Општи прашања за коса

Леле, јас на шампонов му дадов шанса едно 3-4 пати, ама на крај се откажав и го фрлив скоро цел.
А, го купив оти тука го фалеа.
Мене природно ми е многу, премногу сува косата, а шампонов уште толку ми ја сушеше.
Не знам, со ниту една маска не се решаваше проблемот.
Сега го гледам низ маркетите и пакување му смениле.
Сума сумарум, за сува коса не би го препорачала ни под точка разно, освен ако некој нема совет за соодветен регенератор или маска во комбинација со него.

 

Јас имам многу мрсна коса и мене ми одговара.
Има два вида, едното е со чичково масло, и е пакувањето со виолетова етиката,а другото е она стандард.
Двете ги имам користено и од ова со чичково масло сум позадоволна.

Еве трет ден косата уште не ми е мрсна ко што знае да биде со друг шампон, а порано бев презадоволна од обичниот коприва.
Ми ја прави убава мека, сјајна.

Ако имаш проблем со мрсна коса, убав е. Мајка ми има сува коса, неа не и одговара.

 

Некој добар фризер што знае да шиша и да фенира убаво да препорачате?

 

Во Скопје ? Ако е за во Скопје мжам да ти ја препорачам мојата фризерка , 4-5 години се шишам кај неа и сум препрезадоволна. Не е позната но си ја знае работата. Да не испадне дека правам реклама , пиши ми ЛП ќе ти дадам бројче ако сакаш

 

Има ли некои добри спрејови за обновување на коса

 

Дечкии зимно време имам голем проблем со косата...
Значи ми се витка ненормално многу, без разлика дали ми е пеглана или фенирана, ич не ми стои и страшно ме нервира.
Дај кажете спас. Шампон ли, маска, спрејови нешто што знаете или пак користите за малце поцврста да ми ја држи косата.

 

Истиот проблем го имам и јас и само поради тоа зимно време избегнувам да ја носам пуштена косата ..Ајде ако знае некој нека помага

 

Шампон за осетлива коса?
Не можам да си најдам шампон.Некои ептен ми влијаат врз косата,ми предизвикуваат чешање,првут и ми ја сушат ептен,а други-ми ја праат премногу мрсна.
Предлог?

 

А да пробаш со бебешки шампон. Благи се, неутрални. Јас до скоро користев на Babylove но, за жал повеќе го нема. И се префрлив на Хип за деца. Eдинствено после нив косата не ме чеша. Од сите други ме чеша. Мислам и против перут дека е. Кај мене перутот скоро и да го нема.

 

косата ја третирав 'пери-носи`, ама мора малку да ја улепшам
Не сум користела маски и регенератори, ама дека ми е оштетена косава, девојки ако може да ме упатите кога и како се користат

 

@Calla Регенератор за коса се користи после употребата на шампон. А маската може да ја нанесуваш како неделен третман (еднаш во текот на 7 дена) после измивање на косата со регенератор. Ако забележиш дека треба да ја редуцираш употребата, може и еднаш месечно да правиш третман. Се зависи од степенот на оштетеност на косата.

 

Купи си на Gliss conditioner има во повеќе пакувања со различни бои. Најубаво ќе биде да одиш во некој маркет или ДМ и ќе разгледаш која боја за каква коса е. Јас го користам црниот со кремасто/златно. На него пишува дека е за многу оштетена и сува коса ама јас го користам по препорака иако не ми е оштетена. Секогаш го ставам по бањање, не се измива и косата ми станува мека и многу лесно се расчешлува. Јас лично сум многу задоволна, околу 200 ден. е некаде помалку некаде повеќе ама за тие пари вреди, и многу долго ќе го користиш, не се става по многу.

 

Во периодот откако користам вакви производи (а тоа е долг период) немам слушнато за користење на маска на овој начин.
Регенераторот ја има истата фукција како и маската и се употребува на ист начин и воопшто не е потребно да се користат и двете истовремено. Наместо и двете, одбери едно од нив. По избор можеш дополнително да користиш и спреј за коса на деловите каде што тешко ти се расчешлува косата и/или капки за коса.
Ако е потребно повеќе информации, пиши каква ти е косата за да може нешто конкретно да се препорача.

 

@OmniaVanitas и јас користам или маска или регенератор, никогаш не ги користам и двата продукти истовремено.
Меѓутоа сум приметила дека на многу маски е наведено да се употребуваат еднаш во неделата, додека кај регенераторите не сум го забележала тоа.
Затоа маска си користам само еднаш во неделата, а регенератор користам 2-3 пати во неделата после секое миење на косата затоа што ми е потребно нешто да ставам после шампонот. Разлика има и во тоа што регенераторот немора да се држи неколку минути туку одма може да се исплакне, а нели маските обично треба да остојат некоја минутка.
Најверојатно маските се поконцентирани од регенераторите и подлабински може да делуваат во влакната.

 

Сестра ми баш вчера го купи шампонов во средина што е, ама уште не го пробала. Кога ќе видиме ефекти ќе ти пишам.

 

@mims-89 Маска, регенератор, капки, спреј, масло... Со сето тоа само ја преоптоваруваме косата. Затоа велам дека не е потребно да се употребуваат и маска и регенератор, особено ако се додаде уште нешто од наведената листа.
До сега немам користено маски од кои треба да се прави пауза или имаат упатство да се користат поретко. Сепак, до сега имам користено домашни маски и преферирам регенератори.
Инаку и регенераторот се остава да отстои неколку минути. Колку подолго - толку подобар ефект. На оние на кои пишува да се остават една минута се всушност за периоди кога ни е потребна побрза подготовка и немаме подолг период за средување. Сум забележала дека од нив, колку подолго стои - толку подобар резултат даваат.
Како и да е, секоја коса си е посебна „приказна“ и овде можеме да дадеме совети. Крајниот резултат се добива од истражување.

 

Препорачајте ми некој шампон?
Не Хед ен шолдерс или Ваш ен гоу.
Некако после некое време сите шампони ми прават перут, се мислам да не ми е кожата чувствителна? Има ли нешто на Балеа убаво, да пробам?