Во Зегин се околу 3500 ден, за 18 ампули. Некои прават и некакви пакувања за коса со лук, ама после тоа како ќе се појавиш меѓу луѓе, не знам.
Јас веќе се предавам да ви кажам До годините ли е до хормоните ли е, ама ако се погледнам на слика од пред неколку години, коса, грива од млада кобила, свети, се лее, бујна, раскошна...да стигне до степен на оскубана кокошка. По психата ме мава колку опаѓа. Една третина имам од тоа што беше, и се крши, сува е, никаква, на ништо не личи. Џабе, се што најдев се живо ја наплескав. На секое шишање се пократко и пократко, да веќе ја загледувам машинката од маж ми за стрижење. Па ако расте после арно, ако не, не знам, ама да не си ја гледам во прамени на рацете, во чешелот, на перница... ми иде деф да ја чинам јас, а не она мене вака полека да ме отепува. Како кога купете метла од пазар, пафта пуфта метење, се крши, се крати, не се приметува толку постепено, додека за на крај да остане рачката и малку од страците расштрклеани испокубани.
девојки јас сум коритела етиол и многу ми помогна од првото нанесувње не ми опаѓа ако сакате пробајте и вие
И на мене ми се задеси истото и џабе купував скапи препарати и бев крв да ми земат и испадна дека имам проблем со тироидната жлезда и ради тоа останав без коса.Сеа пијам апчиња.Така да иди провери се
Фала што сподели искуство, оти баш тоа си мислам, од внатре е изгледа проблемот и кај мене, оти убаво си треснав пари за какви не веќе маски, улја и магични регенератори, два пати ја исеков драстично, еднаш добри 20цм, втор пат до под ушите, и веќе ако ја сечам уште еднаш ќе е машка кратко па затоа и во лутина ми иде скроз да се истрижам, до толку ми е криво. Единствена утеха ми е дека растат бебешки влакна, ама не се со доволно темпо да надоместат. Амберр се надевам кај тебе е подобра откако го најде проблемот. Ќе си барам и јас чарето почнувајќи со крвна слика.
Етиол е Ethyol? Amifostine? Истиот етиол што се користи при терапија на пациенти кои се лечат од рак со радио и кемо? Или јас сум грешка... Ако е таа направија, тогаш не знам што да мислам, оти најдев една студија каде доктор објаснува како на пациенти кои добиле амифостин во терапијата не им опаѓала косата, а сите знаат како косата опаѓа привремено при хемотерапија. Ама такви ствари на своја рака? Нели би се абсорбирало преку кожата? Па и го има онака на дофат за кој сака? Најверојатно сум грешка. Се фаќам за сламка Spoiler "Interestingly, those patients who received amifostine also didn’t lose much of their hair, according to a medical oncologist. There must be some protection to the skin and hair follicles in those patients," Dr. Komaki said.
И мене ме интересира. Затнувам када од косава.. Мислам дека повеќе коса имам на подот отколку на мене...
нормално е дневно да паѓаат 50 до 10 влакна,инаку кај Др.Анчевски можеш да пробаш да отидеш кје ти земе примерок од косата,ќе го испита и според тоа ќе ти даде терапија,а за др. Ваис не знам,а и мене ме интересира
Еве прочитај овде има повеќе околу тоа на кој начини може да се испита косата и евентуално какви се дијагнози и проблеми постојат www.101hair.mk
Од 2 лица имам слушнато пофалби за третмани против опаѓање на коса кај Д-р Анчевски. Не само што косата престанала да им паѓа, туку почнале да им растат и нови влакна и добиле многу волумен. Еднава жена некаде 45+ години, косата и беше навистина убава и бујна, а претходно што видов слики 5 влакна што се вика. Имало некој ласерски третман, стимулација со масажи, специјални масла и ампули и мислам дека еден третман чини околу 1500 ден., а за видливи резултати се потребни минимум 7. Навистина е скапо, ама ако проблемот е сериозен и нерешлив со други методи, сметам дека вреди да се инвестира.
Проблемот со опаѓање на косава го имам од летоска..Секој ден се помалку и помалку имам коса,едно мало репче само можам да врзам..Ги пијам мерц,за колку време се забележуваат резултати? Незнам што да правам...
Многу е едностаен начинот како да се спречи опагање на косата, она што треба да направите е да прекинете со ставање на секакви глупости на косата. Потоа фарбањето да не биде толку често и на целата коса, туку да се нанесува само на подникнатото, а само одвреме, навреме да ја освежите бојата на целата коса. Потоа, миењето често коса, доведува до истенчување на влакното и кинење. Дозволете влакното да се храни од состојките кои ги лачат жлездите на главата.Потоа користете едноставен шампон, баталете ги оние скапи шампони, полни со хемија која наводно помага а всушност само и штети на косата.
дали некој го има користено шампонот на Vichy против опаѓање на косата?да ми каже искуство и цена? гледав на еден српски форум го скапаја фалење има некој овде искуство?знам дека се поскапи ама мн.сум исплашена за косата премногу ми паѓа
Дали некоја од вас има користено vitaderm- од fitofarm ? еден доктор ми препорача па сакав да слушнам мислење доколку некој има користено
Да беше толку едноставно до сега немаше ниедно влакно да ми падне од косава. Повеќе од 4 месеци бев само на благ шампон, неутрален. Не ја миев толку често косата, а и не ја ни сушев пеглав фенерирав. Маска немав ставено воопшто, ниту пак регенератор масло или капки. И кој е ефектот? Една голема нула. Вака кога ке почнете да се филмате а измислувате топла вода многу се нервирам.
