13 години, тинејџер. Не знам дали ќе сфати, како ќе реагира а од друга страна не сакам да расте во средина на непочитување и да си мисли дека така треба. Хаос ми е во глава и така.
Секој ден продолжување на таков брак е измачување и за тебе, а верувај и за детето. Без разлика дали и колку се обидувате да ги прикриете несогласувањата, со текот на годините се' појасно ќе му станува што се случува, а последиците од растење со таков пример не може да бидат позитивни. Разделбата со брачниот партнер не е најлесниот избор, но е најправилниот.
Тешка одлука е тоа. Најлесно е да рече некој разведи се. Не е исто со дете и без. Мора добро да размислиш што да правиш но.. Мисли и на себе.
Знам. Но не е само детето. Тука се и фамилиите, пријатели, роднини и свашта. Како ќе се исхендла тоа? Си викам да не ми е касно сега да мислам на себе? Се измачувам со помислата дека требало да реагирам порано, додека е помал, уште првиот момент кога сфатив дека ова не го бива...ме измачува помислата дека сум била кукавица а не сум била ни финансиски зависна нит ништо, поддршка од моите секако би имала и не знам стварно зошто толку сум чекала.
Гледај разделбата да биде постигната со разумен разговор, за да не завршите како најголеми непријатели и детето да остане во средина на вашите расправии. Ако разводот се постигне со договор, тогаш нема да има проблем за понатамошните комуникации и средби со роднините. Детето треба да си остане во комуникација и со фамилијата од страната на сопругот и со твојата фамилија. Е сега ќе нема заеднички средби со сите роднини, ама и не е некоја трагедија тоа или нешто што би имало лош ефект врз детето. Свесна сум дека да се даде совет е лесно, но истото да се спроведе на дело е тешко, но мораш од некаде да почнеш а најдобар почеток е разговорот.
Како ќе влијае на детето зависи и од маж ти како ќе го прифати фактот дека е крај.. Тие што ги спомна роднини курци палци не се битни зашо за твој живот се работи.
Нема да прифати. Тој има секако проблеми со самодоверба, него му е многу битно што ќе кажат луѓето и мислам дека нема да има мирна разрешница.
Е тука веќе имаш сериозен проблем. После тоа може мн да му прај притисок на детето од типот мајка ти оваква мајка ти онаква.. И морам да речам, многумина ради тоа не се разведуваат. Па бараат чаре на друг начин да се среќни. Некој ги осудува не знаејќи дека се заглавени во шајзе ради среќата и мирот на децата.. Извини што мојов совет е - не знам што да сториш.. Ама навистина треба добро да размислиш ако решиш да го направиш тоа како ќе ги заштитиш детето.
@Мила5 Не се разведувај, но објасни му на детето зошто е вака. Објасни му дека не функционирате ниту сексуално добро, и дека е можно секој својот пат да го одбере, а сепак да останете во заедница зошто двајцата го сакате и се грижите за него. Отворена и директна комуникација пред се! Нема срам, голем е, ќе разбере. Помалку ќе боли вистината да ја чуе на 13, отколку на 18.
Тој и сега го прави тоа со "мајка ти оваква, мајка ти онаква" без никаква реална причина. Претпоставувам ќе биде бетер тогаш.
Леле, будала. Толкави постови изнапишавме, исфилософиравме, а ти онака шерифски во еден пост ја реши. Абе, те обожавам. Озбилно.