Кога веќе зборуваме за отворен брак, ѕирнете го видеото на линкот https://www.facebook.com/516366018726600/posts/741813659515167/
Го погледнав видеото до крај. Најак беше коментарот на мајката на еден од мажите, додуша и коментарот беше јак ама појака беше нејзината фацијалната експресија на гадење. Таа вели јас имав маж со години и моногамен брак додека тој не умре а за син ми видов не видов прифатив. Инаку конкретно овие особи се од типот на социјални случаи кои времето го тепаат со глумење магионичари. Значи тоа се особи без прецизно утврдени работни и животни навики, живеат како им се сака без обврски. А не се единствени овие и ова видео бидејќи имаше цели серијали ''Seeking Sister Wife'' https://www.imdb.com/title/tt7988900/ и во тие средини таму и ова особено е проширено во мормонската заедница. Отворен брак не е нова појава. Почитувам што партнерите кои прифатиле ваков брачен и сексуален живот се пред се искрени еден со друг. Но тоа не ги оправдува целосно во мои очи. Во најголем случај ваквата потреба и појава на отворени бракови може да се објасни и опише преку патофизиолошкиот механизам кој доведува до такви силни сексуални потреби. Во денешно време кога во светски рамки е минимализирана институционализацијата на случаи со одредени психички растројства и сите тие се максимално интегрирани во секојдневните животни текови не е чудна појавата на вакво сексуално однесување. Научно докажано кај лица со депресивни, манични и др. вид слични растројства кај кои изложеноста на депресивните епизоди е почеста поради неизбалансираност на серотонинот и други невротрансмитери во мозокот одговорни во спроведувањето на нервните импулси од една на друга нервна клетка за да се надокнади тој недостаток телото има постојано потреба од дополнителен адреналин да ги одржува активни за да не паднат во депресија. Секој компензира поради овој недостаток и некои компензираат со неконтролиран и силен сексуален нагон односно имаат зголемено либидо кое не може да им го задоволи еден сексуален партнер ниту вибратор ниту самозадоволување. Мора да ја осетат возбудата и налетот на адреналин кога стапуваат во сексуален однос со некој друг. Мора да е нешто поинакво и различно од стандарден брак, сопружник за да се добие тој адреналински и допамински фикс за мозокот да го компензира реалниот недостаток на серотонин, допамин и др.невротрансмитери. Убаво е опишано ова и во филмот Welcome to Me(2014) https://www.imdb.com/title/tt2788716/ Најчесто отворените бракови се резултат на задоволување на неконтролираното и силно изразено либидо кое е под нервна регулатива и бива психички стимулирано . Но во секое правило има исклучоци така да има и личности кои се сосем во ред од здравствен аспект но имаат ниски страсти и потреба постојано да изневеруваат односно бидејќи имаат согласност од партнерот за ова испаѓа дека не изневеруваат туку само се сексаат со други како највообичаена појава. Па за компензација на овие ниски страсти има рехабилитациони програми за одвикнување од секс кај зависници од пречесто конзумирање на секс надвор од бракот. Сите општествени промени и немање секојдневна рутина и распоред во активности работа-хоби-станување-легнување во одредени фази од денот кои рутински ќе се повторуваат доведуваат делумно до вакви појави. И како тргнало се почести ќе бидат ваквите појави и ќе се поздравуваат како либерализам и спротивставување кон моногамноста преку нејзино омаловажување и оправдување дека е невозможно дури и себично да се сака еден партнер во брак 20, 30 или еве и 50години. Секој има право на избор и нека живее како сака но пред да се споделува и практикува отворениот брак треба да се размисли зошто и како се појавила таа потреба од отворен брак и кои се последиците од неговата зачестена примена .
Си запознала некој пар во отворен барк/врска што е, или само од книги и видеа 'знаеш' се'? Измеша се'... и полиаморија, полигамија, религија, психијатрија... Не можеш во генерална рамка да ги ставиш сите. Секој пар, а и секој поединец е приказна за себе По твојава логика, јас истото можам да го речам за тие што се во затворена врска/брак: Имаат високо либидо, повеќето се изневеруваат. Тоа е производ на недостаток на серотонин кој го имаат во мозокот и кај и да е.. сите ќе станат такви
Не се оспорува фактот дека секој има право на избор. Тоа е точно. Не ве прави ништо поразлични од другите што се одлучиле да бидат нешто поинакво. Едино размислувањата ве прават различни. Како можете да допирате партнер/ка кој притоа бил со друг/а? Како можете да имате однос без заштита со некој кој претходно бил со друг/а? Како живеете со таа помисла и совест? Не постои љубов тука,постои само задоволство и еден вид на лажна илузија дека се е совршено добро,а не е. Што се однесува до отворен брак како појава не е ништо непознато. Имено таа практика потекнува од муслиманството, каде според верувањата и религијата мажот може да се одлучи на втора или трета жена во неговиот живот, но тоа е во склоп на нивните закони. Поентата е што во таа вера треба сите жени да бидат невини. Невиноста не е оспорна во таа вера, невиноста за нив значи чест и чистота. Но, за жал некогаш премногу далеку се оди со оваа граница па место младо со младо,се спојуваат младо со старо - за оваа стапка има друга тема.
Муслиманството е нова религија.. Најнова впрочем. А различните сексуални преференции постојаат, откако постои човекот. Морнмоните се Христијани иначе Имам 40 години, и не убедувам никого, само кажувам. Во овој брак сме јас и сопругот, не вие, па да имам потреба да ве убедувам. Иначе, користиме кондоми со другите. Си се подразбира тоа. Не сме деца па да влегуваме наивно во сексуална активност, без заштита. Знаеме подобро.
Што е тоа муслиманство? Ислам се вика верата и втора е по години на постоење, по христијанството е всушност. И да, порано бил дозволен брак во кој е еден маж и повеќе жени, но не затоа што "им се сакало", туку затоа што многу мажи гинеле во војни и немало кој да се грижи за нивните жени и деца. Ова модерново, отворено ова она тоа е од што ви се сака. Порано немало вакви глупости.
Така е девојче. За љубов јасно е дека не постои, ионака не верувам во љубов . Она што постои во овој тип на брак е искреност. @WildMk , цело време потенцира да бидете искрени со вашите партнери, а не зад грб, ама јас се изморив од чекање некои од тука да си признаат дека не се баш во затворен брак како што се претавуваат лажно. Имањето тајни љубовници макар од интернет не е ништо ново, она што се бара беше искреност. Џабе јадам гомна, може само да се изнервирам ....ма какви ветувања на верност, какви празни зборови, се е лага !!!
А пред нив постои Будизмот, Јудеизмот, Хиндуизмот, Паганството, Политеистичките религии итн итн.... Исламот е најнова. Добро, има и понови деривати на Исламот и Христијанството, ама тие се само 'отцепени' од нив, не се 'оригинални' религии. И пак зборувате за полиаморија. Денешните отворени бракови, не се една жена со повеќе мажи или еден маж со повеќе жени.. Бракот е само меѓу двајца, а другите се ... авантури. Горе-доле. Да ти речам дека постои љубов, ќе биде пак: Еве оваа се обидува да ни докаже нам. Како сакате разберете, ама во нашиот брак (конкретно), не фали љубов... За искреноста, се согласувам целосно.. Не секој може да сака партнер кој сака да има секс со други. Затоа треба да му се даде шанса на секој, да одбере, дали сака даа биде со таков човек, или не.
Фавориту, јас грешка сум се изразила. Не се однесуваше на твојот брак. За мене лично кажав дека љубов не постои и само додадов дека ми е битно искреност .....значи слободно нека си кажи ако планира да ја легне комшивката , а не зад грб да се ебава со други без да знам јас. Не си играме така
Ако сите бевме искрени во животот, бракови не ќе постоеа...некои работи се повозбудливи кога партнерот не ги знае..ете и јас на пример несакам да знам кого клецка овој мојов, ниту барам да ми каже, ама му велам да бере памет и да пази да не го фатам жив на дело
Ама и за тебе треба да веруваш... За сите има љубов. За сите има 'некој'. Сигурна сум во тоа. Точно е дека постојат повеќе луѓе со размислување и потреби како тебе, отколку како мене. Но не би се менувала.. Како што не би се менувала ни ти. На крајот од денот... секој од нас си знае што е најдобро за него и ние сме си во нашите врски/бракови. Не јас во твојот, ни ти во мојот. .
Јухуу, најдов човеци кои размислуваат како мене Кои ѕвезди преферираат „отворени“ врски и бракови и не се плашат да признаат дека извршиле прељуба на партнерот? Моника Белучи Уште додека беше во брак со Винсент Касел, Моника тврдеше дека нивниот брак го дефинира како „отворен и слободен.“ Скарлет Јохансон „Мислам дека идејата за брак е романтична... Но, исто така мислам и дека моногамијата е спротивна на природата на човекот,“ гласи ставот на Скарлет. Камерон Дијаз Камерон смета дека човекот низ годините се менува, па сосема нормално е и да го менува изборот на партнерот. Џастин Тимберлејк Во неговата автобиографска книга открива дека со сегашната сопруга Џесика Бил имале отворена врска и се гледале со други луѓе на почетокот. Тристан Томпсон Повеќе од очигледно е дека Тристан не верува во моногамија, па сите бивши девојки и сопруги почнува да ги изневерува штом останат бремени. Анџелина Џоли „Ниту јас, ниту Бред некогаш сме тврделе дека тоа што живееме заедно значи дека сме врзани со ланци еден за друг,“ во еден наврат изјави Џоли. Таа е позната по своите контроверзни врски во минатото, како и по ставот дека моногамијата не функционира. https://www.crnobelo.com/novosti/sh...-monogamija-i-eden-covek-do-krajot-na-zivotot
Религијата и општеството ни ги диригираат тие правци за моногамија уште од мали. Така сме воспитани (барем повеќето) дека бракот и партнерот се едни и треба да траат цел живот и е точно, но како поминуваат годините во брак, така врската станува се подлабока емоционално. После Х годино брак, мое да се случи некој од партнерита да не се возбудува повеќе на истите работи, а другиот пак да не е желен и волен да експериментира и да му ги оствари. Во тој случај треба да се има искреност и да се признае дека треба нешто да се промени, макар било тоа и секс со друг/а. Сѐ од ова би било одлична пракса, зачин и освежување доколку љубовта и емоциите можат да се одделат, односно сексот со новиот партнер да си остане само секс и ништо повеќе.
Познавам пар што прво имаа отворена врска, а потоа и се венчаа (инаку двајцата беа околку 21-22 години) и си продолжија со таквата врска. Првично кога беа во врска и живееа заедно велеа дека онака не им смета и сакаат да истражат повеќе, а потоа во бракот дури и живееа во два различни градови околку година дена. Мене интересното ми беше дека имаа и двајцата врски со нивни блиски пријатели, т.е се муваа со, пример, најдобрата другарка на невестата. Нивното објасување беше нешто од типот зошто да се ограничуваме со една личност не е природно. Перипетии имаше кога на свадбата швалерката на младожењата беше најгласна на плачење на сред церемонија од многу љубов и измешани емоции, и подоцна беше највесела, а родитлеите на младоженецот, патем не дојдоа на свадбата (беа конзервативни муслимани, невестата се потурчи и имаа церемонија со оџа). Последно што знам е дека се сеуште во брак. Инаку немам против оние кои имаат отворен брак, нивно си е се доколку и двајцата се согласни во тоа и еднакви, т.е нема искористена и емоционално повредена странка која се прави херој дека и е се исто. Јас не би практикувала отворен брак, добро ми е вака. Не се согласувам дека бракот е социјално створење бидејќи моногамоста е доста распространета во природната и кај животните, и од еволуциска точка се смета за понаредна. Според Хамилтоновата теорија па и од гентски испитувања, ние сме битиа кои се многу себични и на некое подсвесно ниво имаме за цел да го пренесеме нашиот генетска материјал, и најуспешно тоа се случува со моногамија, каде и двата родителите работат на тоа да го изнесат на прав пат нивото потомство. Истото се случува кога наши роднини исто така чувстуваат приврзаност кон нас. Во денешно време статистиките говорат за тоа дека најуспешните луѓето во просек изразнале со двајцата биолошки родители (на пример во Америка на најелитните универзитетите каде најчесто учи кремот од богатите и најголемите интелектуалци, само 8% од учениците не израснале со своите биолошки родители). Тоа не кажува дека не може родителите да шараат на страна, туку дека бракот има смисла. Сметам дека е важно брачните партнери да разговараат за нивната интима и да се во согласност со нивните активности.
