Општи здравствени проблеми - прашања и одговори

Јас мислам дека и мене ме фатил стомачен вирус. Не сум била на лекар се мислам дали да одам. Моите симптоми се: мачнина во желудникот и стомакот, ме тера на повракање но не повракам, често одење по голема нужда и ми се врти во глава

 

Идете си чисто за да утврдите. Ама ако е вирус неможе да ви помогне лекарот. Ќе препорача течности, витамини итн

 

Мене од вчера ич не ми е добро.
Значи стомаков многу ме боли, начисто ме скина,
+ се исцедив од повраќање.

Не знам дали е од стомачниов вирус, а иначе предходно татко ми го имаше

Девојки кажете што да пијам или некои марифети да направам, не знам до кога ке ми трае оваа агонија

 

дефинитивно го имаш стомачниот вирус пријателке
го поминав и затоа 100 посто сум сигурна во тоа што ти го кажувам
немаш гајле ке помини

 

Истите симптоми ги имам јас.

 

^^д сејм.


И сега чаре?

 

Изгледа помош во служба треба да бараме

 

За стомачниот вирус, кока кола, варен компир и ориз, двопек, чаеви, електролити и вода флаширана. Овошје и зеленчук никако. Може и некои капсули против пролив да си земете

 

појди во аптека и побарај магнезиум што се раствара во вода ..помага

 

Како да смирам воспалено грло?

Едвај голтам, тешко ми е..

 

Со прополис, мене тоа ми најмногу помага. Имаш и многу други дражеи кои се ок, ама ова е незаменливо

 

За сите што го имате стомачниот вирус земете си од аптека Prolife од 2-3 шишенца ќе ви помине.Малецки се шишенцата и се 55 ден.Битно е дека многу помага.

 

Првпат имав ваква болка, не многу силна ама така ме сецнуваше од време на време. Не беше болка во матката или јајниците како пред добивање, подолу беше од матката, кога ќе се превиткав ме сецнуваше болка, не многу голема. Тоа се случи вчера и отидов по мала нужда мислев дека ради тоа ме боли и ми прекина после два-три саати. Инаку имам нередовна менструација, кога бев на лекар (пред неколку месеци) ми рече дека има некои таблетки за да ми стане редовна, но не ми ги препорача дека сум била сеуште мала и нормално било менструацијата да биде нередовна на овие години, со текот на времето како ќе сум се развивала редовна ќе ми станела.
Последен пат имав добиено на 2ри јули (ми траеше 6-7 дена) а предтоа пак немав добиено 2 или 3 месеци. Сега во август не добив, и најверојатно би требало да добијам на 2ри септември. Ама вака не ме болело до сега пред добивање...

 

Секси мене секогаш така ме болело кога добијам, сосема ниско, подолу од матката

 

Не се секирај, каде се не боли. Мене ме боли дури и на страна, кај слабината, сум била и на лекар ми рекле се е од јајниците, како стигнува до таму болката не знам т.е. си има некои нерви поврзани што ја знам, не е ни битно. Сега па ме боли цела десна страна и од напред и позади, треба да добивам така да сигурно е тоа. Ехеее уште што нема да преживееш со менструацијава

 

Оф леле, а јас мислев дека болката во стомакот е најлошото нешто во врска со тоа. Сиротичка јас, а тоа било само почеток.... До сега ретко кога ме болело стомак и тоа малку така кај матката... а сега.

 

Од кога паметам за себе, сум имала проблеми со стомакот. Дури и моите ми кажувале. Ама, еве додека имам менструација значи буквално до сега никогаш не ме заболел стомак, единствено еднаш ми се случи да ме болат колковите и 'рбетот ама ништо страшно. Туку, не е тоа работата. Додека одевме во школо скоро и да немаше ден да помине, а мене да не ме заболи стомакот а сето тоа беше пропратено и со дијареа. Сум и кажала на мајка ми, и ми рекла да не претерувам, дека тоа е само школо и дека нема зашто да се плашам, треба да се опуштам и такви работи. Знам дека болките во стомакот (долниот дел) ми се всушност стравот најверојатно што го чувствувам а ни сама незнам зашто кога ете сум знаела за тестови и испрашувања, и баш тој страв се манифестира преку болките. И на пример, ќе треба да правам тест, онака се препотувам, ме боли стомак а онака знам барем за четворка. И ќе ми го даде тестот наставничката и најчесто ми поминува болката. Ми се има случено некогаш по цела недела да немам никакви болки па следната пак да, и некогаш ми се случувало наеднаш да помислам дека сум добра и тогаш пак ќе почне да ме боли.

Навистина незнам зашто ми се случува ова, на лекар не ни планирам да одам, а апчиња моите нема шанси да ми дадат. Како да го пребродам овој страв? Зашто и онака сега ќе одам во средно и неможам веќе да се справувам со ова, во основно полесно беше, ќе тркнеш до вц или пак ќе те пушти и за пет минути си дома. Ама вака..

 

Блу, пред две години имав исто проблем со дијареата. Јас макар и да се напиев една чаша вода, морав да одам во вц. Претпоставуваш колку ми беше незгодно, цело време трчав наваму натаму. А траеше тој период, барем една година. Испадната во дискотека, пијам нешто и ајдееее... Имав и грчеви плус. Страшни болки се тоа грчевите.

Но, не ми се случило за време на тест или такви работи. Нека не те чуди, сепак тоа е некој вид стрес за организмот. Можеби во овој дел, повеќе ти е од психата, така ти сама себе си делуваш потсвесно.

Него, мој совет ти е да припазиш на исхраната. Прекинав да јадам лута и премногу зачинета храна, а јас сметам дека ова најмногу ми помогна - престанав да пијам газирано и сокови, општо. Непотребни се, верувај. Исто, пробај да се опуштиш. Значи тестовите и испрашувањата не се ништо страшно, гледај на нив како чиста формалност пред да добиеш добра оцена.

Јас пиев апчиња, добри 6-7 месеца. Можеби и тие ми помогнаа, не знам. Не ги отфрлај веднаш како опција, не е ништо трагично ако треба да пиеш терапија. Чудно ми е, зошто твоите би ти забраниле да одиш на лекар и да ги пиеш ?

 

Не, не е дека моите не ми даваат да одам на лекар, јас ни сама не сакам да се влечкам по лекари затоа што тоа е една од работите што најмногу ги мразам. А сум и рекла на мајка ми да ми даде некои апчиња, нешто како Диастоп или за стомак ама ми рекла демек зашто уште од мала да се труеш со апчиња и такви ствари, нема ти секој ден да ги пиеш.

А и да, знам дека ми е мене до психата, ама не ми е јасно јас обично не чувствувам страв пред испрашувања и такви работи, туку ме боли стомакот. Многу ретко ми се случило да чувствувам само страв. А тоа проблемот да е до храната, не верувам. Не јадам ни лута ни зачинета храна, ова ми е само на нервна база што се вика, ама стварно незнам како да го искоренам тоа. Не ми се случува краток период, на пример неколку месеци. Ова уште кога бев помала, од прво до четврто ама тогаш ме болеше стомакот се додека не одам на училиште а кога веќе ќе сум таму не ми е ништо. Вистинските проблеми почнаа во петто одделение, потоа во шесто не ми беше ништо, од седмо повторно почнав да имам проблеми па се до сега.

Сепак, фала ти, ќе пробам да разговарам со мајка ми. Ама мислам дека во овој случај никакви лекови нема да ми помогнат, сметам дека за џабе ќе се клукам со нив ако јас не се опуштам, ништо нема да ми помогне.

 

Можеби, опуштањето ќе дојде кога ќе знаеш дека имаш добро научено, не само за една 4ка. Кога учиш, учи како што треба, што би се рекло. Ако си сигурна во своето знаење, ќе нема место за паника. Пробај со ова, веројатно ќе ти помогне.

А и па, не се притресувај како којзнае што да е еден тест или писмена... Има и постресни работи.