Не е темата за препукување на верници и неверници или докажување бог има го или нема, има за тоа теми во религија колку сакате. Спомнување на господ секој втор збор не мора ни да е опсесија, може да е говорна навика, но како и да е, се додека некој си бира свој пат за себе и со тоа не штети на никој, во ред. Кога некој е до толку опседнат со својата религија да на пример и мало дете тера да трпи пост, или да му дава домашно секој ден од библијата, тој човек не може пред мои очи да се оправда со вера, тоа е веќе болест. Кога веќе реков за постот и терање мали деца да постат, без разлика и не дискутирам колку добро е тоа за телото и за душата да се прочисти кај еден верник, ама од што би прочистувале душа и тело на дете? ОК дека нема да гладува тие 40 дена на пример, ќе го храни посно, ама па греота е, да не му даде чаша топло млеко ако му се пие, таа мајка за тоа уште 400 дена да пости ако има малку совест сама не треба да си прости оти си го малтретира детето, а не Господ поради кој тоа го правила.
Било која опсесија не е добра, па ни оваа. Прави штета во многу аспекти на личноста, може да го загрози и социјалниот живот, и односите со најблиските. Разбирам дека има луѓе што силно веруваат, ама сето тоа да прерасне во фанатизам, веќе ги преминува сите граници. За жал познавам ваква личност, за мене е непријатно и скоро невозможно да сум во негово друштво, буквално како верата да го заслепува. Мене не ми пречи се додека ваквите фанатици не почнат да ги убедуваат другите да ги прифатат нивните ставови.
Треба да се верува... ама тие верници што постојано или залудно го споменуваат името Господово нека се сетат дека и во Библијата пишува дека тоа не е правилно според верата христијанска Во секоја втора реченица Господ не треба да се спомнува
јас сум постела од многу мала, сега поретко само велики четврток, петок и сабота или бадник и некој ден во годината, инаку сум верник неможам да кажам голем затоа што не практикувам многу одење во црква и некои посебни ритуали но сепак сум и почитувам вера, не ми е наметнато од родителите јас сама верувам дека постои а инаку знам многу примери за личности кои што се опседнати со Господ, и мислам дека премногу се плашат да не завршат лошо после смртта како да сакаат вечен рај па затоа се жртвуваат тука на земјата, во краен случај мислам дека треба да се почитува верата и да не се исмејува на сметка на другите без разлика дали си верник или не, од наједноставна причина што ако постапиш спротивно е многу невкусно, некултурно и нехумано.
Јас верувам во Господ и не се исмевајте на луѓето кои веруваат во него. Да,Господ не штити,ни помага,едноставно да не постоеше,каков ќе беше животот? Каде ќе беше нашата надеж? Извинете вака не навредувам никого,но какви верници се некои кои велат дека веруваат во Господ,а од друга страна пак се исмеваат на другите за големото верување во Господ. Не е убаво,какво и да имате мислење,подобро не го споделувајте. Јас вакви работи не трпам и ме вадат од такт. Или биди верник како што треба или воопшто не верувај-биди атеист.
Нешто во последно многу излегоја опседнати до Господ на фб. Секој ден објавуваат слики кој празник бил, лајк на сликата за да ти се случи чудо, лајк ако веруваш во иконата. Преопседнати се на фб со тоа. А, во реалноста се скроз други личности, не знаат ни кога биле во Црква последен пат.
Имав јас една таква другарка ... беше опседната,велеше секогаш дека чувствувала некаква сила она ова.... јас цврсто верувам во него али толкава опсесија - не.
Подвлеченово е веќе и неинформираност. Сите муслимани кои ги познавам ми велат дека постот е оправдано прекршен кога станува збор за мали деца, за леунки и за болни и изнемоштени луѓе (да не ве излажам, но мислам дека беа изземени и луѓе кои имаат потешка физичка работа, но не ме држете за збор). Од толкава опсесија не ни читаат до крај. ********************************************************************************** За девојкава која е Христијанка исто така можам да кажам дека ако се прашувам јас, повеќе е фанатик отколку верник и има помалку познавање од верата од оние кои живеат полежерно. Како прво за постите си постојат правила, не може таа да одлучува за тоа, секогаш постела без масло а знаеме добро дека сите пости не се такви. Едно е да ја научиме светата тајна на воздржувањето, а друго е самоиницијативно да се испостуваме, отфрлајќи го сето она кое нашиот Господ Бог ни` го подарил за да живееме лагодно. Или пак таа што велела дека доволно ни` е да имаме јадење и облека и ништо друго. Кога во самата Библија си пишува дека не е само телесната и материјалната, туку и духовната поткрепа и закрила која не` одржува во живот. Љубовта кон блиските, проштевањето... А и постот и во двата случаи им е многу спектакуларен. Познавам луѓе кои постат и од двете религии и затоа што ги следеле правилата кои се дадени за тој пост и (доколку не биле во здравствена и сл. можност биле помилувани од духовните водачи) и не им штетел. Постот е создаден да го издржиме, а не да НЕ ГО издржиме. Треба добро да го запознаеме нашето тело и здравје, што можеме, а што не можеме, а не да го жртвуваме здравјето што ни` е дадено од Оној во кој веруваме за да оствариме некоја мисија која најчесто постои во нашата глава. И поради тоа, во самата Библија си пишува дека човек кога пости, треба да оди насмеан, да не покажува дека се воздржува од храна и сл. Заради сево ова и сметам дека со правилна информираност, со објективно и испитливо проучување на СИТЕ (а не на поединечни) делови од напишаното во Светите книги, доколку е потребно и дополнително консултирање со духовни и свештени лица, не може да се стане фанатик.
Досега не сум сретнала човек што е опседнат со Господ, ама имам сретнато премногу неверници на кои им е чудно и неприфатливо тоа колку некој си ја почитува верата и ги следи стапките што таа си ги налага па го сметаат за опседнат. Не е опседнатост, само на другите така им се чини бидејќи не можат да ги разберат.
Дедо ми е поп, па никогаш не сум помислила дека е опседнат, посебно во негативна смисла. Ама да, дефинитивно постојат луѓе кај што ова прераснува во проблем.
Da sum vernik citam cesto molitvi citam na fb mnogu raboti za gospod sum imala nekoi takvi iskustva i zatoa e taka ne postam cesto na crkva odam ne redovno bas ama mozam da kazam cesto
Едно е да си верник, да си веруваш, да си почитуваш правила, а друго е да си опседнат и да мрчиш сегде мешајќи го Господ во секој аргумент.
Верувањето е дел од приватноста. Не верувам дека некој што верува во Господ, дека нечие верување може да биде по иницијатива на верник од тие што се обидуваат да докажат на сите зошто веруваат. Затоа ако сакам да зборувам за религијата најчесто зборувам со тие што веќе веруваат. Ако некој пости, тоа е добар знак, постот е период кога се преиспитуваме дали повредуваме некого со своите постапки, се трудиме да бидеме подобри - во истовреме го прочистуваме организмот, не гладуваме, јадеме здрава храна. Има правила кога се јаде масло кога е без масло. Исто не веруваме дека оние фб икони кои кружат носат среќа. Господ не е златна рипка. Ние се ставаме во Божја функција колку што можеме за овој свет да биде поубав. Тоа не е опсесија.
Ја имав ваква колешка, ама до тој степен што библии и книги си носеше на работа. Нејзиното тропение и патот што го одела на Исус се покажа кога ја ставија да раководи со тој оддел. И викање, и вреѓање. Ваљда и Исус така се понашал, што знам... Искрено, вакви фанатици ми се само извор на негативна енергија, ништо позитивно нема у нив, само осудуваат туѓи животи и се пуни со его како само тие го оделе правилниот пат а сите други сме грешници и ке завршиме (според нив) у пекол. Бегам од вакви, не ми требаат у живот. Не ги сакам у близина. Негативни ми се!
Многу наивни коментари прочитав, а никој никаде не спомнал за експанзијата на разно-разни христијански цркви низ Македонија. Особено гледам по ФБ, затоа што не сум во Велес, па така стигнува до мене, луѓе кои ги познавам, отприлика некаде моја генерација (90та) 5 години горе доле помлади постари од мене, навлезени во евангелистички, протестантски, адвентистички и тако даље цркви. Велес е преплавен со такви. Обично платените задолжени за ширење пропаганда, вребаат луѓе кои или поминале низ некој стресен период во животот, па се повлекле сами во себе, или моментално поминуваат низ некаква трагедија. Ова почна да бидува актуелно во Велес пред едно 10тина години, гледам дека сеуште се шири и дојдов до заклучок дека народот во Велес општо земено е толку депресивен и апатичен што лесно се завлекува по ваквите пропаганди, од кој некој дебело ќари, додека ти пропагира скромност, послушност и понизност. Не бидете наивни. И страниците на ФБ како Семе Синапово и слични не се ништо друго но пропаганда од гореспоменатите цркви.
Ако имаме било каква потреба да бидиме религиозни, нашето едноставно православие какви што сме родени е доволно. Не мора да значи дека имаме некоја мака, може да значи дека сме благодарни за нешто. Воопшто не ми паѓаат на памет овие секти. Може си во такво опкружување, се навлекле во твоите пријатели и комшии и сега ги гледаш на секој чекор или на секое отварање интернет.
Јас воопшто не сум во такво опкружување, напротив, живеам во уште по хард кор православна средина отколку што е Македонија (Република Српска), и воопшто не значи дека таквите цркви кои ти не ги гледаш - не постојат. Постојат и те како и нивната експанзија е огромна, особено по помалите градови е тоа видливо, затоа што секој со секого се познава. Јас на Фб имам минимум 3 другарчиња кои членуваат (чуден ми е изразов) во таквите цркви, не ми се блиски пријатели, туку рандом, комшика, познаничка итн, и кога они ќе споделат нешто, гледам кој се им коментира, и какви им се коментарите. Запрепастувачки е колку луѓе кои ги познавам исто така рандом на извиџење низ град се навлезени, и види богати, секој од нив е или бил ранлив во одреден период во животот, или поминал низ некоја трагедија рисентли. Исто така моите пријателчиња кои ги имам на ФБ пропагираат, делат линкови од разни нивни собири по тие цркви, па јавни настапи на нивните духовни воџи или што им се веќе итн. И уште нешто. Од каде тоа дека сме родени како православни?
За мене си кажувам дека сум родена во според попис православно семејство и ако сакам да бидам религиозна имам основа од раѓање, нема потреба да лутам... Сега ми текна имам во фамилија, некој се полакоми за пари во 90 тите, сега децата негови се реални припадници на евангелско методистичка црква. Не се мешам многу во сечиј живот доброволно сум слепа за многу работи. Може не треба.
Ок, имаш основа по традиција, а не од раѓање, затоа што не се раѓаме религиозни. Ама тоа нема врска со темата. Далеку од тоа дека некој се меша во нечиј живот, ни мене не ме интересира, кој во што и како сака нека си верува, само на темата кажав од каде произлегуваат тие опсесии, споменувања на господ, и разно разни бреинвашинг семе синапово појави на денешницата.