не не во никој случај не станува збор за габична инфекција, зошто тогаш ќе имам и чешање и пред се тоа се јавува повеќе кај постари лица од машка популација, кај жени поретко. Можеби таков е периодот. Немам кругови и не ме боли веќе. Изгледа јас посилно потегнав кога се капев
Во сите Зегин аптеки, и би пребало да го има во поголемите приватни аптеки, јас го Земав од Зегин Сити мол.
Девојки, што мислите за шампонот против опаѓање на коса од Fitoval? Дали некој го пробал и има ли ефект?
Женски помош, незнам кај да пишам. преги кај 18 чааот си ја шатирав косата. Од густа коса останав со половина. Целата коса ми се сокина лом ми стана. Ќе си умрам од мака. косата ми беше долга до под рамињата и густа а сега ретка и катастрофа. Ни Ш нема од шатирање. Ај ви се молам споделете искуства колкуку време ви паѓаа прамените, до кога ви се кубеше и како ја оправивте. (Ако сте ја оправиле) Дали некој витамини сте ставале какви чуда препорачувате. Си ставив кокосово масло ама катастрофа си е катаатрофа. Помагајте. п.с. утре планирам да ги посетам стилистите и да видам они шо ќе ме советуват. Мислам оти најарно кје ми е да си се истрижам и да чекам години да поминат да ми се оправи косичката моја.
Веќе подолг период имам проблем со опаѓање на косата. И тоа пообилно, да кажам, со тоа што последниве месеци е дури и страшно. Мислев дека имам проблем со ниско железо, ама испадна дека не е така. Не можам да си објаснам на што се должи овој проблем. На фризер кога се шишав ми рекоа дека можеби имам проблем со тироидата, ама не ми се шета по лекари, искрено, да испитувам дали тоа е навистина така. Како и да е, во последно време сум извадена од памет, затоа што ужасно многу ми паѓа косата. Се трауматизирам при миење. Решив да преземам нешто конечно (доста беше одрекување дека проблемот не постои) и во аптека ми препорачаа Gerovital спреј за коса, кој би требало да ја подобри циркулацијата и да ги храни фоликулите, заедно со Rigenforte капсули, со витамин Е, витамин Б5, бакар, цинк, селен и плус две аминокиселини кои се неопходни за нормална градба на влакната. Самоиницијативно го купив и шампонот Gerovital, па сега ќе видам какви ќе бидат ефектите, зашто со терапија почнав од вчера.
пиј таблети пивски квасец , јас ги пијам два месеци и имам бебешки влакна и плус поубава ми е косава , плус шампон од лук и во него ставив пивски квасец и сум задоволна
Lady Phoenix, мислам дека во некоја тема прочитав дека користиш Нивеа шампон за коса, сакам да споделам дека и јас подолго време го користев Нивеа шампонот со авокадо, косата почна да ми паѓа буквално по цели прамени. Што не е карактеристично за мене, никогаш не сум имала проблем со опаѓање на косата. Го сменив и ситуацијата драстично се подобри. Не знам која е причината, можеби е до состојките во шампонот, но дефинитивно ми ја уништи косата. Го пишувам мислењето за да знаеш дека има и друг лошо искуство со Нивеа, откако ќе завршиш со терапијата да не случајно се вратиш пак на тој шампон, па да се повтори истата ситуација. Поздрав
@Lady Phoenix Мила, имам пишувано во темава. Толку многу ми паѓаше, буквално цели праменови. После миење/сушење/чешљање јас со правосмукалка право во бањата влегував за да соберам купишта влакна позади мене и обавезно коса во репче, што дополнително ја слабее, ако е јако стегната во корен. Ајде, кај мене дел беше и хормонски, после породување, ама сепак и самата фризерка се запрепасти колку многу ми паѓаше и ме посоветува да превземам нешто под итно. Пробував што пробував, ама ако ми веруваш ќаре најдов со алверде шампон. Коса престана да ми паѓа преку ноќ. Мислев дека се поклопија работите, демек се средија хормони, ова она, ама не. Променив шампон и косата пак почна да ми паѓа. Се вратив на алверде и веќе не менувам. Верувам дека тоа што е на природна база, без силикони и чуда, неагресивен, многу влијае. Ете пробај. Јас размислував за фитовал следно да земам ама ете се среди.
Користев еден family, со јаболко и папаја мислам. Ама искрено верувам дека и со другите ќе биде добро, токму поради неагресивни, природни состојки. Да ви кажам дека косата после перење те. плавење од шампонот е секаква само не убава, таква некаква сува ко слама ја осеќаш под прстите, ама јас ни балсам не ставав, не се чешљам додека не ја исушам прво, а потоа е една таква убава, мека коса ко свила кога се исуши. Таков ефект е кај мене. Чинам алверде имаат и за против паѓање конкретно, следниот пат таков ќе земам.
Јас сум користела на Алверде против опаѓање со кафе, но некако не ми одговараше на косата и првут ми правеше за чудо. За пивски квасец сум слушнала дека е супер, но имам проблем со тие таблети, само гледам да е нешто во вид на капсула или филм-обложена таблета, по можност што помала, за да можам да ја голтнам, зашто во спротивно како да ми стои во грло цел ден. А овие од квасец се пијат па по неколку на ден и не ми одговара баш тоа. Фитовалот последен пат лани го проба мојата идна свеки и косата и' ја направи уште покатастрофа (и она има проблем со опаѓање на косата, но од многу фарбање). Не само што не прекина опаѓањето, туку и мрсна и' ја правеше. Ако не биде со ова, ќе го пробам тој шампон кој е погоре спомнат, со лук, ама би сакала да видам оваа терапија како ќе оди, кога веќе ми препорачаа од аптека и кога веќе купив. Во секој случај, ако ништо не функционира, не ми бега домашен лосион со лук, јаболки и не знам уште што, што е загарантирано ефикасен. Јас само да пробам прво со нешто готово, за да не мирисам толку и да не им пречам на другите околу мене. Како и да е, ќе известам за некое време на темава до каде ми е состојбата. Навистина не знам од што би можело да ми биде вака веќе долго време, а да не е анемија во прашање. Многу ви благодарам за предлозите и сигурно ќе испробам некој ако мојов третман се покаже како неефикасен. Сепак треба да му дадам шанса и време.
Во овој период од годината нормално е косата да паѓа повеќе од вообичаено. Ама ако е веќе загрижувачки, а не е анемија, сепак прошетај до доктор. Да си кажам за мене - со Алпецинот се дружевме долги години и многу ми помогна. Косата ми паѓаше ужасно, па на почетокот го користев во комбинација со лосионот. Изгледа премногу долго го користев, па престана да ми делува и од есента навака пак почна стара приказна. Фризерката ми го препорача Виши. Само еднаш сум го употребила, па ќе пишам дали има промена за еден месец. Од прв впечаток, не ми се допаѓа што шампонот е многу редок, па треба малку поголема количина. Алпецинот е доста погуст. Друго, Алпецинот е 250мл а овој е 200, плус е поскап. Ајде, ако има ефекти ќе ја прифатам и цената, сега засега мислам дека можеле да направат малку погуста формула или барем поголема амбалажа. Планирaм да ги купам и ампулите зашто состојбата во моментов ми е алармантна. Ако некој знае цена нека каже. И женски, подалеку од оние шампони Нивеа, Шаума, Пантен, Гарниер, Лореал, Сајос и сличните што ги има во сите продавници. Тие најголемиот проблем го прават. Кога немам мој шампон и еднаш - два пати ќе го употребам ваков на мајка ми, разликата е очигледна и во квалитетот на коса, но и во опаѓањето. Од една употреба ми паѓа ко луда.
