Општи здравствени проблеми - прашања и одговори

Девојки, некаде околу 3-4 дена имам како остра болка на левата страна од тораксот. Не е на едно место, туку на 2-3 места. Не е околу срцето, а не е ни баш на градата, околу неа. Болката како да пецка, не е константна туку се јавува одвреме на време, особено кога мирувам или лежам. Некако ја чувствувам како да е подлабока, на пример од мускул или ребро но не сум сигурна. Многу ми е страв дане е нешто на градата. Дали некој искусил нешто слично или знае што може да биде? И каде би се упатила?

 

Здраво, дали има некој искуство со Центарот за биоинформатика Revit во Скопје? www.bioinformatics.mk

 

Ноктот на прстот на ногата ми е до пола, т. е одоздола ми порасна нов а стариот ми е до пола веќе, многу бавно додека испадне. Има ли некоја крема за побрзо да падне?

 

Бев да ми зимаат крв за да ми испитаат алергија и бактерија во желидник и не ми протекува крв од вената и ме враќаат за друг ден во друга лабараторија да ми извадат крв.Дали на некој друг ова му се случува,те буцкаат и крв нема ,страв ме фаќа,а не ми е прв пат

 

Во декември минатата година почнав да осеќам константна болка во градите и пазувите, на што веднаш закажав ехо на гради. Докторката ме прегледа, ми кажа дека имам циста од 7мм и дека не е ништо страшно. Болката не ми поминуваше, па бев и на второ мислење, каде што докторот ме прегледа абдомен и гради и ми кажа дека се е во ред, дека болката ми била од стрес. За кратко време, имавме систематски преглед од работа (срце, абдомен, гради - се беше во ред) , кадешто ме испратија на дополнителни испитувања за тироидната. На крвната слика, тироидните хормони ми беа во граница, но имав антитела и докторот ми дијагностицираше Хашимото. Во тој момент најдов објаснување за страшниот умор кој го осеќав и уште мн други симптоми си реков, а добро сигурно и болката во градите ми е од тоа. Во меѓувреме на неколку пати имав воспалено грло, до степен да не можам да голтам и почна да ми отекува и жлездата од левата страна под вилицата. На крај ми потече и жлезда на вратот од десната страна (не веднаш под вилица, туку на средина од десната страна) и бев кај матичната. И ги кажав сите симптоми, повторно ме прати кај ендокринолог, којшто пак ми кажа, во ред имаш Хашимото, но тоа не е поврзано ни со грлото ни со болката во градите, и ми посочи дека може да биде проблем со лимфните жлезди или некоја инфекција, да барам преглед или на уво, нос и грло или кај инфектолог. И пренесов на матичната, таа ми рече ајде да направиме крвна слика, каде што испадна дека железото ми е под граница и MCH, RDW и MPV малку под граница. Докторката ми препиша капсули да пијам за железото, а за болката во градите и пазувите не ми даде нов упат, туку да се мачкам со гел.... Болката сѐ уште не ми поминува, градите ми се преосетливи на допир (во текот на целиот месец, само стануваат поосетливи кога имам добиено) а многу често во текот на денот од нигде никаде осеќам болка. Истотака, нешто што најмногу ме плаши, кога ќе легнам на стомак, односно се потпирам на рацете, осеќам голема болка повторно во градите и под пазувите. Други поизразени симптоми ми се многу често заврзано биење на срцето (претходно сум немала), изгубив доста килажа во однос на тоа на претходно и никако не можам да ја вратам старата килажа, постојано ми се појавуваат афти во устата, скоро секоја вечер се будам, имам честа болка на левата страна на стомакот над јајниците секогаш на истото место, и ми се појавија и лишаи кои веќе ги немам, но специфично беше што беа на симетрични места, на бутовите на исто место, на препоните на двете страни на исто место. Имам 26 години и претпоставувам дека е некаков системски проблем, но веќе не знам кај да се обратам. Би ви била благодарна доколку сте имале слично искуство или имате некакво медицинско познавање да ме посоветувате.

 

Си направила ли рентген на граден кош?

 

Не, немам правено. Дали според симптомите би можело да има некоја поврзаност?

 

Оди на интернист. 50 евра на приватно ти е сегде и ќе ти каже што ти е.

 

Ви благодарам на предлозите, ќе побарам рентген на граден кош и ќе одам на преглед на интернист, па се надевам дека ќе дознаам што ми ја предизвикува болката

 

Некој пролазен вирус можеби

 

Како се употребуваат капсулите МАКМИМОР. Дали се ставаат во вагината или може да се пијат?

 

Се користат вагинално, не се пијат.

 

Здраво,
Ве молам кој знае да ми каже подетално за мононуклеоза веќе петта недела лимфните жлезди кај вратот ми се потечени, многу сум испаничена, ми е страв премногу.
Дали е нормално и после петтата недела да имам потечен врат од вирусов?

 

Се случува ова, може да се работи за некоја вирусна инфекција, организмот успеал да се избори со инфекцијата без да се појават други симптоми, па си поминала само со покачена температура. Мислам дека не постои засега причина за загриженост, но доколку почесто се случува можеби ќе треба да се направат дополнителни испитувања, да се види од што се јавува покачената температура.

 

Незнам дали прашањето ми е за тука или за совети за вежбање.

Почнав да вежбам, поточно скокам јаже и десната нога пред 4-5 години ја имам повредено кај скочниот зглоб. Инаку скокам јаже скоро 2 месеци на почетокот знаеше некогаш да ме заболи така малку и брзо ми поминуваше и необрнував внимание на тоа, а последниве два дена премногу ме боли еве сега скокав ама неможев да си ја постигнам целта пошто почна да ме боли, незнам дали е од промена на времето или треба да престанам со ваков вид на вежбање. Нормално е така да ме боли?

 

Не е нормално да те боли толку, нема врска со промена на времето. И јас имам скокано на јаже, скочните зглобови ме имаат болено после тренинг, ама не е нешто што не поминувало. Доколку имаш голема болка треба да прекинеш, може е повреден зглобот.

 

Какви капки за уво можам да ставам, ме полудеа од чешање

 

Дали може на своја рака да си купам Риностоп
Без рецепт? Или кажете алтернатива за затнат нос и премногу кашлање..
Не сум болна ама умирам

 

Може да се земе без рецепт Риностоп но тоа е за ако ти тече носот, а ако ти е затнат не знам дали ќе ти помогне. Ако ти е затнат носот Септаназал спреј за ворасни, мене ми помага секогаш, можеш и Оперил спреј има и многу други јас овие ги преферирам. За затнат нос добро е да се прави и инхалација. За кашлица сируп, зависи каква е дали сува или продуктивна, ама и сирупот делумно ќе помогне, каплицата може да перзистира и до еден месец. Добро е да се пие салеп, ја обложува слузницата на грлото и ја намалува кашлицата.