Пред малку читав рецепт за осветлување на косата со цимет. Го испробал ли некој? Резултати?? Тој рецепт што го сретнав јас вели вака: Измешајте пола шоља мед, шоља вода, 2 мали лажички маслиново масло, и 3 лажици цимет. Кога убаво ќе ги измешате состојките, (поубаво е да ставите повеќе цимет за поголем ефект), ставете ја маската по целата должина од косата. Оставете ја да делува четири часа.Косата ќе ви биде мека и нежна, а ќе го постигнете саканиот ефект.
Немам слушнато за овој рецепт,јас исто така барав и прочитав дека со лимон свеж да се натопи косата па потоа на сонце да седиш и ќе била посветла
Доколку сакате за нијанса да ја осветлите косата, а притоа не сакатае да ја оштетувате со хемикалии, треба да знаете дека постојат и намирници во нашата кујна кои ќе ни помогнат во таа цел. Лимонот и камилицата најдобро дејствуваат со помош на сонцето, циметот може да ја осветли косата и до три нијанси, а медот содржи ензим кој произведува мала количина на хидроген пероксид кој треба да се спои со маслиново масло. Летото е идеално време за природно осветлување на косата, а светлите тонови наједноставно ќе се постигнат кај косата со жолтeникав пигмент. Лимон Најпознат природен третман за осветлување на косата е оној со лимонов сок. Помешајте свежо цеден лимонов сок со топла вода во однос 1:1. Мешавината нанесете ја на коса, оставете ја дејствува 10-15 минути и исушете ја на сонце. Сонцето ќе го зголеми дејството на лимонот. Овој третман може да го правите само еднаш неделно. Цимет Освен лимонот, во осветлување на косата помага и циметот. Помешајте 3 лажици цимет и 4 лажици регенератор за коса, и смесата нанесете ја на косата. Оваа смеса треба да ја оставите да дејствува 4 часа, а косата може да осветли и до три нијанси. Камилица Направете појак чај од камилица и оставете го да се олади. Косата измијте ја со чајот, а потоа нанесете регенератор кој не се мие, а во кој ќе додаете неколку лажици од чајот. Косата сушете ја на сонце за да може камилицата побрзо да дејствува. Мед Медот содржи ензим кој произведува ниско ниво на хидроген пероксид кој може да ја осветли косата. Две лажици мед ставете во шолја вода и оставете ги половина час. Потоа додадете 2-3 лажици маслиново масло и таквата смеса нанесете ја на косата. Оставете ја да дејствува еден час, а потоа измијте ја со млака вода. Медот нема значително да ја осветли косата, па затоа можете да го комбинирате со третманите со лимон или цимет.
Епа да ви кажам не се осветлува ни со цимет,ни со мед ни со лимон.Не 2,3 нијанси туку ич.Сум ја држела со саати,на сонце,на темно, на сијалица,абе ништо си остана кафена темна и тоа е.Единствено решение е да измешаш хидроген 9 %,маслиново и рицинусово масло,и кога ќе ти се осветли,да се мачиш да ја вратиш во нормална состојба
Баш пред неколку денови го пробав тоа со мед,цимет,вода...очајно барав начин да ја осветлам косата природно и го најдов,пробав,таму каде што најдов пишуваше 2 часа да се држи на косата,а претходно еден час да стои смесата.Се направив ама не успешно,не ми ја осветли само ми ја направи многу многу мека.
Здраво јас го имам пробано овој рецепт само што количините беа малце поинакви. Рецептот функционира само што треба да бидеш упорна и уште од одма да нагласам не ја прави плава косата (значи ако природната боја ти е темна оваа маска само нежно ќе ја нијансира косата). Во зависност од природната боја и густината на косата првите резултати може да се забележат после 4 употреба. Дозата на состојките која јас ја имам направено е: 6 лажици деминерализирана вода, 1 лажица мед, половина лажица маслиново масло и една мала лажичка цимет или пак може и ѓумбир. Откако ќе ги помешате убаво сите состојки смесата треба да ја оставите да отстои еден час па потоа ја нанесувате на косата и ја држите најмалку 4 часа (а може и повеќе доколку сте дома и доколку не збудалите со кеса на главата). Зошто функционира...затоа што во овие количини медот во допир со деминерализираната вода создава хидроген пероксид меѓутоа во многу мала количина 2 3 % и затоа не го оштетува влакното како на пример хидригенот а згора на тоа медот ја храни косата. Меѓутоа како што напоменав реба да се има трпение затоа што резултатите се постепени и не е возможно драстично осветлување на косата.
Немојте со лимон да осветлувате коса. Има да се направи кршлива и сува. Еднаш пробав и ми требаше многу време да ја оправам.
